Открытый урок по казахскому языку на тему Астананы аралау (6 класс)

Краснознаменное орта мектебі

Ашық сабақ жоспары

Тақырыбы: «Астананы аралау»

Сыныбы: 6 «Б»

Пән мұғалімі: қазақ тілі мен

әдебиеті пәні мұғалімі

Махмутова Г.Е.

2015-2016 оқу жылы

Краснознаменное орта мектебінің 6 «Б» сыныбындағы қазақ тілі пәнінен ашық сабағының жоспары

Күні: 11.02.16

Сабақтың тақырыбы: Астананы аралау

Сабақтың мақсаты:

Білімділік: Астана қаласына барып әсем ғимараттарымен танысу, Елорда туралы түсініктерін кеңейту, мәтінмен жұмыс жасай отыра, септіктер туралы алған білімдерін тереңдету.

Дамытушылық: оқушылардың сөйлеу дағдысын арттыру, оқушылардың тіл мәдениетін дамыту; мәтінде кездесетін жаңа сөздерді меңгерте отырып, сөздік қорын байыту, топта бір-бірімен бірлесе отырып жұмыс істеуді үйрету.

Тәрбиелік: оқушылардың патриоттық сезімдерін ояту, адамгершілікке, өз еліне,жеріне деген мақтаныш сезіміне тәрбиелеу, бір-біріне сыйластық сезімдерін тереңдету;

Сабақтың түрі: жаңа сабақ

Сабақтың әдісі: түсіндіру,сұрақ-жауап,топтық жұмыс, саяхат сабағы

Сабақтың көрнекілігі: суреттер, интербелсенді тақта, слайдтар, кеспе қағаздар

Сабақ барысы

І. Ұйымдастыру кезеңі.

1. Сәлемдесу

Мақсаты: Оқушылардың көңіл-күйлерін көтеруге, бір-біріне жақсы қарым-қатынас орнату және жақындай түсу мақсатына өткізіледі.

Оқушылардың зейінін сабаққа аудару

Кезекшімен сұхбат.

- Бүгін сыныпта кезекші кім?

- Бүгін қандай күн?

- Аптаның қай күні?
- Сыныпта кім жоқ?
- Оқу құралдарын тексеру (оқулық,дәптер,қалам,сөздік дәптері)

2. Психологиялық ахуал.

Шаттық шеңберін өткізу( әр топ бір-біріне іске сәттілік, жетістікке жетейік деген тілектер айтады) :
«Ауадан қуат алайық,
Алақанға салайық.
Жерден нәр алайық,
Алақанға салайық.
Күннен шуақ алайық,
Алақанға салайық.
Бір-бірімізге сәттілік тілейік!»

ІІ. Үй тапсырмасын тексеру. «Карусель» әдісі. Сұрақтары.

1. Астананың негізі қашан қаланды?

2. Астана қаласының бұрынғы атауы.

3. Қазақстан Республикасының бұрынғы астаналарын ата.

4. Астананың көрікті жерлері қандай?

5. Тоғыспалы ықпалға мысал келтіріңдер.

6. Біріккен сөздерге мысал келтіріңдер.

7. Қазақстан қашан тәуелсіздікке ие болды?

• Балалар, қазір біз сіздермен жаңа сабаққа кіріспес бұрын топқа бөлініп алуымыз қажет. Сондықтан партада жатқан сөздерді таңдап алып, екі топқа бөліне қойыңдар.

Топқа бөлу. Сын есімдерді түрлеріне қарай ажырату. (әдемі, жаңа, үлкен, кішкентай, жылы, өнерлі, пайдалы, ақылды, білімді)

Астана тақырыбына байланысты топтарға ат беру (Бәйтерек, Ханшатыр).

ІІІ. Жаңа сабақ.

• Балалар бүгін біздің сабағымыз ерекше сабақ - ол саяхат сабағы.

Елордамызға саяхатқа шығамыз.

-Ал саяхатқа шығу үшін біздің қолымызда не болуы керек?

- Карта.

