Алтын күз мереке сценарии

Тақырыбы: Алтын күз

Мақсаты: Бақшамызда өткізіліп жатқан «Алтын күз» мерекесіне ұйымшылдықпен қатыса отырып, күз-байлық, күз-береке, күз-молшылық, күз шаттық, күз-қуаныш екенін бала санасына жеткізу.

Жоспары:

1. Таныстыру

2. Өз өнері

3. Ойын «Жапырақтар»

4. Авангард

5. Күзгі вальс

1 жүргізуші: Қайырлы күн, құрметті қонақтар, ата-аналар, және «Айгөлек» шағын орталығының бүлдіршіндері! «Алтын күз» мерекесіне қош келдіңіздер.

2 жүргізуші: Бәрекелді, мерекелі алтын күз құтты болсын.

Жасұлан : Армысыздар халайық,

Бармысыздар халайық.

Күзгі тойды жұп жазбай,

Келіңдер қарсы алайық.

Нұрлыбек : Ән салыңдар күліңдер,

Жайнап гүлдей жүріңдер.

Күздің тойын тойлайық

Би билейік, ойнайық.

Гүлдана : Күздің қазан айында,

Алма, алмұрт піседі.

Жапырақтар сарғайып,

Сыбдыр-сыбдыр етеді.

1 жүргізуші: Алтын күз біз бен сізге шуақ шашсын,

Көңілді серіппелі күйін ашсын.

Бақ пенен шаттық бірге қатар қонып,

Береке бірлікпенен ортақтассын

2 жүргізуші: Ал енді бүгінгі алтын күзге қатысушы ханшалар мен ханзадаларды қошеметпен ортаға шақырайық.

1. Нұрислам - Жанель

2. Әли - Аружан

3. Жомарт - Шолпан

4. Шыңғыс - Индира

5. Береке - Аяулым

1 жүргізуші: Салқын сыз, дымқыл тұман соңына ерген,

Жылауық бұлттары бар қанат көрген.

Күз келді мезгілінде арқаланып,

Күн барма байлығын ол тегін берген.

2 жүргізуші: Күз мейрамы құтты болсын баршаға,

Күздің сәні келіп қапты ортаға.

Әділқазы алқалармен таныстырып,

Кетейікші осы отырған баршаңа.

1 жүргізуші: Құрметті көрермендер қатысушыларымызға сәттілік тілей отырып, таныстыру бөліміне дайындала беруіне рұқсат берейік.

2 жүргізуші: Қош келдіңіз көрермен,

«Күзгі бал» сын-кешіне.

Отырыңыз қол соғып,

Шат күлкіге бөлене.

1 жүргізуші: Көбейді құт-береке,

Астық толы қоймамыз.

Құтты болсын мереке,

«Алтын күзді» тойлаймыз.

2.жүргізуші: Ендеше, құрметті көрермендер сайыскерлерімізге сәттілік тілей отырып «Алтын күз» сайысымыздың бірінші бөлімі таныстыруға кезек берейік.

1 жүргізуші: Қол соғып қошеметтеп қарсы алыңыздар біздің сұлу да сүйкімді ханшаларымыз бен салмақты да сымбатты ханзадаларымыз өздерін таныстырсын.

2 жүргізуші: Күз келіп, хан мен ханшайым

Өткізді күзгі бал айын

Ханшайым тапқыр қыз болды,

Ағызар сөйлеп сөз майын

1 жүргізуші: Ал ханымыз ақылды,

Барша жұртты шақырды

Би де билеп, ән айтты,

Қуаныштан шалқыды.

Олай болса, ардақты да, аяулы әділқазыларға жүгінейік, таныстыру бөлімінің ұпай сандарын білейік.

2 жүргізуші: Ханшаларымыз бен ханзадаларымызды танып білсек сайысымыздың екінші бөліміне кезек берейік.

1 жүргізуші: Асыл тастан, өнер жастан,

Шығады деп дарынды.

Халық айтса қалт айтпас,

Әрқашанда нанамыз

2 жүргізуші: Сол шындықты күнделікті,

Көріп жүрміз өмірден

Өнерімен танысайық,

Тілекші боп көңілден.

1 жүргізуші: Сәкен Сейфуллин ағамыз алтын күзді керемет шабытпен сары алтынға теңеп жырлаған екен. Қазақ өнер десе ішкен асын жерге қоятын халық қой. Ендеше, құрметті көрермендер қошеметпен қарсы алыңыздар.

2 жүргізуші: Ортада сайыскерлеріміздің өнерлерін тамашалайық біздің шағын орталықтың ханшалары мен ханзадаларының арасында әншілер де, бишілер де бар екен. Сайыскерлеріміздің өнерін тамашалайық.

Әділқазылар алқасынан өнер сайысының бағасын сұраймыз.

Тәңірберген:Алтын, сары, қызыл, көк

Алуан-алуан жапырақ

Күзгі бақта күлімдеп

Көз тартады атырап.

Нұрасыл: Сарғайды тоғай

Сап-сары маңай

Соңғы әнәі айтып

Құс кетті қайтып.

Дархан : Айнала жым-жырт,

Көк аспан сұрғылт.

Жер жыртқан тыңда

Трактор қырда

Бейбарыс: Жапырақ ұшты,

Суықта түсті.

Сонда да бізге

Қызық көп күзде

1 жүргізуші: Үшінші бөлімімізге кезек беретін болсақ ол «Жапырақтар» ойыны. Бұл ойында балалар мүмкіндігінше көбірек жапырақтар жинау керек . жапырақтар санына қарай бал берілетін болады. Сайыскерлерімізді ортаға шақырамыз.

2 жүргізуші: Әділқазылар алқасынан ойын бөлімінің бағасын сұраймыз. Келесі кезекте сайысымыздың төртінші бөлімі Авангард. Сайыскерлеріміз дайын болғанша тілік білдіріп келген бүлдіршіндеріміздің өнерлерін тамашалайық. Ортада «Шегіртке мен аралар» биін тамашалаңыздар.

Сайыскерлеріміз дайын болған сияқты, қол соғып қошеметтеп отырайық.

Келесі кезекті әділқазыларға берейік.

1 жүргізуші: Ханшаларымыз бен ханзадаларымыздың күзгі вальсін қошеметтеп тамашалайық.

Бесінші бөлімнің ұпай сандарын сұраймыз әділқазылар.

2 жүргізуші: Әділқазылар жалпы ұпай санын есептеп болғанша ортада Науша мен Гүлдананың «Қолшатыр» биін қарсы алыңыздар.

1 жүргізуші: Жеңістер мен жеңілістен тұратын

Өмір-күрес, жеткізе ем мұратын.

Жеңбедім деп, жеңілдім деп ренжімегін,

Қатысу да бір жеңіс, жан болсаң сен ұғатын.

2 жүргізуші: Қош демейміз, әлі талай сайыстар бар

Өнерлерің өрлей берсін, қайыспаңдар

Ойлы орта кеңейсін күннен-күнге

Өскен елдің жұртынан қалыспаңдар, - дей отырып бүгінгі «Алтын күз» атты ертеңгілігімізді аяқтаймыз. Жеңісті күндерде кездескенше, достар!