Планирования по казахскому языку на тему: У дыбысының дауысты, дауыссыз болып айтылуы

Қазақ тілі 2- сынып

Сабақтың тақырыбы: У дыбысының дауысты, дауыссыз болып айтылуы.

Сабақтың мақсаты: у дыбысының қай кезде дауысты, қай кезде дауыссыз болатынын түсіндіру.

Пәндік нәтиже: у дыбысы бар сөздерге дұрыс талдау жасай білу; у дыбысы бар сөздерді дұрыс тасымалдай білуге үйрету; сауаттылықтарын арттыру.

Тұлғалық нәтиже: тиянақты болуға, еңбексүйгіштікке, дұрыс сөйлеу мәдениетіне тәрбиелеу.

Жүйелі - әрекеттік нәтиже: алған білімдерін тапсырманы орындау кезінде қолдана білу; қорытынды жасай білу.

Сабақтың барысы:

Үй тапсырмасын тексеру.

Сөздерге дыбыстық талдау жасау. Дыбыс пен әріптің айырмашылығын сұрау. Дыбысталмайтын әріптері бар сөздерге мысал келтіру.

Жаңа сабақты түсіндіру.

Алдымен жаңа сабақты қабылдауға дайындық жұмысы жүргізіледі. У дыбысы бар сөздерге мысалдар келтіреді. У дыбысының қай буында тұрғанын анықтайды. Сөздерге дыбыстық талдау жасайды. У дыбысы басында тұрған сөздерге мысалдар келтіреді.сөз ішіндегі у дыбысының айтылуына назарларын аударып, олардың дауысты немесе дауыссыз дыбыс болып тұрғанын анықтауға талпындыру. Оқушылар у дыбысының кейде дауыссыз, кейде дауысты болып айтылып тұрғанын өздері байқауы тиіс. Мұғалім осы сабақта у дыбысының кейде дауысты, кейде дауыссыз болып тұру себебімен танысатындықтарын айтады.

Алдымен у дыбысының дауысты болып айтылуымен танысады. Жаңа тақырыппен таныстыру кезінде «Кестелер жинағында» берілген материалдарды пайдалануға болады. 1,2-жаттығулар жаңа сабақтың ережесін балалар өздері қорытындылап айтуға жетелейді. У дыбысы бар сөздерді сөйлем ішінен, өлең жолдарынан тауып, буынға бөледі, оның дауысты дыбыс болып тұрғанын анықтағаннан кейін,дауысты дыбыс болғанда үнемі олардың дауыссыз дыбыстан кейін тұрғанын байқауынажағдай туғызу керек. У дыбысы сөздің басында тұрған жағдай жеке қаралады. Дауыссыз дыбыстың алдында тұрған кезде у дыбысы дауысты дыбыс болатынына көздерін жеткізеді.

Осындай жаттығу жұмыстарынан кейін ережені өздері қорытындылап айтады. көздерін жеткізу арқылы өздерінің қорытынды жасауы баланың есінде жақсы сақтауына мүмкіндік туғызады.

У дыбысы бар сөздерді буынға бөлуде оқушылар көп шатасады. Сондықтан 3-жаттығу сабақта мұғалімнің көмегімен талқылануы тиіс. Бұл жаттығуда берілген сөздерде у дыбысы екі буында кездеседі: бірінші буында дауысты, екінші буында -дауыссыз дыбыс. Сөздегі екі буынды дауыстарын созып айту кезінде у дыбысының әртүрлі айтылатынын байқайды. Сондай -ақ әр сөздің қандай мағына беретінін түсіндіреді.

4-жаттығу үй тапсырмасы ретінде беріледі.

5-жаттығуды орындағаннан кейін, балалар өздері де у дыбысының дауыстыдан кейін тұрса, дауыссыз болатынын байқайды. Содан соң у дыбысының қай кезде дауыссыз болатыны туралы ережемен танысады.

Оқушылар у дыбысын жазуда ұ,ү дыбыстарымен шатастырады.

6-жаттығу осы кемшіліктң орнын толтыруға арналған. Бұл жаттығуды орындағаннан кейін сөздік диктантын жаздыру.

Сөздік диктант

Үй, ұя,сұйық, суық, уылдырық,үйеңкі,уық,сұр,сүр,күлу,құрық, қулық, Ақтау, самұрық, қуырмаш, сүргі.

Жуу,суу, буу, сауу, ауу, жауу сөздерінің жазылуына назарларын аударып, әр сөздің мағынасына жеке тоқталу керек. Екі уу әрпі қатар келетін осындай сөздерге мысалдар келтіреді.

