Сагълыкънен къал, Элифбе! -байрам

Сагълыкънен къал, Элифбе!

1.Оджа: Селям алейкум, урьметли оджалар, аналар, бабалар.

Бугунь бизим балачыкъларымыз элифбе байрамыны къайд этелер.

Бизим байрамымызгъа хош кельдинъиз. Келинъиз оларны бу

Байрамгъа давет этейик. 1-А сыныф талебелерни къаршылайыкъ.

(музыка янъгъырай, мен талебелернинъ сойадларыны айтып. Оларны санагъа давет этем)

2. 5 талебе Р.Фызылнынъ шиирлерини окъуйлар.

1. Бир чокъ язы: А,Б,В,Г,

Бир чокътан чокъ ресимлер,

Бу элифбе бундан бильги,

Ала бутюн несиллер.

2. А-нен, Б-нен башлай билин,

Анна, баба сёзлери,

Элифбеден башлай илим,

Ача сокъур козьлерин.

3. Ватан сёзю В-нен башлай,

Сиз Ватаннынъ таянчы,

Окъув сизге бильги ашлай,

Окъув аят къуванчы.

4. О-нен башлай оджа сёзю,

Сай севинъиз оджаны,

О огретир сизге озю,

Эр арифни эджаны.

5. Я-нен башлай яхшы, яман,

Яманлыкъны бильменъиз,

Эвде ёлда сиз эр заман,

Яхшы олып юрюнъиз.

3.Йыр: «Насыл яхшы окъумакъ?»

4.Оджа: Байрам элифбесиз къайд этильмез, къана балалар онъы чагъырайыкъ.

Балалар: Элифбе, элифбе, элифбе!

5.Элифбе: Мераба, мераба!

Балалар: Селям алейкум.

Элифбе: Сизлерни бугунь корьгениме пек къуванам.

(балалар турып элифбени алгъышлайлар)

Элифбе: Афферин, балачыкълар пек гузель айттынъыз шиирлер. Айтынъыз, я меним арифлерини яхшы билесинъизми?

Балалар: Эбет, билемиз.

Элифбе: Ойле олса бильгилеринъизни косьтеринъиз!

Алма бою алмалыкъ,

Анда биз алма джыйдыкъ,

Ал янакълы алмалар,

Ашап тойды адамлар,

Ишим бардыр керчектен,

Бал топлайым чечектен,

Гедже куньдюз ишлейим,

Тийсен яман тишлейим.

Гъагъалы тек къуш ола,

Гъагъасынен аш ала.

Гъыданы чокъып ашай,

Гъам ве къайгъысыз яшай.

Мен денъизге даладжам,

Узакъларгъа ялдайджам.

Ал елькенлер тюбюнде,

Мен гемиджи оладжам.

Ёл боюнда сачтыкъ биз,

Алма, армут ве кираз.

Баарь кельсе. Эписи,

Чечек ача беем-беяз.

Инджир назик бир терек.

Инсанларгъа пек керек,

Къарв, сары ве татлы.

Инджир пек файдалы.

Меним достум къыркъаякъ.

Къолунда узун таякъ,

Аякъапкъа достум бай,

Инанмасан озюнъ сай.

Лейля ляле асрайджакъ,

Фискинен суварвджакъ,

Гульзарда оскен ляле,

Дюльбер олып ачаджакъ.

Мышыгъымнынъ козю мавы.

Мыйыкълары бем-беяз,

Меннен ойнагъан сонъ о,

Раатланайым,- дей,- бир аз.

Чанъ чечеги чынъылдай.

Мавы башыны саллай,

Ельчик онен ойнакълай,

Япрагъыны къытыкълай.

Орюмчечик таванда,

Оре озюне юва,

Орьнеклерине бакъа

Озь озюне тавлана.

Ренкли къарандаш алып,

Расим ресим япаджакъ,

Расим япкъан ресимлер,

Сергиде асыладжакъ.

Назлы орьнек нагъышлай,

Эм нагъышлай, эм йырлай,

Гузель-гузель явлукълар.

