Рефлективтік есеп

17 қыркүйекте 7-сыныпта қазақ тілінен өткізген ашық сабаққа берілген рефлективтік есеп.

Қазақ тілі пәні. Тақырыбы: «Мәтін түрлері»

Алдыма қойған мақсатым: Шығармашылық жұмыс жүргізу барысында оқушыларға мәтін құрауға, тақырыпты аша білуге үйрету. Сөздік қорларын, тіл дүниетанымын, ойлау қабілеттерін дамыту дүниетанымын, ойлау қабілеттерін дамыту

Ең алдымен оқушылармен амандастым. Бұл амандасудың өзі ерекше болды. Мысалыға әр халық әртүрлі амандасады. Соған байланысты, біз әртүрлі халықтың амандасуымен сабағымызды бастадық. Слайдтағы үнді, керей, қытай, орыс, қазақ халқы сияқты екі-екіден тұрып, бір-бірімізбен амандасып шықтық. Бұл біріншіден көңіл күйіміз көтерілсе, екіншіден әр халықтың басқашаамандауы қызықты болды.

Балаларды партаның үстіндегі қағаздарды таңдап, түстерге байланыты екі топқа бөлініп отырды. Көк және қызыл түс.

Келесі слайдтарды тамашалады. Фон ретінде Жігіттер квартеті «Қоңыр күз» әнін тыңдады. Тапсырма: Слайдтан көргендеріңді фличартқа

топпен жазыңдар, ат қойыңдар. Топпен әр топ өз жұмыстарын қорғады.

Келесі слайд Тапсырма:Мәтіннің қай түріне жатады?

Балалар дәптермен жеке жұмыс істеді. Мәтінді жалғастырды. 5 оқушы өздері қалай аяқтағанын оқып беріп, мәтіннің түрін дұрыс анықтап берді.

Келесі тапсырма: Оқулықпен жұмыс:

І топ 10-жаттығу. Мәтіннің мазмұнын айтындар. Мәтінде неше абзац бар? Әр абзацта айтылған ойды анықтап, ойға негіз болған тірек сөздерді табыңдар.

ІІ топ Публистикалық мәтінге мысалы келтіріп жаз. 7 мин

Әр топ тапсырмаларын дұрыс орындады, белсенді қатысты.

Сергіту сәті:

«Адасқан сөздер» ойыны. Топпен жұмыс жүргізілді, әр топ тапсырманы тез және дұрыс орындады.

Дарынды оқушымен жұмыс: Дәптерге сөзжұмбақтың шешуін жазды.

Мақал-мәтелдер мен қанатты сөздерді оқып, бір қанатты сөзді тақырып етіп эссе жазыңдар.

1. Тіл - адам ойының ... . 2.Аңдамай сөйлеген ... ... . 3. Ойнап сөйлесең де, ... ... . 4.Тисе терекке, тимесе ... . 5.Айтылған сөз - ... оқпен тең. 6.Бал тамған тілден ... тамар. 7.Көп сөз - ... ... . 8. Көп сөз - күміс, аз сөз - ... . 9.Жасыңда қылжың болсаң, өскенде ... ... . 10.Таза сөйлеу - биік ... . 11.Көңілсіз ... - ойға олақ.

Керекті сөздер: құлақ, мылжың боласың, мәдениеттілік, у, атылған, бос сөз, айнасы, ауырмай өледі, ойлап сөйле, алтын, бұтаққа.

Оқушылар өздерінің эсселерін оқып берді.

Өзін-өзі және достарын бағалады. Үйге Сипаттау мәтінін жазып келуге берілді. Рефлексия жүргізілді.

Жалпы сабақ оқушыларға да өзіме де ұнады. Балалар белсенді жұмыс істеді. Топпен жұмыс істеген балаларға ұнайды. Оны рефлексия кезінде барлық оқушы жазды.

Алдыма қойған мақсатыма жеттім деп ойлаймын. Уақытты тиімді қолдандым.