Әліппе пәні. Тақырыбы: П дыбысы мен әрпі 1-сынып

Тақырыбы: Пп дыбысы және әрпі

Мақсаты:

1.Оқушыларға п дыбысы мен әрпі туралы түсінік беру.Оның сөздегі орны туралы айту.Сөзді буынға дұрыс бөліп,оқи білуге , коллеграфиялық нормаға сәйкес жаза білуге дағдыландыру.

2.Пп дыбысына қатысты жаңа сөздер ойлау, сөйлемдер құрату.танымдық іс-әрекеттер арқылы ой-өрісін,тілін дамыту.

3.Оқушыларды сауаттылыққа, Отан сүйгіштікке,әдемілікке тәрбиелеу.

Сабақтың түрі: саяхат,ойын сабақ

Сабақтың әдіс-тәсілдері:Түсіндіру, сұрақ-жауап,талдау,жинақтау,көрсету,көрнекілік

Сабақтың көрнекілігі:,кестелер, Виен диаграммасы,топтамалар,ойын, психологиялық тренинг,слайд шоу

Сабақтың барысы

1.Ұйымдастыру кезеңі:

-Оқушылардың зейіндерін сабаққа аудару

-партада отыруларын қадағалау

-Сабаққа қажетті оқу құралдарының түгелдігін тексеру

-Сыныптағы оқушылардың сабаққа қатысуларын тексеру

-балалар бүгін аптаның қай күні?

-Қай жыл мезгілі?

-Күздің қай айы?

-Бүгін қарашаның нешінші жұлдызы?

-Психологиялық тренинг

Көзімізді жұмып,қолымызды партаға қойып отырыңдар.Мен сөздер айтамын сонны сендер артымнан қайталайсыңдар.

-Армысың,сұлу күн!

-Армысың, ашқ аспан!

-Қайырлы күн баршаға!

2.Үй тапсырмасын тексеру

-Балалардың дәптерлерін аралап жүріп тексеріп шығу.

-Балалар бүгінгі сабақ біз үшін ерекше сабақ болмақ.Себебі, біз бүгін еліміздің бас қаласы Астана қаласына саяхатқа барамыз.

-Ертең бізде қандай мейрам балалар?

-Президент күні.

-Дұрыс балалар ертең 1-желтоқсан.Қыс мезгілінің бірінші күні.Желтоқсанның 1-жұлдызы.Президент күні деп жарияланды.Олай болса балалар, біз сол мейрамды ҚР-ның тұңғыш Президенті Нұрсұлтан Әбішұлы Назарбаевпен бірге атап өтеміз.Ол үшін біз Астанаға баруымыз керек.Астанаға немен барамыз деп ойлайсыңдар?Поездбен

-дұрыс Бірақ біздің поездымыздың вагондары ажырап қалыпты.Біз сол вагондардағы тапсырмаларды орындау арқылы вагондарды бір -біріне жалғап алайық.Сосын Астанаға барамыз.

3.Білімді-жан-жақты тексеру:

1-вагон салыстыру

-Оқушылырдың алдыңғы сабақта алған білімдерін пысықтау

-Ү дыбысы қандай дыбыс?

-Неліктен ү дыбысы дауысты деп ойлайсыңдар?

-Ұ мен Ү дыбысының айырмашылығы неде?

-Виен диаграммасы

Ұ-Ү

Ұн-үн құндыз-күндіз

Құн-күн құрақ-күрек

Құз-күз ұлттық-үтік

-1вагонды поездға жалғадық

-енді нешінші вагонды жалғаймыз?

2-вагон тапсырмасы «Еске түсіру»

-«Сен бақытты ұлансың!» өлеңін мәнерлеп, тізбекпен оқыту.

Анаң-күнің, жүрегің

Әкең-өмір тірегің.

Сен бақытты ұлансың

Бәрі саған қуансын!

Әжең -асыл ардағың,

Атаң-дана қорғаның

Сен бақытты ұлансың,

Бәрі саған қуансын!

.-енді нешінші вагонды жалғаймыз?

-3-вагон тапсырмасы «Сөздерді дұрыс оқы!»

-3-вагонды да жалғап үлгердік.

Енді, нешінші вагонды жалғаймыз?