Балалардың біліміндегі оқулықтың орнын толтыр үшін №1 жұмыс дәптеріндегі тапсырмаларды орындатуға болады. Берілген жаттығудың бәрін орындау міндетті емес, мүмкіндігінше орындату.

Сабақты қорытындылау.

Сондай -ақ «Дидактикалық материалдардың» тапсырмаларын да өздік жұмысқа немесе жеке жұмысқа пайдалануға болады.

Сабақты қорытындылау кезінде у дыбысы дауысты, дауыссыз болып келетін сөздерге мысалдар келтіреді, олардың неге дауысты немесе дауыссыз болып тұрағынын түсіндіреді. У дыбысы бар сөздерді буынға бөледі.

Әдебиеттік оқу 2- сынып

Сабақтың тақырыбы: Білім керек бәріне. Фариза Оңғарсынова

Сабақтың мақсаты: автор туралы мәлімет бере отырып,өлеңнің мазмұнын, негізгі идеясын ұғынуға жағдай жасау.

Күтілетін нәтижелер:

Пәндік нәтиже: өлеңді түсіне отырып оқу, талдау; хрестоматиядағы өлеңдермен салыстыра отырып, негізгі ойға қорытынды жасау.

Жүйелі іс-әрекет нәтижесі: мақал -мәтелдердің мағынасын талдай отырып ойын, зейінін, есте сақтау қабілеттерін, сөз тіркестері арқылы сөйлеу тілдерін дамыту.

Тұлғалық нәтиже: «Кім болам?» деген ойларын ұштай отырып, мамандық иелерін құрметтей білуге, ата -анасының еңбегін бағалай білуге тәрбиелеу.

Сабақтың көрнекілігі: мамандық иелерінің суреттері, білім, оқу туралы мақалдар кестесі.

Сабақтың барысы:

Ұйымдастыру кезеңі.

Жазғы демалыстары туралы әңгімелту.

І. Қызығушылықты ояту.

-Күнбе күн мектепке келуден жалықпадындар ма?

-Осы біздің мектепке келудегі мақсатымыз не?

-Менің мақсатым не? Сенің мақсатың не?

Жеке, жұпта, топта жұмыс істеп, талқылайды.

Оқушылардың қорытындысын тыңдау.

-Ал оқу, білім туралы қандай мақалдар білеміз?

Кестемен жұмыс.

Алтын алма, білім ал.

Білімдіге дүние жарық. Оқу білім азығы.

Білімсіздің күні кәріп. Білім ырыс қазығы.

Оқығанды айтпа, Жердің сәні егін,

Тоқығанды айт. Ердің сәні білім.

Тіліңмен жүгірме, Жер ырыстың кіндігі,

Біліммен жүгір. Білім ырыстың тізгіні.

Наданмен дос болғанша, кітаппен дос бол.

«Білім» сөзіне байланысты қандай сөз тіркестерін жазып алар едің?

Оны қалай түсіндіресің?

Ал Фариза Оңғарсынова өз өлеңінде былай депті.... Оқулықтағы өлеңге назарларын аудару.

ІІ. Мағынаны тану.

Өлеңді мәнерлеп, түсініп оқу.

Тізбектеп оқу кезінде «Түртіп алу» әдісі бойынша сөздік жұмысын жүргізу.

Білім алу жолы қандай жол? Неліктен?....

Білім алу үшін неше жыл кетеді деп ойлайсың?

« білгенің бір тоғыз,

Білмегенің тоқсан тоғыз»демекші, адам өмір бойы оқу, білім алумен болады екен.

Сергіту сәті ретінде осы өлеңнің өзін дауыстап, мәнерлеп оқи отырып, қимыл қозғалыспен көрсету.

«Толықтыру» тесті.

Ғарыш кемесін ______________________________________________

Көк жүзіне__________________________________________________

Мұхиттарды_________________________________________________

Ғажап үйлер ________________________________________________

Дәрі де ойлап

«Білгеніңе сенбе, біліміңе сен» дегендей, адам арманына қолын білім арқылы жеткізеді.

ІІІ. Ойтолғау.

Дәптердегі «Білім деген байлық бар» атты өлеңді оқып, қалған тапсырмаларды ретімен орындайды.

Өзіңе үлгі болған адамдарды атап жаз. Ол адам туралы әңгімелеп бер.

Жеке, жұпта, топта талқыланады. Топ жұмыстарынан үздігін тыңдау.

Сабақты қорытындылау.

Үй жұмысы ретінде: Өлеңді қалай жалғастырар едің? Өз арманыңды қосып жаз