-Дұрыс ендеше мен сендерге қазір саяхат картасын таратып беремін.

- Балалар бір-біріңе жұмыс алдында не тілейсіңдер?

(Топтар бір-біріне сәттілік тілейді.)

Сабағымыз саяхат болғандықтан біз сендермен көптеген аялдамаларға тоқтаймыз , түрлі тапсырмалар орындаймыз.

Сол себепті мен өзіме әр топтан көмекшілер тағайындаймын. Ол көмекшілер алдарындағы бағалау парағына өз қатарларындағы оқушылардың жауаптарын бағалап отырады.

Саяхат картасы.

1. Бірінші аялдама - «Бәйтерек» монументі.

2. Екінші аялдама - «Хан Шатыр» ойын-сауық орталығы.

3. Үшінші аялдама - «Пирамида» Бейбітшілік пен келісім сарайы.

4. Төртінші аялдама - «Думан» ойын-сауық орталығы.

- Ал енді, балалар, біз Елордамыз Астанаға саяхатымызды бастаймыз. Дәптерімізді ашып, ай күнін жазып, сабақтың тақырыбын жазайық. «Астананы аралау»

-Балалар, ең әуелі қайда барайық, нені тамашалайық?

-Жарайды, ендеше Астананың символы - Бәйтеректен бастайық. Астана қаласының сол жағалауында «Астана - Бәйтерек» монументі орналасқан. Мұнда Өмір ағашы - Бәйтеректің көк аспанға қарай самғауы көрініс тапқан. Бәйтерек ғимаратының биіктігі - 97 метр. «Астана - Бәйтерек» монументі кешенін салу идеясының авторы - Қ. Р Президенті Н. Ә. Назарбаев.

Бәйтерекке кірмес бұрын біз келесі тапсырманы орындауымыз керек.

Бірінші аялдама - «Бәйтерек» монументі.

1-тапсырма. Синкуэйн әдісі. Астана сөзіне бес жолды өлең құру.

1. Зат есім. Астана.

2. Сын есім. Әсем, көрікті.

3. Етістік. Құлпырады, дамиды, жаңарады.

4. Сөйлем. Астана қаласы қазір құлпырып келеді.

5. Синоним. Бас қала, елорда.

IV. Сабақты дамыту.

Екінші аялдама - «Хан Шатыр» ойын-сауық орталығы.

-Балалар, біз Бәйтерек монументін тамашаладық. Енді саяхатымызды әрі қарай жалғастырайық.

- Міне, біз «Хан Шатыр» ойын-сауық орталығына да келіп жеттік. Бейбітшілік және келісім сарайының желісін жалғастыратын сауда және ойын - сауық орталығы. 200 дей мертлік кешен қаланың зәулім доминантына айналды. Оның қаңқасы ұсақ тордан құралған зәулім шатыр ішінде ауданы 100 шаршы метр қалалық саябақ, дүкендер, кино театрлар, концерт алаңы бар. Астана тұрғындары өздерінің бос уақыттарын осы жерде өткізе алады.
Міне біз соңғы аялдамаға да келіп жеттік. Ендеше, «Хан шатыры» аялдамасының тапсырмасын орындап көрейік.

2-тапсырма. «Астана» сөзіне кластер құру.

1998 жылы

Бұрынғы Ақмола

Көрікті

Астана

Бас қала

Жас қала

Елорда

V. Сабақты пысықтау.

Үшінші аялдама - «Пирамида» Бейбітшілік пен келісім сарайы.

-Балалар, біз «Хан Шатыр» ойын-сауық орталығын тамашаладық. Енді саяхатымызды әрі қарай жалғастырайық.

- Міне, біз «Пирамида» Бейбітшілік пен келісім сарайына да келіп жеттік. Бейбітшілік пен келісім сарайы 2006 жылы көрнекті британдық сәулетші Норман Фостер салған ерекше пирамида. Оның биіктігі 62 метр. Пирамиданың табанында 1, 5 мың орынға арналған опера залы, жоғары бөлігінде ғимараттың негізгі бөлмесі бар. Онда Қазақстан ассамблеясының кеңселері, мұражайлар, көрме залдары орналасқан.
Тапсырма Пирамиданың қызметкерлері бізге тапсырма дайндаған екен. Ендеше балалар тапсыпрмаға көшейік. Әр топ бір сөзден септеп шығу керек.

