Разработка урока казахского языка в 5 классе на тему: Қазақ тілі - бай тіл

ТАҚЫРЫБЫ:

Қазақ тілі - бай тіл.

мақсаты:

1. Қазақ тілінің ұлт мәдениетінің негізі, рухани өзегі екенін жете түсінуге жан-жақты бағдар беру.

Өткен сабақта алған білімдерін тиянақтау.

Оқушылардың мемлекеттік тілге деген қызығушылықтарын, белсенділігін, ой-танымын арттыру. тәрбиелік: мемлекеттік тіл мәртебесінің биіктеуіне үлес қосуға , оны сүюге, асылымызды ардақтауға баулу;

Өздерінің туған жерін құрметтеуге тәрбиелеу. Сабақтың түрі: аралас сабақ
Сабақтың әдісі: сұрақ - жауап, шығармашылық іздену,жеке,топпен жұмыс

Сабақтың көрнекілігі: интербелсенді тақта,үлестірме материалдар, суреттер, кесте - сызбалар
Пәнаралық байланыс: әдебиет,орыс тілі, тарих

Сабақ барысы

I.Ұйымдастыру кезеңі.

Оқушылардың сабаққа дайындығын тексеру.

Сұхбатқа шақырар сұрақ арқылы оқушылардың зейінін сабаққа аудару.
II. Кіріспе:

Балалар бүгінгі тіл мерекесіне арналған сабағымызды бастаймыз. Сабағымыздың тақырыбы: Қазақ тілі - бай тіл. 1989 жылы 22 қыркүйекте «Тіл» туралы Заң қабылданды. Кейіннен бұл күн президентіміздің жарлығы бойынша Қазақ халқының «Тіл мерекесі» деп жарияланды. Оның мақсаты - әр ұлттың тіліне құрмет көрсету, оның ішінде мемлекеттік тілге ерекше мән беру.

Тіл дегеніміз - түсініктің құралы

Тіл арқылы адам бәрін ұғады.

Татулық та, достық, бірлік, береке

Бәрі-бәрі осы ұғымға сияды.

Балалар Тіл туралы қандай мақал-мәтелдер, қанатты сөздер білесіңдер. Қане кім айтады:

Жақсы, біраз мақал-мәтелдер мен қанатты сөздер біледі екенсіңдер.

III. Жаңа сабақ түсіндіру:

Енді Тіл туралы мәтінмен жұмыс жасаймыз.

(1) Алдымен мәтінде кездесетін жаңа сөздермен танысайық:
талап - требование ғылым - наука

қасиет - достоинство ресми - официальный

айырылады-потеряет еркін - свободный

өркендеген - процветающий өмір бойы - всю жизнь.

1. Мұғалім оқиды.

2. Екі оқушы (қазақша - орысша) оқиды.

3. Жаңа сөздермен сөз тіркесін,сөйлем құрастыру.

(2) Жаңа сөздердің мағынасы түсінікті болса, мәтінді оқимын,
жақсылап тыңдаңдар.

(3) Енді осы мәтін бойынша сұрақтарға жауап беріңдер:

1. Біздің Республикамыздың мемлекеттік тілі қай тіл?

2. Қазақ тілі кімдердің ана тілі?

3. Қазіргі қазақ тілі ненің тілі?

4. Қазақ тілі қай тілдер тобына жатады?

5) Түркі тілдер тобына қандай тілдер жатады?
Жақсы, Тіл туралы мәтінді түсінген екенсіңдер.

IV. Сергіту сәті:

V.Жаттығу жұмыстары:

(1) Енді топ бойынша жеке тапсырмалар орындаймыз:

1 топ - «Білгір»: Сендер Тіл туралы шағын шығарма жазыңдар.

2 топ - «Алғыр»: Тіл туралы диалог құрастырыңдар.

3 топ-«Тапқыр»: Оқылған мәтіннің орысша мазмұнын айтуға дайындалыңдар.

(2) Енді грамматикалық тапсырмалар орындаймыз:

1топ - «Білгір»: Сендер «Тіл» деген сөзді тәуелдеңдер.

2. топ - «Алғыр»: «Қазақ» деген сөзді жіктеңдер. Жекеше түрде.

3. топ - «Тапқыр»: «Халық» деген сөзге фонетикалық талдау жасаңдар.

(Дайындалуға 1-2 минут уақыт беріледі) Әр топтан 1 оқушыдан тақтаға шығады. Жауаптарын тыңдаймыз.

(З) Енді балалар «Тіл мерекесіне» арнап қандай тақпақтар жаттап келдіңдер.

Рахмет, балалар! Енді бүгінгі сабағымызға қорытынды жасайық.

VI. Қорытындылау,бағалау:

1 топ - «Білгір»: Сендер Вен диаграммасын толтырыңдар.

Қазақ тілі - орыс тілі. Екі тілдің ұқсастығы.

2 топ - «Алғыр»: 5 жол өлең жолын құрастырыңдар.

3топ - «Тапқыр»: Сендер Кластер сызбасын толтырыңдар. Әр топтан 1 оқушы тақтаға шығады, сызып жауап береді.

Балалар бүгінгі сабағымызда Тіл туралы білімізді тереңдеттік.

Енді интербелсенді тақтаға қараймыз.Нұрсұлтан Әбішұлы Назарбаевтың тіл туралы сөзі жазылған.

Өзім оқимын: Тілден артық қазына жоқ,

Тілден артық қасиет жоқ.

Оқушылар хормен оқиды.

VII. Үйге тапсырма:1. Мәтінді мазмұндау

2.Септеу - тіл,халық