- Преподавателю
- Начальные классы
- Ирон зарæджы сценикон равдыст Фыдыбæстæйы Стырт хæсты темæйыл
Ирон зарæджы сценикон равдыст Фыдыбæстæйы Стырт хæсты темæйыл
Раздел | Начальные классы |
Класс | - |
Тип | Другие методич. материалы |
Автор | Гутиева И.Д. |
Дата | 22.12.2014 |
Формат | docx |
Изображения | Нет |
Ирон зарæджы сценикон равдыст Фыдыбæстæйы Стырт хæсты темæйыл.
Кочысаты Мухарбег . Æмдзæвгæ «Фыстæг мæ мадмæ»- йыл зарæг, æмдзæвгæ «Адæмы маст».
Ахуыргæнæг Гуытьиаты Индирæ
Сценæ :Ирон хæдзар. Кæрты гыццыл тымбыл стъол,йæ цуры бандон. Стъолыл фыстæджытæ,къамтæ. Мад æнкъардæй кæсы къаммæ.
Сценæйы иннæ фарс :Акъоппы бадынц хæстонтæ. Чи йæ хæцæнгарз сыгъдæг кæны, чи йæ дзаумамæ зилы.
Салдæттæ иугай дзурынц æмдзæвгæ.
1-аг салдат Мæ мастæн æрæнцайæн нæй
Мæ фæндтæн тызмæг у сæ ахаст
Зæгъут-ма, æмбæлттæ,цæмæй
Цы карздæр,цы фыддæр дзырдтæй
Зæгъон æз мæ зæрдæйы сау маст.
2-аг салдат Мæстæлгъæд фыдхорты æрдонг
Æрбабырста абон нæ бæстæм
Æгъгъæд сын нæ уыди ныронг
ÆмÆ та сæ бафæндыд ног
Æсфæлварын тохы нæ гæрзтæ.
3-аг салдат Знаг йе сæфт æдзухдæр уыдта
Нæ сæрибар адæмты цардæй
Æмæ нæм кæд худгæ дзырдта
Уæддæр æй мах тынг хорз зыдтам
Кæй ныл цæудзæн иу бон мæнгардæй
4-æм салдат Нæ фыдæлтæм иу ныхас уыд
Цæргæйæ сæдæ азы баззад
Æстыр раст ныхас у бæлвырд
Мæлдзыгæн,дам, йе сæфт æрцыд
Æмæ, дам, ыл базыртæ баззад.
5-æм салдат Цы кæны, кæд афтæ у- хорз
Кæд сæрра сты абон лæгмартæ
Уæд сын мах æссардзыстæм хос
Æзды æмæ сау топпыхос
Куыд никуал æсдзæбæх уой,афтæ
6-æм салдат Æмбæлттæ,æрцыди рæстæг!
Йæ фæстаг бон тугдзых лæгмарæн
Нæ къухмæ,цæй,райсæм гæрзтæ
Куыд уарзæм нæ Фыдыбæстæ
Уый равдисæм абон æзнагæн!
7-æм салдат Æмбæлттæ,мæ дзырд у рæстмæ
Фыдгулæн йæ бæрзæй сæтдзæни
Йæ сау рыг ыскалдзæн хæрдмæ
Рæстдзинад у мах фарс,æмæ
Уæлахиз дæр мах фарс уыдзæни!
Хъуысы мелоди (зарæг: фыстæг мæ мадмæ) Лæппу сыстад æмæ кæсы дардмæ (сценæйы иннæ фарсмæ),йæ цæстытыл уайы йæ мад. Дзуры:
Мæ фын фæлыгъди,хуыссæг та мæ н ахсы
Хæстæг у бон ,æвæццæгæн ,хæстæг…
Уæдæмæ ,цæй,мæ райгуырæн Кавказмæ
Ныффыссон æз гъе ацы хсæв фыстæг.
Ыссыгътон цырагъ ныккæнды æдæрсгæ
Мæ чысыл пецы бафу кодтон арт.
Зары. Салам дæуæн мæ райгуырæн хæхбæстæ,гъей
Æнæниз у, мæ ныййарæг,мæ мад!
Æрвитын дын хæсты быдырæй абон
Æрвитын дард Украинæй салам.!
Дæ буц хъæбул дæ иунæг фырт,дæ уарзон
Нæ рох кæны дæу иу минут дæр ам.
Мæ цæстыл уайы райгуырæн хъæубæстæ
Нæ хъæдынкъул,нæ æлыгбон хæдзар
Дæ дæлбазыр кæм рæзыдтæн æдæрсгæ
Кæм æрвыстон мæ рæзгæ бонты цард.
(Ныййарæг мад зарæджы ныхæстæм гæсгæ æвдисы,куыд æнхъæлмæ кæсы,уый. Фыстæг райста йæ къухмæ æмæ йæ кæсы)
Салдæттæ иумæ дарддæр зарынц. Мæ цæстыл уайыс алы бон ныййарæг
Цыма та бадыс рудзынджы раз ныр
Æз зонын хорз,дæ хъуыдытæ,дæ фæндтæ
Кæй у дæуæн æнæ мæн,нана,зын
Æмбарын æз,кæй мыл риссы дæ зæрдæ
Кæй дæм фæзыны хаттæй хатт цæссыг.
Еана,дæ зæрдæ ма дзурæд мæнимæ
Дзæгъæлы ма кæ,ма,нана, æнкъард,
Куыд нæ дæн æз хæсты быдыры иунæг
Нæ дæ ды дæр, гъе афтæ иу,мæ мад.
ДЗуры. Фæуыдзæн хæст,нæ рæстдзинады кардæй
Æзнаг æрцæудзæн тагъд рæстæджы саст
ÆмÆ дæм уæд,ныййарæг мад,æз дардæй
Фæзындзынæн сæрæгасæй æваст.