Есеп. Қанша кем?

Оңтүстік Қазақстан облысы

Ордабасы ауданы

«Төрткүл» жалпы орта мектебінің бастауыш сынып мұғалімі Абу Айгүл Төресұлтанқызы

1 сынып

Пәні: математика

Сабақтың тақырыбы: Есеп. Қанша кем?
Сабақтың мақсаты:

Білімділік: Есеп шығару, кем ұғымы туралы білімді бекіту, жай есептердің мазмұны бойынша амалды таңдай алу білігін жетілдіру

Дамытушылық: Есептерді жазуға және салыстыруға . Терминдерді және амалдардың қасиеттерін түсіндіре отырып шығаруда қолдану біліктігін дамыту.

Тәрбиелік: Тапқырлықты, ойлау қабілетін және шығармашылық қабілетті дамыту.

Сабақ түрі: Қайталау сабағы

Әдіс-тәсілдер: сұрақ-жауап, талдау ,ауызша жылдам есептеу.

Көрнекілігі: сюжетті суреттер,цифрлар, геометриялық пішіндер,үлестірме қағаздар

Сабақ барысы:

І. Ұйымдастыру кезеңі.

ІІ. Үй тапсырмасын тексеру

ІІІ. Білімдерін жан-жақты тексеру.

ІҮ. Сабақты бекіту.

Ү. Үйге тапсырма.
Сабақ барысы:
І.Ұйымдастыру

2. Психологиялық дайындық:

Бiз кiмбiз балалар? (Оқушылармыз)

Қандай уәде беремiз?

«5» болсын алар бағамыз,

Бiлiмнен бақыт табамыз,

Өнер бiлiм көп оқып,

Өсе берсiн санамыз.

-Ерте,ерте,ертеде «Геометрия» елінде Геометриялық пішіндер патшасының балалары бір-бірімен - мен күштімін, адамға ең қажетті пішін мен боламын деп айтысыпты.Олардың бір-бірімен айтысқаны соншалық өздерінің қандай пішін екенін ұмытып қалыпты.Ал, балалар біз олардың аттарын тауып бермесек ,сабағымыз ары қарай жалғаспайды.

- Олай болса мен қазір сендерге жұмбақ жасырайын.
- Бір нүктеден басталып еш кедергісіз келіп тоқтайтын қандай пішін? - -
- Барлық қабырғалары бірдей қандай пішін?

- Ал үш қабырғасы бар қандай пішін?

Сонымен, «Геометрия» елінің тұрғындары кім екен?

• Фигураларды атап беріңдерші.

Патша балаларына мынадай ақыл айтыпты. -Сендер бекерге дауласпаңдар,әрқайсыңның өз орындарың,міндеттерің бар. Бірігіп жұмыс жасасаңдар , балаларға жақсы білім бересіңдер.Бірлік бар жерде, тірлік бар деген мақалды үнемі есте ұстаңдар.Бүгін 1 Ә сынып оқушылары орындайтын әр тапсырмада әрқайсың өз міндеттеріңді орындай біл3ңдер. Олар сендерді біріктіріп керемет зат жасайды. Ойын «Сөйлемді аяқта!» Тақтада:

Сары шаршы үлкен, ал .........

• Қызыл шаршы кішкентай, ал .......

• Математикалық диктант.

• 1. 7 мен 9-дың арасында қандай сан?

• 2. 1-қосылғыш 7 -екінші қосылғыш 2 қосындысының мәні неше?

• 3.Азайғыш 8, азайтқыш 3 айырманың мәні?

• 4. 10-ның үлкен алдында қандай сан?

• 5. Ең үлкен 1 таңбалы сан?

• 6. Ең кіші 1 таңбалы сан?

Дәптерімізді ашып, бүгінгі күнді жазайық.

Көркем жазу минуты 3,5 цифрын жазамыз.

Жаңа сабақ:
Есепті шығар:

Бір қорапта 7 дәптер, ал екінші қорапта 4 дәптер бар. Екінші қорапта неше дәптер кем?(ауызша талдау)
- Бірінші қорапта неше дәптер болды?
- Екінші қорапта нешеу?
- Сонда екінші қорапта неше дәптер кем?
- Неше дәптер кем екенін табу үшін не істеу керек? (7 - 4 )
- Сонда кемді табу үшін біз қандай амал қолдандық? (азайту)
- Қанша артық, қанша кем табу үшін азайту амалын қолданамыз.

Тақтада жұмыс. №2
4, 8, 3 сандарынан тура теңдік құру мүмкін бе? Бір санды өзгертіп, тура теңдіктер құр.

4-1=3

Балалар мен сендерге қызықты өлең оқып берейін, сендер мұқият тыңдандар. Қызыл,сары,жасыл

Алуан алуан пішіндер.

Үшбұрыш төбесі,

Төртбұрыш денесі.

Дөңгелек терезесі.

Балалар, мен не құрастырдым?

Мен үйді қандай пішіндерден құрастырдым?

3 есеп. Есеп құрастыр және шығар:
Бояу - 9
Өшіргіш - ?, 4-еуі кем.
Өшіргіш - ?
Шешуі: 9 - 4 = 5 (ө)
Жауабы: 5 өшіргіш
Y. Сергіту сәті

1,2,3 қарлығаш боп ұш,

4,5,6 қарлығаш боп қалқы,

7,8,9,10 қарлығаш боп қон.

4 тапсырма. Бірінші қосылғышы бірдей үш қосынды жазу.Қосылғыштардың орындарын ауыстыр. Өрнектің мәнін табу.

3+ 5 5+3

3+2 2+3

3+4 4+3

Ойын : « Сиқырлы пішіндер» оқушылар алдарында жатқан шаршы фигураны талдайды:

- түсі қандай?

- түрі қандай?

- пішіні қандай?

Фигураны бүктеу.

- қандай фигура пайда болды?

- неше үшбұрыш пайда болды?

ІҮ. Білімдерін тексеру. Шығармашылық тапсырма орындау.

6.Қорытынды:Бүгінгі сабағымызда қандай тақырыппен таныстық?

Қандай жұмыстар жүргіздік

.Сабақ сендерге ұнады ма?

Сонымен геометриялық пішіндерден не құрастырдық.?

Аққала- қыс мезгілінің көркі.

Геометрия пішіндері патшасы оқушыларға да,өз балаларына да риза болыпты,

7.Бағалау: Сабаққа қатысқан оқушыларды мақтап,мадақтау,бағалау.