Конспект занятия Күпер аша хәзинәләргә

Тема: Күпер аша хәзинәләргә.

Максат: Суда, ярда үз- үзеңне тоту куркынычсызлык кагыйдәләрен ныгыту.

Тәрбия бурычы: куркынычсызлык кагыйдәләрен төгәл үти белү

Үстерү бурычы: легодан төзи белү күнекмәләрен тормышта куллана белүчәнлекләрен үстерү

Белем бирү бурычы: архитектор, конструктор һөнәр ияләре белән таныштыру.

Төп белем бирү өлкәсе: танып-белү (ФЦКМ, ФЭМП, Конструкцияләү)

Интеграль белем бирү өлкәләре: социаль-коммуникатив, эстетик сәнгать, сөйләм, физик үсеш.

Методик алымнар һәм чаралар: уен мизгеле, сорау, аңлату,әңгәмә, мөстәкыйль эш

Җиһазлау: лего, схемалар, презентация, пират киемнәре

Сүзлек өстендә эш: архитектор, конструктор.

Алдан эшләнелгән эшләр: бер- берсе белән әңгәмәләр алып бару,

ЭШЧӘНЛЕК ТӨЗЕЛЕШЕ:

Балалар төркемгә пиратлар киемнәреннән, көйгә керәләр, бииләр, җыр җырлыйлар:

Күңелле пиратлар

Кулларында хәзинә

Безнең зур кораблар

Йөзәләр диңгездә

Пиратлар көлгәндә

Дөньялар чыңласын

Тормышка ашмаган

Хыяллар калмасын

Исәнмесез!! Без кемнәр?

ЙО-хо-хо, Күңелле пиратлар !

Ярата хәзинәләр

Хәзинәне табарга

Кирәк күпер чыгарга.

Йо-хо-хо

Тәрбияче: Шулай шул дусларым без бик яратабыз хәзинәләр эзләргә. Ләкин картага (презентациядә) карасагыз бик тирән елга юлыбызда

Әйдәгез әле сулыкта үз-үзеңне тоту куркынычсызлык кагыйдәләрен искә алып китик.

1. Аерым билгеләнгән урында гына су коен.

2. Һава температурасы һәм су температурасы җитәрлек булганда гына коен.

3. Таныш булмаган урында су коенма.

4. Ялгыз гына су коенма.

5. Теләсә кайда суга чумып уйнама.

6. Су буенда бер - береңне этеп,батырып уйнама.

7. Өлкәннәрдән башка тирән сулыкларда көймәләрдә, салда йөзмә.

8. Су аркылы чыкканда чиратлап кына чык.

9. Су буйларын чүпләмә.

10. Баткан булып алдап уйнама.

Тәрбияче: су аша чыгарга күпер кирәк дидегез. Ә күперне төзер өчен башта проекты кирәк? Аны архитекторлар эшли . Арихетектор сызымын сыза , һәм конструкторлар аның кечкенә макетын төзиләр (презентациядә)

Кабатлыйк әле дусларым бу һөнәр ияләре белән таныш булыйк:

-архитектор, конструктор.

Әйдәгез без дә архитектор, конструкторларга әйләнеп алыйк сызымын сызыйк ә аннары макетын төзербез.

Кызыл ноктадан 5→, 1↑, 7→, 1↑, 8←, 3 , 1←, 3 , 2←, 3↑, 3→, 1↑, 6←, 1↓, 2→, 5↓

Сезнең өстәлләрдә төзегәч килеп чыгарга тиешле үрнәкләре, һәм төзү тәртибе әйдәгез күперләрне төзик.

Балалар эше

Күперләрне компьютерга тоташтыру.

• Лего кешеләрен су аша чыгару

• Хәзинәдә ниләр яшерелгән икән? Корабль

• Менә киләсе шөгылебездә димәк корабльдә йөзербез.

• Бүгенге шөгыльдә үзегезгә нинди яңалык алдыгыз?

Актаныш авылы гомуми үсеш бирүче №2 балалар бакчасы.

Күпер аша хәзинәләргә.

( Интегральләшкән белем бирү эшчәнлеге конспекты)

Актаныш авылы гомуми үсеш

бирүче №2 балалар бакчасы

Югары категорияле

тәрбияче Лотфуллина Л.Г

.

Актаныш 2016ел