Мақала тақырыбы Мөлдір бұлақ

Мөлдір бұлақ-жасыл құрақ.

(6 сыныпқа арналған өзін-өзі тану сабағы)

Болыскенова Роза,

ШҚО,Семей қаласы

«№27 ЖОББМ» ММ

«Өзін-өзі тану» пәнінің мұғалімі

Мақсаты: оқушылардың адам мен табиғат арасындағы үйлесімділік туралы түсініктерін дамыту.

Міндеттері: - оқушылардың табиғаттың тұтастығы туралы ұғымдарын кеңейту;

• оқушылардың табиғатты сақтау, аялау сезімдерін дамытуға ықпал ету;

• табиғатқа сүйіспеншілікке, мейірімділікке, қамқорлыққа тәрбиелеу.

Көрнекі құралдар: интерактивті тақта, үнтаспа, кішкентай сандық, қағаз гүлдер.

Сабақ барысы

Шаттық шеңбері оқушылар шеңберге тұрып, қолдарын ұстасып «Әрқашан күн сөнбесін» әнінің қайырмасын айтады:

Сөзі: Л.Ошанидікі

Әні: А. Островскийдікі

Әрқашан күн сөнбесін!

Аспаннан бұлт төнбесін!

Қасымда болсын мамам.

Болайын мен де аман.

III Әңгімелесу оқушылар әңгімелесуге кіріспес бұрын басқа сабақтард өткен материалдарды естеріне түсіріп, одан кейін мұғалімнің арнайы берілген сұрақтары арқылы әңгіме өрбітеді.

• Қоршаған ортаның гүлденуіне қалай үлес қосуға болады?

• Дүние «тазалық пен даналықтан» түзілген дегенді қалай түсінесіңдер?

• табиғаттың адам өміріедегі маңызы қандай?

• табиғат пен адам арасындағы үйлесімділік дегенді қалай түсінесіңдер?

Тапсырма «Сиқырлы сандықтың» ішіндегі әріптерге «Әлем», «Табиғатқа» байланысты мақал құра.

Ойын сынып екі топқа бөлініп, «әлем», «табиғат» құбылыстарын сипаттайтын элементтерді көрсете отырып қысқаша саяхат ұйымдастырады.

Дәйексөз

«Адам әлемді қаншалықты таныса, соншалық өзін де тани түседі» Иоганн Гете

Тапсырма өздеріңді «Қоршаған ортаны қорғайтын» ұйымның бір мүшесі ретінде елестет. Сені мектепке табиғат жайлы баяндама оқуға шақырды, қандай сұрақтарды қозғай отырып баяндама жасайсың.

Релаксация «Табиғаттағы жасырын орныңды тап»

Шығармашылық жұмыс сендер қазір әлемнің өздеріңше бір керемет жерін салып, оған туристерді тарту үшін жарнама жаса.

Мәтінмен жұмыс «Табиғатты аялайық» Ғ.Құлахметов

Табиғат - адам баласының құтты қонысы, жайлы мекені, ырыс-дәулеті, денсаулығының сенімді сақшысы. Сондықтан халық оны аялайды, қадір тұтады, күтіп баптайды.

Адамның екі анасы бар: бірі-туған анасы, екіншісі-табиғат.

Табиғаттың заңдылықтары мен құбылыстары үйлесімді келеді. Ол өздігінен өрескел бұзылмайды, өзгеріске ұшырамайды. «Табиғат әзілді сүймейді, ол әділеттілікті қостайды!. Орманы азайтылған жерлерде өсімдіктер шықпай қалады.

Табиғат - ұстаз, тәжірибелі тәрбиеші. Адам мейірімділікті, сүйіспеншілікті, қайырымдылықты, әдептілікті табиғаттан үйренеді.

(мәтіннің соңында оқушылар өз ойларын мәтінге байланыстырып айтулары тиіс)

Жаңа ақпарат Көп қырлы, сан алуан құбылыстар жиынтығы болатын кең дүние - әлем, шексіз әрі мәңгі. Ақ көңіл, таза ниетпен кең дүние қабілетін толық ұғыну адамның өз өмірінің мәнін түсініп, орнын табуға көмектеседі.

Дүние заңдылықтарына немқұрайды бейтарап қарауға болмайды. Дүние түзілгенде ұлы даналықпен түзіліп. Оған көркемдік пен сұлулықты үйлестірді.

Пікір алмасу- саяхат «Дүниенің кеңдігі» тақырыбында жасалған презентацияны көру және оқушылардың пікірін тыңдау.

Жүректен жүрекке оқушылар шеңберге тұрып, бір-бірлеріне жақсы көңіл-күй сылағандары үшін алғыстарын айтып, тақтада салынып тұрған суретке сабақ жайлы өз пікірлері жазылған гүлдерді жабыстырады.(гүлдер алдын ала дайындалған)