-4-вагон «Жаңа әріпке назар аудар»

4.Жаңа білімді меңгертуге дайындық кезеңі

-Балалар сендер оқуға қайда келесіңдер?

-Мектептегі сендердің бөлмелерің не деп аталады?

-Сыныпта қайда отырасыңдар?

-Сабақта не оқисыңдар?

-Жазуды неге жазасыңдар?

-Балалар, осы мектеп,сынып,парта,кітап,дәптер сөздерінде сендерге таныс емес әріп бар ма?

Дұрыс балалар,Ол п әрпі

-Суреттердегі П әрпін көрсету

-Балалар П әрпі біздің айналамызда неге, қандай затқа ұқсайды?

-

5.Жаңа білімді меңгерту кезеңі:

Олай болса,бүгін біз сендермен Пп дыбысымен танысамыз.П дыбысын айтқызу.

П дыбысы дауыссыз дыбыс.Себебі оны айтқанда өкпеден шыққан ауа кедергіге ұшырап шығады және ол созылмайды.Егер п дыбысын созып айтар болсақ, ы дыбысы естіліп кетеді.Оны созбай айту керек.Ал, оқыған кезде п дыбысынан кейін ы дыбысы жазылып тұрса оны бірден п-ы-ы деп созып оқи саламыз.

-П дыбысының баспа және жазба түрлерімен таныстыру.

-П дыбысын ауада жазып көрсету

-П дыбысын тақтаға жазып көрсету

-балалар біздің сыныпта кімнің атын айтқанда П дыбысы естіледі?Ұлпан

-Плакаттағы суреттердің жекеше,көпше түрлерін атау, буынға бөлу ,п дыбысы қай буында тұрғанын анықтау.

Дәптер-дәптерлер кітап-кітаптар

Доп-доптар мектеп-мектептер

Қап-қаптар пышақ-пышақтар

Перде-перделер сынып-сыныптар

4-вагонды да жалғап үлгердік

-Енді нешінші вагон қалды?

-5-вагонды жалғайық. «Оқы,оқы және оқы!»

6.Жаңа білімді меңгергенін тексеру

-Балалар қазір сендерге топтамалар таратып беремін.Сол топтама кітапта жазылған сөздерді дұрыс оқып берулерің керек.

Тап,қап,пішен,пәтер,шопан,шапан,әріп,кітап,Талап,Жақып

5*-вагонды жалғадық.

-Енді нешінші вагон қалды?

-6-вагон «сурет бойынша әңгіме құрау»

Абай ,Ыбырай,Шоқан кітапты көп оқиды. Кітапта газет-журналдарда қызықты әңгімелер, ертегілер ,өлеңдер көп.Кітапты сөреге жинау керек.Кітаптың бетін сызуға,жыртуға болмайды.

7.Қорытындылау

-Ән шырқайық бәріміз! П дыбысын қосып оқыту, буындарды тура,керісінше оқуға үйрету,жаттықтыру.

-па,по,пе,пи,пу,пі

-қараңдаршы балалар!

Ду,ду,ду!Дүк,дүк!

Поезд келеді.

Ду,ду,ду!Дүк,дүк!

Бәрі жол береді.

Ду,ду,ду!Дүк,дүк!

Жүгіріп өтпе,

Ду,ду,ду!Дүк,дүк!

Тұра тұршы шетте.

Ду,ду,ду!Дүк,дүк!

Пойызды өткіз.

Қол бұлғап қалайық-

Жол болсын!-деп біз. -дей келе біз поездің вагондарын жалғап, Астанаға келдік.

-бізді кім қарсы алып тұр?

Астанаға қараңдаршы,қандай әсем! Слайд

-Балалар Елбасымыз былай дейді «Жас бүлдіршіндер! Егер сендер кітапты қадірлеп,жақсы оқысаңдар сендер де мен сияқты Президент боласыңдар.Осы әсем қала Астанада тұрасыңдар.Ата-аналарыңды, апайларыңды құрметтеп,тілін алып,жақсы оқушы атаныңдар! Сау болыңдар!»

8.Үйге тапсырма беру. Марапаттау

-Астанаға тағы кегілерің келе ме?

Олай болса,п дыбысының жазылу үлгісін үйреніп,келіңдер!