Өзін-өзі тану пәнімен интеграцияланқан дүниетану сабағының жоспары

Мектеп №10 орта мектеп

Мерзімі

Мұғалім: Назарова М.К

Сыныбы 2

Оқушылар саны 25

Тақырыбы: «Табиғатты аялайық»

"Өзін-өзі тану" пәнімен интеграцияланқан дүниетану сабағының жоспары.

Құндылығы:Қиянат жасамау

Қасиеттері: Табиғатқа зиян келтірмеу,жағымды ойлау,аялау,бағалау, қамқорлық жасау.

Сабақтың мақсаты: Балалардың «табиғат», «қамқорлық» құндылықтары туралы түсініктерін кеңейту.

Сабақтың міндеттері:

● Табиғат пен адамдар арасындағы байланысты түсіндіру;
● Табиғатқа деген танымдық қызығушылықтарын дамыту;
● Табиғатқа қамқорлықпен қарауға тәрбиелеу.

Сабақтың барысы:

Сыртқы интеграция(Өзін -өзі тану сабағының әдістемелік тәсілдерін қолдану)

1.Ұйымдастыру кезеңі:

Жай дауыспен үнтаспаға жазылған табиғаттың дыбыстары естіледі.

Балалар денелерін еркін ұстап, тыныштық сәтін музыкамен өткізеді.

Топка бөліну.Берілген сұрақтарға жауап беру арқылы топтарға бөліну.

Әңгімелесу.
- Достар, мен сендерге сұрақтар қояйын. Соған жауап тапсаңдар, бүгінгі сабағымыздың тақырыбын дәл тапқан боласыңдар. Келістік пе?
- ия.
- Жарайсыңдар! Сендер табиғат бұрышында қандай еңбек түрімен айналысасыңдар?
- Гүлдерді суарамыз.
- Жапырақтарының шаңын сүртеміз.
- Жақсы, тағы не істейсіңдер.
- Гүлдің тамырына ауа жақсы жетсін деп, топырағын қопсытамыз.
- Балықтарды жемдейміз, суын ауыстырамыз.
- Тоты құсты, тасбақаны жемдейміз.
- Дұрыс, олардың тор көздерін тазартамыз, солай ма?
- Ия.
- Біз табиғат бұрышын жақсы күтеміз, осы еңбегімізді бір сөзбен қалай айтуға болады?
- Қамқорлық жасаймыз.
- Дұрыс, балақайлар! Біз бүгін адам бойындағы жақсы қасиеттің бірі «қамқорлық» туралы әңгімелесеміз.

2. Ішкі интеграция(жалпыадамзаттық құндылықтарды сабақ мазмұнына интеграциялау)

Балалар мен сендерге, сөздер айтып отырамын, сендер табиғатты көз алдарыңа келтіріп, мұқият тыңдап, сурет салыңдар:
- Ағашты.
- Күннің көзін.
- Гүлді.
- Құсты.
- Тау
- Жануарлар
- Өзен,

- Көбелекті.
- Ағашты.
- Саңырауқұлақты.
- Осының барлығын бір сөзбен не деп айтамыз?
- Табиғат.
- Дұрыс, балалар. Қараңдаршы қандай керемет сурет шықты. Өте әдемі табиғаттың көрінісі.

Слайд арқылы
Табиғат дегеніміз - аң, құс, өсімдік, тау, тас, өзен, көл, ауа, жер. Біздің тіршілік ортамыз. Олардың барлығы табиғаттың бізге берген сыйы.

3. Үйге тапсырма: «Табиғат» турал мақал-мәтелдер жызып келу.

4.Сабақтың қорытынды сәті:

Сүйейік табиғатты, аялайық!
Біз де одан жақсылықты аямайық!
Анадай табиғаттың аясында,
Жадырап жас балаша дем алайық!