Ашык сабак Мадени осімдіктерді себу жане кобейту 6-сынып

АШЫҚ САБАҚ

«Мәдени өсімдіктерді себу және көбейту»

өткізген: Қабылқақова Ж.Б.

Онды орта мектебі

Сабақтың тақырыбы: Мәдени өсімдіктерді себу және көбейту.

Сабақтың мақсаты: арнайы егіліп, жиналатын өсімдіктердің алуан түрлілігі олардың қандай мақсатта егілетіні, күтіп баптау, өнімдерін жинап пайдалану туралы білім беру.

1. Ұйымдастыру кезеңі.

2. Үй тапсырмасын тексеру.

Карточкалар беріп 5 оқушының үй тапсырмасын тексеремін:

1. а) Мәдени өсімдіктердің сан алуандығы және шығу орталығын зерттеген ғалым туралы толық мағлұмат беріңіздер.

б) «Жинаушы кезең »- дегенді түсіндіріп беріңдер.

2. а) Мәдени өсімдіктердің қандай түрлері бар?

б) Түйнек дегеніміз не?

в) Селекция қандай ғылым?

3. а) Май алу үшін өсірілетін мәдени дақылдар.

б) Іріктеме- дегеніміз не?

4. а) Рапс- дегеніміз қандай дақыл?

б) Мәдени өсімдіктердің саны?

в) Адам үшін мәдени өсімдіктердің қандай маңызы бар?

5. а) Шырғанақ- туралы толық айтып беріңдер.

б) Қолтұқым дегеніміз не?

3. Жұмбақ шешу.

Мәдени өсімдіктерге қатысты жұмбақтар.

1.Үстіне тігіп көк шатыр, астында қызғылт дәу жатыр. Бұл не?

(қызылша)

2. Біреу бердім, көп қып тердім. Бұл не?

(тұқым немесе дән)

3. Атасы қисық ағаш, анасы жайма шелпек, бір сабақта құж-құж жентек. Бұл не?

(жүзім)

4. Жерде жатып желіндейді, күз түскенше желінбейді, үндеместен төлдеп жатыр, су беріңдер шөлдеп жатыр. Бұл не?

(қауын, қарбыз)

5. Күн нұрымен піседі, уылжып қолға түседі. Бұл не?

(жеміс)

6. Тіршіліктің қуатын, өз бойына жинайтын, жинай-жинай азықты, адамзатқа силайтын. Бұл не?

(өсімдік)

7. Күннен көзін алмайды, мойны бірақ талмайды. Бұл не?

(күнбағыс)

4. Биологиялық диктант.

Адам сұрыптау жолымен қолдан шығарған бір түр дарақтарының жиынтығы іріктеме деп аталады.

Адамзат қажетін өтеу үшін жабайы өсімдіктерді қолда өсіріп, мәдени дақылдарға айналдырды.

Картоп - алқа тұқымдас қосжарнақтылар класына жататын, шөптекті, көпжылдық жылу сүйгіш өсімдік.

Қазақстанда қант қызылшасы мен кендірлі биологиялық сұрыптау жағынан ғылыми тұтғыда сипаттаған алғашқы ғалым - Кәрім Мыңбаев.

5. Жаңа сабақ.

Жаңа тақырыпты оқып шығып, тақырып бойынша дайындалған тест сұрақтарына жауап беру.

6. Жаңа терминдерді талдап сабақты қорытындылау.

1. Көбең бидай - Қазақстанда бидайдың алты түрі өсіріледі, солардың бірі.

2. Дәнек - бидай тұқымының атауы.

3. Қыша - шаршыгүлді тұқымдас біржылдық өсімдік.

4. Күнбағыс - май алынатын негізгі өсімдік.

7. Оқушыларды бағалау.

8. Үйге тапсырма. Мәдени өсімдіктерді себу және көбейту.