Анасына багъышлай.

Топ-топ эте, топ эте,

Топчыкъ кезмеге кете,

Тыгъыра, юварлана,

Таирени чагъыра.

Байырлардан юксектен,

Санъки дерсинъ, уча сув.

Буны корьген адамлар,

Онъа деген- «Учан-сув».

Джанэрик, джилек. Джевиз,

Бу мейвалар пек керек,

Язда джыйсанъ берекет,

Къышта олур, чокъ къыймет.

Шатыр шутур шамата,

Эвде шакъа къората,

Шамен шенлик яйрата,

Балаларны ойната.

Элимизде элифе,

Бизге дейлер талебе.

Эр кез бизни алгъышлай,

Гульдестелер багъышлай.

Элифбе: Машалла, балалар!

7.(Музыка янъгъырай кире «Нечюнчик»).

8.Ава чала къапу къакъыла, сансар, аюв, тильки.

-Алачыкъ, сувсан кельди сансарчыкъ, аювчыкъ, тилькичик.

Сансарчыкъ: Балалар сизлер бизлерни таныдынъызым.

Балалар: Эбет.

Тильки: Насыл масалдан биз кельдик?

Балалар: «Чокърачыкъ».

Аюв: Балалар бизге мектюп кельди вазифелер берильген, берильген тапмаджаларны айтмагъа керек, сиз бизге ярдым этерсиз?

Сансар: Ешиль отлар пек севе. Балаларгъа сют бере (сыгъыр).

Тильки: Къанаты бурма сеси зурна (хораз).

Аюв: Балалар мени севе, кетирелер эвине. Эвлеринде мен турам, сычанларны тез тутам (мышыкъ).

Сансар: Вай балалачыкълар, бу мектюп зарфында арифлер къарышты, бу сёзлерни окъумагъа ярдым этинъиз.

Элифбе: Сагъ олунъыз, сайгъылы мусафирлер, бизим байрамымызны яраштырдынъыз, энди исе сизлер ичюн балаларымыз ватан акъкъында шиир ве оюн багъышлайджакълар, отурынъыз мусафир олуп сейир этинъиз.

9. 2-талебе шиир окъуй.

Къырым меним анамдыр.

Къырым меним бабамдыр,

Къырым деген бу ульке,

Манна догъмуш Ватандыр.

Мен анамны пек севем,

Бабамны да пек севем.

Ватанымны бильсенъиз,

Джанымдан да пек севем.

10. Оюн: «Хоран»

Йыр: «Язы-язып, огрендим».

11.Оджа: Машалла, балалар!

Ребята вы уже знаете все буквы, умеете читать и вы можете спокойно посещать нашу школьную библиотеку. Среди наших гостей, библиотекари нашей школы, пожалуйста Вам слово.

12. Оджа: Спасибо большое. Ну вот, ребята, теперь у каждого есть формуляр, и двери школьной библиотеки для вас открыты.

13. Оджа: Элифбе билесинъми бизим талебелеримиз пек яхшы сени огрендилер, сен разылыкъ берсен, мен талебелерге диплом такъдим этеджем.

Элифбе: Эбет, мен разым, олар яхшы огрендилер.

Оджа: Энди исе, сайгъылы элифбе санъа сагълыкънен къал айтмагъа вакъыт кельди.

Элифбе: Сагъ олунъыз, мен де сизге сагълыкънен къал айтмагъа истейим, амма башта меним достум «Анна тили» китабынен олунъыз.

Ава чалына: «Анна тили» кире.

Селям алейкум балалар!

Насыл гузель байрамынъыз олып кече?

Элифбе: Энди исе достум сенинъ невбетин мен исе кетем, сагълыкънен къалынъыз!

Балалар: Сагълыкънен бар, элифбе!

Анна тили: шиирлерини окъуй.

Оджа: Энди исе, сайгъылы мусафирлер байрамымыз сонуна етти, чокъ сагъ олунъыз, сагълыкънен къалынъыз!