Ч ч дыбысымен әрпі

Сабақтың тақырыбы: Ч ч дыбысымен әрпі
Сабақтың мақсаты: 1. Ч ч дыбысы мен әрпін таныстыру.
2. Оның дауыссыз дыбыс екенін аңғарту
3. Ч ч дыбысы бар сөздерді буынға бөлгізіп оқыту (сөйлемдер құрату)
4. Сөздерге дыбыстық талдау жасату
5. Жазба әріптерді дұрыс жазғызып үйрету.
Дамытушылық мақсаты: 1. Сөздік қорын молайту
2. Логикалық ойлау қабілетін дамыту
Тәрбиелік мақсаты: 1. Топпен жұмыс істеуге үйрету (бір-бірін тыңдап, сыйлауға тәрбиелеу)
2. Тиянақтылыққа, шапшаңдыққа тәрбиелеу.
Сабақтың әдісі: Ойын, сөздік, топпен жұмыс.
Пәнаралық байланыс: Қол еңбегі, музыка.
Сабақтың түрі: Аралас сабақ.
Сабақтың көрнекілігі: Ч ч әрпі, чемодан, чемпион, қызыл, көк текшелер, (чупа-чупс кәмпиті) Сауат ашу-Әліппе дәптері, смайликтер.
Сабақтың барысы:
І. Ұйымдастыру кезеңі.

Шаттық шеңбері "Мен Әліппені жақсы көремін".
Мақсаты: Әліппе білім бастауы екенін түсіндіру

Ээ әрпі видео көру .

ІІ. Өткен сабақты пысықтау.
2.Ойын "Кім шапшаң?" (таныс буындарды оқыту)

Ва-гон , вок -зал, мон- тер ,те -ле - фон,ви - та - мин,шах - та.(стикерде жазылған)

ІІІ. Жаңа сабақ.

1.Оқулықпен жұмыс .(132 бет Әліппе )Сурет бойынша әңгіме.

Балалар, мына суретке көңіл аударайық!
• Суреттен кімдерді көріп тұрмыз?
• Олар не істеп жүр?
• Коньки қандай спорт түрі?

• Спортшылар жарысып жететін жердің қалай аталатынын білесіңдер ме?
• Олар жарысты бастайтын сызық қалай аталады?
• Осындай дүбірлі додолар қалай аталатынын білесіңдер ме?
• Сондай дүбірлі доданың жеңімпаздарын кім дейді?
• Енді осы чемпионат, чемпион, чек сөздері қандай дыбыстан басталып тұр?

- Міне, балалар бүгін біз осы ч дыбысының әріп таңбасымен танысамыз, ч дыбысынан бар сөздермен танысамыз, дүбірлі додаларды жарып жүрген чемпиондарымызбен танысамыз.
- Мына суретке көңіл аударайық. Бұл кісі Қажымұқан деген аталарың. Ол кісі французша күрестен әлем чемпионы атанып қазақтың атын алғаш рет әлемге танытқан. Ал, мына кісі Жақсылық Үшкемпіров бокстан жүлдегер. Енді, мына кісіге көңіл аударайықшы, бұл кісінің аты Мұстафа Өзтүрік. Мұстафа Өзтүрік шығыс жекпе - жегінің таэквондо түрінен 7 дүркін әлем чемпионы. Біздің қазақ жеріне алғаш таэквондо спортын тәуелсіздік алған соң алып келді. Бұл кісілер бір сөзбен айтқанда чемпиондар.

Чемпион сөзі қандай дыбыстан басталып тұр.
Ч ч дыбысының әріп таңбасын жазып көрсету, балаларға айтқызу, дауыссыз дыбыс екенін айту .
1.Жедел хат бойынша "Гүл шоғының" тапсырмасын орындау

1 тапсырма: Қандай чемпиондарды білесіңдер?
2 тапсырма: "Чемодан" сөзіне дыбыстық талдау жасау.

3 тапсырма: Еске сақтау диктанты. (ауызша)
Чек, чемпион, чемодан, Мичурин - осы сөздерді балалар шатыспай айтып беру керек.

4 тапсырма: Ч ч дыбысы қандай дыбыс деп ойлайсың?

5 тапсырма: Ч ч дыбысы буын бола алама?

Осы тапсырмалар орындалған соң гүл щоғы балаларға қалады.
Тапсырманы орындаған балалар смайликтермен бағаланады.

2. Дәптермен жұмыс .

Ч ч әрпін ауаға, тақтаға жазып көрсету, екі элементтен тұратынын, айтылу артикуляциясын түсіндіру.
Сөздік жұмысы: Чемодан, чемпион, чек.
3. Орталықпен жұмыс:
Еңбек орталығы:

Алдарында берілген "чупа-чупс" кәмпитімен Ч ч әрпін жазу керек.

Оқу орталығы: Әліппе оқулығының 132 бетіндегі «Болашақ чемпиондар» өлеңін оқыту .Мазмұнын ашу.

Жазу орталығы: Дәптерге Ч ч дыбысының бас және кіші әрпін үзік сызықтармен жазғызу.

Әр орталықта белсенділік көрсеткен балалар смайликтер бағаланып отырады.

5. Ойын "Бинго"
(алдын - ала әзірленген "чек" бойынша ойналады)
Егер бала дайындалған сұрақтарға жауап берсе тиісті чекті алады.
Ойынның мақсаты: балаларды шапшаңдыққа үйрету. Сөйлеу қабілетін, тілін дамыту.
Берілетін сұрақтар:
1. Дыбыстар нешеге бөлінеді?
2. Сенің есімің қандай дыбыстан басталады?
3 А а дыбысына сөз ойла.
5. Сен қай ауылда тұрасың?
6. Сенің ұлтың кім?

ІV. Қорытындылау.
Бүгінгі өтілген дыбысты қайталап, қоржынымызға қосылған сөздерді хормен айтып, буындап оқып шығу.
Чем-пи-он
Че-мо-дан
Чек

Белсенділік көрсеткен балалармен топты мадақтап, "ЧЕМПИОН" атағын беру.

Смайликтермен кері байланыс парағын толтыртқызу .

«Чемпиондар » әні тыңдалады .