Өзін өзі тану Кешірімді бала - кішіпейіл бала 2 сынып

Мектеп №142 орта мектеп Мерзiмі:__03.12.2015ж. №_____

Тақырып Кешірімді бала - кішіпейіл бала

Құндылық дұрыс әрекет Қасиеттер :кішіпейілділік, мейірімділік, адамгершілік

Мұғалiм Сутенова Индира Нысанғалиқызы Сыныбы: 2 Оқушылар саны:15

Сабақтың мақсаты: Оқушыларға кешірімді болу, кішіпейілділік ұғымы жайлы түсінік беріп,дұрыс әрекет құндылығының мәнін ашу.

Міндеттері:

- Кішіпейілділік, кешірімділік ұғымы жайлы түсінік беру
- Оқушылырдың бойында кішіпейілділік, кешірімді болу дағдысын қалыптастыру.
- Оқушыларды кішіпейіл, кешірімді болуға тәрбиелеу .

Ресурстар:

оқулық, дәптер

(аудио,видео жазбалар)

Дәптер,оқулық, аңыз,бұлт,күн бейнесіндегі қағаздар.

Сабақ барысы:

1.Ұйымдастырукезеңi: Сәлемдесу.

Оқу құралдарына назар аудару. 5Т ережесін еске түсіру

2.Жағымды күйге ену. «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

3.Үй тапсырмасын тексеру:

Үйге оқулықтағы 43-44 беттегі Р. Әбілқадырованың «Кешірім » әңгімесін оқып келу берілген.
Мәтін бойынша сұрақтар:
1. Көше сыпыратын атайдың ауруханаға түсуінің себебі неде?
2. Тұрсын неге мазасызданды?
3. Қарт балаларға қандай кішіпейілділік танытты?
4. Кешірімді болу қасиеті сендердің бойларыңда бар ма?

5. Досыңды ренжіткен кезде өзің алғаш қадам жасап кешірім сұраған кезің болды ма ?

6.Кешіре білу үшін адамның бойында қандай қасиеттер болу керек деп ойлайсыңдар?

Ескерту:

1. 4. Дәйексөз

«Кешірім - ізгіліктің белгісі».

Халық даналығы

Бірінші ер балаларға, екінші қыз балаларға айтқызу.

Барлығы бірге айту.

Дәйексөздің мағынасын ашу.

Дәптерге жазып алу.

5.Әңгiмелеу. Мұғалімнің сыйы

«Көк ту және достар» мультфилмі.

Жебе киностудиясы шығарған.

Мультфилм желісі бойынша сұрақтар:

- Мағжанның Димаға жасаған әрекеті дұрыс па?

-Ол өз қателігін мойындады ма?

-Атасы Мағжанға қандай ақыл айтты?

- Кешірімді болу дұрыс әрекет пе?

- Өздерің достарыңды ренжіткен кезде кешірім сұрайсыңдар ма?

6. Шығармашылық жұмыс, топтық жұмыс.

1. « Бұлттан шыққан күн »

Тақтаға күн тәріздес және бұлт түріндегі қиылған түсті қағаздар жапсырылады .Бұлт пішіндегі қағаздарға сұрақ жасырылады . Сұрақтар :

- Досыңды ренжіткен кезде қандай сезімде боласың?

- Өз қателігіңді түсініп, одан кешірім сұраған кезде өзіңді қалай сезінесің ?

- Кішіпейіл болу дегенді қалай түсінесіңдер

- Кешірім сұраудың достықты сақтап қалған кезі болады ма ?

- Кішіпейіл адамның қандай қасиеттер болады ?

- Өздеріңнің кешірім сұраған кезің жайлы айтып беріңдер

Балалар бұлттарды алып , ондағы сұрақтарға жауап беріп болған соң, бұлт астынан жарқырап күн шығады .

(Жарайсыңдар, балалар! Барлығымыз да осылай әрдайым сабыр сақтап, айналадағы жақындарымызды жақсы күйге бөлесек біздің жан-дүниеміз де осы күндей жадырап жүреді )

Дәптермен жұмыс :

Жағдаяттарды талдау, сахналап көрсету.
- Оқушы мұғалімді қағып кеткені.
- Оқушының сабаққа кешігіп келуі.

7.Топпен ән айту.

«Бала тілегі »

сөзі : С Молдасанұлы

әні : Ф Жолдасова

Бал-балалық,балдырған шақ сан арман,

Барлық бала армандауға жаралған

Кел достарым , әндетіңдер, билеңдер,

Гүлденсін деп атмекен, қара орман.

Болашақтың иесіміз бәріміз,

Туған жердің түрлендірер нәріміз.

Алтын бесік-ұлан байтақ елімде, 2рет

Жарқын болсын шырқап айтар әніміз.

Қалықтаған көгершіні көгінде,

Мүңаймасын ешбір бала елімде.

Ата берген батаменен көркейсін, 2рет

Ұлы Отаным,тілегім сол менің де.

8.Үй тапсырмасы

Келесі «Келісім түбі- жарастық» тақырыбындағы дәптермен жұмыстағы №1 тапсырма . (орындалу барысы түсіндіріледі)

9. Соңғы тыныштық сәтi Жағымды күйге келу

-Балалар, енді көзімізді жұмып осы сабақта айтылған ойлар мен істерді ой елегінен өткізіп көрейікші.

-Барлық айтылған жақсы ойларды жүрегіміздің түкпіріне апарып орналастырайық. Әрбір атқарған істеріңде, достарыңмен , жақындарыңмен жасаған қарым -қатынастарыңда кешірімді, кішіпейіл болып, айналаларыңа нұр шашып, өз орталарыңа жақсылық жасап жүрген қуанышты сәттеріңді көз алдарыңа елестетіп көріңдер ....

- Әрқашанда бір-бірімізге жақсылық жасап,өміріміз тыныштыққа толы болсын! Рахмет! Көздеріңді аша қойыңдар