ЖАСТАРДЫҢ ҮЛЕСІ БАР МА?

ЖАСТАРДЫҢ ҮЛЕСІ БАРМА?

Баяғыда ғой біз өмір табалдырығын енді ғана аттап келе жатқан жас бүлдіршін бала болғанбыз, армандайтынбыз. Мұғалім болғымыз, дәрігер болғымыз келетін. Жүз қойдан екі есе қып екі жүз қозы алатын атақты шопан, Ойыл өңірінің тумасы, әйгілі тарышы - Шығанақ Берсиевтей ауыл шаруашылығының білікті маманы немесе бір ауылға әкім болып барып қалсам дегенді армандағандар да бар шығар. Қазір сол арманның бәрі адыра қалған. Болашақта біздің артымызда қалған ұлағатты ұрпағымыз болса, қоғамға қадірсіз азамат болғысы келмейді. Бесіктен белі шықпай жатып қаршадайыннан атақты, бай болғысы келеді.
Қалай десеңіз де, сол тоқсаныншы жылдан бері біздің ой-өрісіміз, сана-сезіміміздің өзгеріске ұшырағаны рас. Біз - тамырын тереңнен тартқан, өзіндік қалыптасқан ерекше бай мәдениеті бар, дала саяси институты дамыған ұлтпыз. Ал мұндай ұғымөркениет тамырын тартатын барлық жастар «болашақ» есігін ашты. Осыдан біршама жылдар бұрын жастар көшенің түкпір-түкпірінде топ құрып гитарамен ән щырқап, шарап ішіп отырса, қазіргі еліміздің жастары сол көшенің қуыс - қиысында өздеріне керекті игіліктерді өз қолдарымен еңбек етіп, тауып отыр. Айтар болсақ, шағын мейрамханалар, асхана немесе қаланың о шеті мен бұ шетіне жолушы тасушы қоғамдық көліктердің кондукторлық қызметтерін міндетке сай атқарып жүргеніне ешкім де қарсылық білдіріп жатқан жоқ. Президентіміз Н.Ә.Назарбаев жол көрсетіп, қолдау жасап жүрген «Жасыл ел», «Атамекен педагогикалық жасақтары», «Атамекен құрылысшы жасақтары», «Ауылдың гүлденуі - Қазақстанның гүлденуі» атты марафондардың белсенді жұмыс істеуіне де жастар қол ұшын, білек күшін жұмсауда.
Кәрі жұмысшылар зейнеткерлік демалысқа кетер уақытында, олардың орнын, жаңа ғана жұмысқа тұра бастаған жастар басады. Мысалы, мен, өзімді бірнеше жыл тәжірибесі бар жұмысшы ретінде елестетіп көрейін, ал зейнеткерлік демалысқа шығар кезімде, өз мамандығыма байланысты материалдарды қызыға оқып, жинап, ұсақ-түйектерін теріп жүремін делік. Ондағы ойым-еліміздің болашағын, алда қояр мақсатымды, Қазақстанда жаңа жобаға сай істер атқаратынымды жастардың алдына салу, оны жетілдіре білдіру. Себебі өз орнымды басатын жаңа жас маманның сол іске белсене бел буып, жаңа орынды қаңыратып кетпеуіне сенімді болғаным абзал.
Жастар қазіргі күні жеке кәсіппен айналысып, біріншіден-өздернің қорек етер қара азығын тауып, екіншіден-елінің ертеңі үшін үшін, Қазақстанның әлеуметтік-экономикалық жағдайын көтеруде. Елінің жүгіне қабырғасы қайыспай, иық тосар белгілі тұлғалар,қайраткерлігі мен мемлекетшілдігі ірі,үлгі-өнеге болған аяулы азаматтар олар-жастар. Ал бүгінгі күні сапта тұрған өрімдей жастардың аталары мен әкелері сол жас шағында осы бейбіт күнді қорғап қалды, олардың ұрпақтары-қазіргі жастар сол бейбіт Қазақстанды қорғауда.
Осы уақытқа дейін еңбектеп келген жас еліміз қазіргі таңда өзінен біршама үлкен біраз ата мемлекеттердің үстінен еңкейіп қарап тұр. Тарих бетін парақтап, көз жүгіртсек Еуразияның қақ ортасында орналасқан ұлы еліміздің күні кеше қандай болғанын білсек, алдағы уақыттарда жастардың қандай жетістіктерге қол жеткізетіні жағымды жұмбақ. Әрине бәріне уақыт - төреші. Дегенмен заман жастарына сене білу де - үлкен қырағылықтың, көрегенділіктің белгісі.

ШАПАГАТ АМАНЖОЛ