Презентация показахскому языку на темуДауыссыз К мен Г

Сабақтың тақырыбы: Дауыссыз К мен Г

Сабақтың мақсаты:

Дауыссыз к мен г туралы түсінік беру. Алған білімдерін кеңейту,қызығушылығын арттыру. Сөздік қорын дамыту.
Оқушылардың сөйлеу тілін, сөздік қорын, тілін дамыту. Сауатты сөйлеу дағдысын қалыптастыру.
Әрбір істі саналы түрде орындауға, өзін пікірін еркін айтуға тәрбиелеу.

Әдісі: Түсіндіру, сұрақ - жауап, көрнекіліктер арқылы қызығушылығын ояту, талдау, жинақтау.
Көрнекілігі: Сабаққа қатысты кесте, топшалар.

Сабақтың барысы:

І Ұйымдастыру бөлімі:
Психологиялық дайындық.
Үлкенге де сіз,
Кішіге де сіз,
Бар адамды құрметтеп,
Бас иеміз біз.

ІІ Үй тапсырмасын тексеру.

ІІІ Жаңа сабақ.
а) Ребус шешу арқылы жаңа сабақтың тақырыбын ашу.

«Дауыссыз к мен г»
Г әрпі сөз соңына жазылмайды. Сөз соңындағы к дыбысынан кейін дауысты дыбыс келсе, к дыбысы г - ге айналады. Мысалы: түлік - түлегі, ирек - ирегі.

ІV Оқулықпен жұмыс.
1 - жаттығу. Сөздерді оқып, мағынасын түсіндір.
Кебек, серік, терек, берік, көлік, жібек.
Гүлдесте, бүрге, тегіс, жігер, үзеңгі.

V. Сөздік жұмыс.
Кебек - бидайдың қауызынан кейінгі қабығы.
Бүрге - шағатын ұсақ жәндік.
Гүлдесте - гүлдерден өріліп жасалған басқа тағатын әшекей.
Жігер - күш, қуат.
Серік - досы, жолдасы.
Үзеңгі - зат.
Атқа міну үшін аяқ салатын ер - тұрман әбзелінің бөлігі.
Мысалы: Үзеңгіні шірене теуіп ат үстінде шалқақ отыр.
Берік - мықты, күшті.
К дыбысы қай буындарда кездесіп тұр? Г дыбысы ше? К, г қандай дыбыстар?
Кебек - кебегі, серік - серігі, жібек - жібегі, берік - берігі.

VI. Топшамен жұмыс. (Сөздердің бастапқы түрін жаз)
Көйлегі -.................... бөбегі -........................
Көмегі -..................... көлшігі -.......................
Бәйтерегі -................ кірпігі -........................
Бесігі -...................... көбелегі -........................

2 - жаттығу. Санамақты жатқа оқы.
Бас бармақ,
Балаң үйрек,
Ортан терек,
Шылдыр шүмек,
Кішкене бөбек.
К дыбысына аяқталған сөздерге і дыбысын қосып жаз, Саусақтардың атын біліп ал. Оларға тағы қалай атайды?

Үйрек - үйре....,
терек - тере....,
Шүмек - шүме...,
бөбек - бөбе......

VII. Топшамен жұмыс. (Қате әріпті сыз.)
---------- к ------- г ------ к ------- г -------- к
Шәйне... і, тие... і, кө... і, биі... і, үрке... і
---------- г ------- к ------- г -------- к ------ г
-------- г -------- к ------- к ------ г
Күре... і, кезе... і, еті... і, биі... і.
-------- к -------- г ------- г ------- к

3 - жаттығу. Суреттегі заттардың атын жаз.

Елік - елігі
Күрек - күрегі
Бөрік - бөрігі
Бесік - бесігі
Сөздерге дыбысын қосып айт. Сөз соңындағы к дыбысы қандай дыбысқа айналды?

VIII Топшамен жұмыс.(Дыбыстық талдау жасау)

Бөрік - 2 буын, 1 - ші буын ашық, 2 - ші буын бітеу.
Б - дауыссыз, ұяң.
ө - дауысты, жіңішке
р - дауыссыз, үнді.
і - дауыссыз үнді
к - дауыссыз, қатаң
5 әріп, 5 дыбыс.
4 - жаттығу. Сөздердің аяғына у әрпін қосып жаз.
Сөздерді үлгіде көрсетілгендей түрлендіріп оқы.
Үлгі: Төк - төгу, төгілді, төгеді.
Ек - егу, егілді, егеді.
Тік - тігу, тігілді. тігеді.
Сөк - сөгу, сөгілді, сөгеді.

IХ. «Тор көзді толтыр» ойыны.
1. Түстің түрі?

КӨК

2. Дала жануары?

КИІК

3. Үй құсы?

ҮЙРЕК

4. Шәйді неге қайнатамыз?

ШӘЙНЕК

5. Тірі табиғатқа не жатады?

ӨСІМДІК

Х. Қорытынды.
«Кім шапшаң» ойынын ұйымдастыру.
Мақсаты: Жылдамдыққа, шапшаңдыққа тәрбиелеу. Ойын арқылы өткен материалды тез игеруге тәрбиелеу.
Ойын шарты: мұғалім кез - келген оқушыға мысалы: Көк - деп допты лақтырады, допты ұтқан оқушы шапшаң көгі деп жауап қайырып, кері мұғалімге допты береді. Ал мұғалім келесі оқушыға беріп, ойын осылайша жалғаса береді.

Үйге тапсырма беру, бағалау, сабақты аяқтау.

«Бағдаршам» арқылы бағалау

Қызыл түсі - «5»

Сары - «4»

Жасыл - «3»

«5»

«3»

«4»