Теңдеуді шешу. Теңдіктер, теңсіздіктер құрастыру 3-сынып

Теңдеуді шешу. Теңдіктер,

теңсіздіктер құрастыру

3-сынып

Сабақтың мақсаты: оқушылардың теңдіктер мен теңсіздіктер туралы білімдерін нақтылау; қосу және азайту қосу және азайту компоненттерінің өзара байланысы туралы білімі негізінде теңдеулерді шешу дағдыларын жетілдіру.

1.Ұйымдастыру кезеңі.

Саған есеп үйреткен,

Пәнге қара құрметпен.

Сандарды тура табатын,

Қиын, әрі қызықты

Математика болатын!

2.Тірек білім, білік, дағдыларын белсендіру.

№1 тапсырма ауызша есептеуді ұйымдастыруға арналған. «Тапқыштар» ойынын өткізуге болады. Ойынның мақсаты: 100 көлемінде ауызша есептеу дағдыларын жетілдіру.

Сабақтың тақырыбын табамыз:

Баланың бақылау, салыстыру, талдау, жинақтау жүргізу, қорытындылау, бастыны табу, тұжырым жасай алу дағдыларын қалынптастыруға бағытталған жаттығу жүргізуге болады.

G, Q, S - «ғажайып» цифрлар.

Егер G > Q, онда Q ... G.

Егер Q = S, онда S ... Q. Егер G < Q, онда Q ... G Егер S > G, G > Q, ондаS…Q

Егер Q = S, S > G, онда Q…G

Ауызша жаттығуға №1 тапсырманы беруге болады.

3.Бекіту.

Тақтада жазылған өрнектерді қандай топтарға бөлуге болады?

320 + 40 = 470 - 110 35 - 15 < 15 + 6

22 > 87 - 67

415 = 400 + 15

17 > 872 - 864 47 < 15 + 37

274 + X = 594

200 + 3 = 3 + 200

524 - X = 244

X - 251 = 522

Теңдеудің теңдік пен теңсіздіктен қандай айырмашылығы бар?

№2 тапсырма бойынша оқушылар теңдеу құрастырып, оны шешеді. 1-ші және 3-бағандарды тақтада орындатқан дұрыс.

Теңдік, теңсіздік туралы білімдерін қайталау үшін №4 тапсырма орындалады. Бұл тапсырманы уақыт бойынша жүргізуге болады.

№3 және №5 тапсырмалар мұғалімнің басшылығымен орындалады.

4. Өздік жұмыс.

№ 6 (а) тапсырма өздік жұмыс ретінде беріледі. Мұғалім есептің шешуін өрнек түрінде жазуды тапсырады. №6 (ә) тапсырманы балалар өз беттерінше орындап, соңынан тексеріледі.

№7 тапсырма көбейту және бөлу тақырыбымен танысуға даярлық ретінде жүргізіледі. Тапсырманың шартын бейнелейтін сурет орындаған жөн.

№8 логикалық тапсырма «бәрі» және «кейбірі» сөздерінің қолданылуымен таныстырады.

5. Сабақты қорытындылау.

Мұғалім сабаққа дұрыс қатыспаған оқушыға бүгінгі сабаққа мына жоспар бойынша талдау жасатады:

а) Сабақтың тақырыбы

ә) Тақырыпты қайталауға қандай тапсырмалар көмектесті?

б) Балалардан кім белсенді болды және дұрыс жауап берді?

в) Қай бала сабақ жүргізуге кедергі келтірді?

г) Кім жауап беруде қиналды?

6. Үй тапсырмасы.

Мұғалім өз қалауы бойынша №2 (2-ші және 4-бағандар) немесе №6 (ә) тапсырманы үйге береді. Шешуін сабақта талқылауға болады.

Қосымша материал

Математикада ең алғаш пайда болғаны «кем», «артық», «сонша» түсініктері болды. Егер бір тайпа ұстаған балықтарын басқа тайпаның адамдары тастан жасаған пышақтарға айырбастаса, оларды санап жатпайтын. Бар болғаны әр балықтың тұсына бір пышақтан қоятын болған. Ауыл шаруашылығымен табысты түрде айналысу үшін арифметикалық білім қажет болды. Күндерді санамайынша егістікке дәнді қашан егу керек, малдың төлдеуін қашан күту керектігін анықтау қиын болды. Отарда неше қой барын, қоймаға қанша қап бидай жиналғанын білуу қажеттілігі туындады.

Міне, сондықтан да осыдан сегіз мың жылдан астам уақыт бұрын ежелгі бақташылар әрбір қой басына арнап саз балшықтан бір-бір кружкадан жасаған. Қораға кіргізген кезде қойды түгендеу үшін бір қой кірген сайын бір кружканы жанына қойып отырған. Осылай қойды түгендеген соң көңілі орнына түсіп, ұйықтауға жататын. Оның отарында қоймен қатар сиырлар да, ешкілер де болған. Сондықтан оған саз балшықтан басқа да фигуралар жасауға тура келген. Ал диқандар балшықтан соғылған фигуралардың көмегімен жиналған астықтың, алынған зәйтүн майының, т.б. есебін жүргізіп отырған. Бақташы егер қой төлдесе, кружкаларына жаңадан кружкалар жасап қосқан, ал қойдың біразы етке сойылса, сонша кружканы алып тастап отырған. Санауды білмесе де ежелгі адамдар арифметикамен айналысқан.