План конспект урока по творчеству крымскотатарского писателя Эмиля Амита

МЕВЗУ: Эмиль Амитнинъ «Анамнынъ умюти» икяеси.

Кой оджапчесининъ фаджиалы такъдири.

Оксюз къалгъан огъланчыкънынъ ички дуйгъуларынынъ ифаделенюви

ДЕРС МАКЪСАТЛАРЫ:

1. «Анамнынъ умюти» икяесинен таныштырмакъ.

2. Сюргюнлик акъкъында субетлешмек.

3. Сез байлыгъыны арттырмакъ.

4. Тувгъан эдебиятымызгъа, тарихымызгъа урьмет ашламакъ.

Дерс донатылувы: дерслик, сюргюнлик мевзусына 1-2 ресим, лугъат.

Дерс кетшиаты:

I Эв вазифесини тешкерюв.

II Талебелернинъ бильгилерини актуаллештирюв

Балалар, 9 майыс- насыл кунь?

Гъалебе куню. Экинджи джиан дженкининъ екюнлев куню. Бу джиан дженки акъкъында не билесиз? Не ичюн бизим халкъымыз гъалибени гъурбетликте къаршыладылар? Сиз бильген киби , 18 майыс 1944 сене куню бутюн къырымтатар халкъы сюргюнге огърадылар. Бизим халкъымыз памукъ тарласында, фабрика-заводларда, мектеп ве челлерде чалыштылар. Дженк зорлукъларыны озюнинъ вуджудындан, тенинден кечирдилер. Ниджелери чыдамайып эляк олдылар.

Дженк сёзюни насыл сезлернен ифаделей билесиз?

«Зеин уджюми»

Акъсызлыкъ

Уруш Сюргюнлик

олюм ДЖЕНК ачлыкъ

Козьяш Гъайып этюв

Дженкке ким кете эди? Къалгъанлар ненен огъраша эдилер? Балалар не япа эдилер?

III Лугъат иши

• Сюргюн - озь Ватанындан чыкъарув

• чырай сытмакъ - юзю ачувлы

• кунь къонгъандже - кунеш баткъандже

• мысырбогъдай - осюмлик

• пите - отьмек

• серин - салкъын

• шытырды - ягъмур тамчыларыны сеси

• тынч - раат

IV Мевзу боюнджа иш. «Анамнынъ умюти» икяесини зынджырчыкъ шекилинде окъув

V Талебелер огюне проблем суаль къоюв.

-Не ичюн анасы агълай эди?

VI Рефлесия

Икяеде къайсы девирдеки вакъиалар тасвирлене?

Гъалебе акъкъында эшиткенде, Энвер шу ань кимни ойлады?

Энвер анасынынъ яныгъыны анълап, озюни насыл тутты?

VII Эв вазифесини анълатув

VIII Дерске нетидже чыкъарув. Баалав