3-тапсырма. Еліміздің бұрынғы астаналары. Сөздерді септеу.

А.с. Орынбор, Алматы

І.с. Орынбордың, Алматының

Б.с. Орынборға, Алматыға

Т.с Орынборды, Алматыны

Ж.с. Орынборда, Алматыда

Ш.с. Орынбордан, Алматыдан

К.с. Орынбормен, Алматымен

VІ. Сабақты бекіту.

Төртінші аялдама - «Думан» ойын-сауық орталығы.

-Балалар, біз «Пирамида» Бейбітшілік пен келісім сарайын тамашаладық. Енді саяхатымызды әрі қарай жалғастырайық.

-Міне, біз «Думан» ойын-сауық орталығына да келіп жеттік. Думан» ойын - сауық орталағы Елорданың сол жағалауында салынған. 3д кинотеатры, «Джунгли» аттракционы, боулинг, көп функционалдық зал мен қонақ үй кешені, сонымен қатар сауда залдары, балаларға арналған ойын алаңдары бар. «Думан» ересектердің де, балалардың да сүйікті демалыс орны.
Енді келесі аялдамаға өту үшін сендерге «Думан» ойын - сауық орталығы да тапсырма ойластырып қойыпты.

«Алты қалпақ» стратегиясы. Балалар алты түрлі қалпақтарды киіп, Астана қаласына қатысты өз ойларын білдіреді.

Ақ қалпақ - нақты деректер (Астананың негізі қаланған жылы, бұрынғы атаулары, атауының өзгертілген жылы)

Қызыл қалпақ - эмоция (Астананың көркімен тамсану)

Жасыл қалпақ - шығармашылық (Астананың болашағына көз жүгірту)

Қара қалпақ - негатив (Астананың экологиясы, көркеюдің кері жақтары)

Сары қалпақ - позитив (Астананың оң жақтары, мақтану)

Көк қалпақ - қорытындылау (Айтылған жайттарды қорытындылау)

Рефлексия
-Балалар, осымен саяхатымыз аяқталды.
-Саяхат сендерге ұнады ма?
-Олай болса, бүгінгі сабағымыздың қорытынды кезеңіне де,келіп жеттік.
1.Астанадағы ойын-сауық орталықтарын ата.
2.Астанаға қандай тілек айтасың?
Тақтадағы «Бәйтерек» суретіне стикер арқылы өз тілектерін жазады
«Көркейе бер,Қазақстан!», «Жайнай бер, бас қала!», «Қазақстан жасасын!»

Сабақты қорытындылау: - Балалар, бүгінгі біздің сабағымыз өз мәресіне жетті. Бұл сабақ барысында сендер елордамыз Астананың көрікті жерлеріне көз жүгіртіп қана қоймай, қазақ тілі пәнінен өз білімдеріңді одан әрі шыңдадыңдар.

Сабаққа белсенді қатысқан оқушыларды мадақтау.

Бағалау: Топ басшылары бағалайды.

Үйге тапсырма: 3, 4 тапсырма 86-87 бет.

1. Бірінші аялдама - «Бәйтерек» монументі.

2. Екінші аялдама - «Хан Шатыр» ойын-сауық орталығы.

3. Үшінші аялдама - «Пирамида» Бейбітшілік пен келісім сарайы.

4. Төртінші аялдама - «Думан» ойын-сауық орталығы.

әдемі

жаңа

үлкен

кішкентай

жылы

өнерлі

пайдалы

ақылды

білімді

Бағалау парақтары

Оқушының аты -жөні

Топтпа сөйлеп, идея айтқандығын бағала

Белсендігін бағала

Мұғалімнің бағалауы

1

2

3

4

5

6