Қазақ тілі пәнінен ашық сабақ Жалғау 2 сынып

Сабақтың тақырыбы: Жалғау.

Сабақтың мақсаты: Түбірге жалғаудың жалғанатынын түсіндіру.

Сабақтың міндеттері:

Білімділік: жалғаудың түбірге жалғану тәртібін үйрету.

Дамытушылық:сауатты жазуға, сөз бен сөзді байланыстырып сөйлеуге дағдыландыру. Оқу - танымдық, коммуникативтік және ақпараттық технологиялық құзыреттіліктерін дамыту.

Тәрбиелік: ұйымшылдыққа, әдептілікке, байқампаздыққа тәрбиелеу.

Әдіс - тәсілдері: СТО технологиясының стратегиялары (Вен диограммасы, топтастыру, эссе. топпен жұмыс)

Көрнекіліктері: шағала балық суреттері.слайд.

Сабақтың барысы:

І. Ұйымдастыру кезеңі:

Топтастыру.

Әр түсті қағаздарды таңдау арқылы топтастыру.

ІІ. Психологиялық дайындық:

Сыныпта біздің тыныштық,

Естілмейді дыбыс түк.

Мұны бізде қоштаймыз

Кешіккенді тоспаймыз

Бүгінгі біздің қызықты

Сабағымызды бастаймыз.

ІІІ. Өткен сабаққа шолу.

Әр топқа тапсырма беру.

1. Түбір дегеніміз не? Әдепті.

2. Қосымша дегеніміз не? Бақытты.

3. Жұрнақ дегеніміз не? Инабатты.

ІV. Қызығушылықты ояту.

Дайын ас.

Суда балықтар үйірімен жүр. Шоршып су бетіне де шығады.Алабұғаның шабағы биікке секіреді.Жоғары көтеріледі.Кенет су жағасындағы топыраққа шығып кетті.Денесін шаң басты. Суға жете алмады. Сол кезде шағала келіп,дайын асты іліп әкетті.

Алабұға дегеніміз не?

Шғала ше?

Балалар шағала осылайша бірнеше алабұғаларды ұстап алып қорек етпекші.Сендер балықтарды суға жіберуге көмектескілерің келе ме? Ендеше мына тапсырмаларды орындасақ шағала балықтарды суға жібереді екен.

V. Ой қозғау.

1-тапсырма: Сөз жұмбақты шешу.

Сөз жұмбақ шешу арқылы бүгінгі сабақтың тақырыбын табу.

А ,О,Ы,Ұ - қандай дауысты дыбыстар?

Бірдеңе жайын хабарлау мақсатымен айтылған сөйлем.

Адамның көңіл күйін білдіртін сөйлем.

Туыс сөзінің мәндес сөзі.

Сөздің мағынасын өзгертетін қосымша.

Жауап алу мақсатымен айтылған сөйлем.

VI. Жаңа сабақ.

2-тапсырма: /1-жаттығу./

Мақалдарды оқып, қарамен жазылған сөздердің түбірі мен қосымшасын тап.

Ағаның үйі -ақ жайлау.

Ағаны көріп іні өсер.

Ағаның ағаға

Аға

Ағамен ағада

Ереже

Сөздің мағынасын өзгертпей,түбірге жалғанатын қосымшаны жалғау дейміз.

Жалғау сөз бен сөзді байланыстырады.

Жалғаудың белгісі -

Бекіту:

3 - тапсырма / 2-жаттығу/

Берілген сөздердің түбірі мен жалғауын тауып,белгілеп жаз.

Тоғайда,жұлдыздар,алманы,сәбізде, ағаштың,арыстанмен.

VIІ Сергіту сәті

Әуенмен шағала,балық қимылдарын жасау.

4 тапсырма: Әр топқа бір сөйлемнен орындату./ 4- жаттығу/

1. Айгүл,іні,мектеп,бар.

2. Гүлшат,аға,жарыс,қатыс.

3. Болат,әке,Астана,кел.

VIІІ. Сабақты қорытындылау кезеңі:

Вен диограммасы

Жұрнақ.

Сөздің мағынасын өзгертеді

Жалғау сөзді байланыстырады

Сөйтіп балалар біз сендермен шағаланың барлық тапсырмаларын орындадық.

Енді шағала айтқан уәдесінде тұрып балықты жібереді ме, жоқ жібермейді ме қалай ойлайсыңдар? Өз ойларыңмен мәтінді аяқтап эссе жазамыз.

ІХ.Үйге тапсырма. 3- жаттығу.

Х.Бағалау.