Тақырыбы: Құтты болсын, Жаңа жыл!

Әбуова Шолпан

Қызылорда қаласы,

Қараөзек ауылы

№39 «Қызылөзек» орта мектебі

бастауыш сынып мұғалімі

Құтты болсын, Жаңа жыл!

Мақсаты:Жаңа жыл мерекесі туралы түсінік беру.Ән айтуға, мәнерлеп тақпақ айтуға тәрбиелеу.

Тіл байлығын танымын артыру.

Көрнекілігі: Безендірілген шырша, жеңіл ырғақты музыка, плакаттар. Барысы: І. Ұйымдастыру.

Буратино: Тыңдаңыздар, тыңдаңыздар,

Сіздерге айтар жаңалық бар!

Жүргізуші: Айта ғой, жаңалығыңды.

Буратино: Айтсам, айтайын. Жаңа жыл келіп қалды

Жалмауыз кемпір: Уф! Әй, шуылдақтар, неге шулап жатырсыңдар? Бұл не той? Мынау не, жалтырап тұрған, мен оны өртеп жіберейін?

Балалар: Тимеңіз, бізге Жаңа Жыл келеді.

Жалмауыз кемпір: Мен сендердің Жаңа жылдарыңды, Аяз ата мен Ақшақарларыңды қамап кеттім

Балалар: Әже, әже сіз сондай әдемісіз, өзіңіз сондай қайырымдысыз.

Жалмауыз кемпір: Ендеше мен сендерге жұмбақ жасырайын, тапсаңдар бәрін босатамын.

1. Аспан жерге төгетін,

Ақ күмісін уыстап.

Жаңа Жыл келетін,

Қай мезгіл балалар? (Қыс)

2.Көлге жапқан қақпақ,

Сіресіп тұр қатты- ақ.(Мұз)

3 Тікен ,тікен, тік пісте,

Қысы- жазы бір түсте.( Шырша)

Жалмауыз кемпір:Жарайды, босатайын бәрін.

(Жалмауыз кемпір кетеді)

Жүргізуші:Ендеше, кешімізді бастайық, балалар!

Балалар: Бастасақ, бастайық!

1- жүгізуші: Армысыздар, құрметті ата- аналар, оқушылар, қонақтар!

Жаңа жыл құтты болсынІ Отбасыларыңызға құт- береке әкелсін.

2-жүргізуші: Біздің жаңа жылдық ертеңгілігімізге қош келіпсіздер

Жүргізуші:Ескі жылдың бізге реніші жоқ деген үміттеміз.Жаңа Жылды қарсы алайық.

Балалар: Жаңа жыл! Жаңа Жыл!(Жаңа Жыл келеді)

Ұлу: Армысыздар, достарым! Жаңа жылдарыңыз құтты болсын!

Ұлу жылы-әрекетті,

Ұлғайтады берекетті

1- жүгізуші: Жыл келді бөлеп бізді ағыс күнге,

Жетектеп, нұрлы ертеңге, таныс күнге.

Үміті адамзаттың жарқылдайды,

Ойнаған күн нұрындай қар үстінде.

1. жүгізуші: Жаңа жыл жаңа әннің тербелуі,

Жаңа жыл - ақ арманның өрленуі.

Жаңа жыл- партадағы лүпілдеген,

Кішкентай шәкірттердің ержетуі.

Хор: Зырлайды шанамыз

1-жүргізуші: Ажырамай мектептен бір елі сіз,

Жақсылыққа жаралған жүрегіңіз.

Сөз берелік құрметтеп өзіңізге,

Балаларға арналсын тілегіңіз.- дей келе, мектебіміздің басшысына сөз береміз.

1.Қол ұстасып, құшақтасып,

Үйренейік жаңа жыр.

Құтты болсын, құтты болсын,

Құтты болсын Жаңа Жыл!

2.Жаңадан тақпақ,

Аламыз жаттап.

Жаңа жыл келді,

Жаңа жыл аппақ.

3.Тілеймін мен бар әлемге,

Дос көп болсын жанашыр.

Ата- әже, ата- әже,

Құтты болсын Жаңа Жыл!

Хор: Қыс қызығы

Жүргізуші: Ал ,балалар ,тұрмайық,

Ойнайық та, ойлайық

Қандай жұмбақ болса да,

Шешпей оны қоймайық.

1.Ақ таяғы қолында,

Ойын күлкі жанында.

Күте оны шартарап,

Сый дорбасын арқалап,

Жаңа жыл сайын келетін,

Ол кім? (Аяз ата)

Жүргізуші: Ендеше ортаға Аяз атаны шақырайық.

Балалар хормен: Аяз ата, Аяз ата, Аяз ата.

Жүргізуші:Ақ таяғын таянып,

Аппақ тонға оранып,

Базарлықты мол алып,

Келді алыс сапардан,

Аяз ата оралып.

Аяз ата:Амансың ба, ұлдарым,

Амансың ба қыздарым.

Қандай жарқын жүздерің,

Қандай әсем жырларың.

Асулармен алысқан,

Асау желмен жарысқан.

Аталарың сендерге,

Шаршап келді алыстан.

Ақшақар:

Қарашы ата, қандай әсем, қандай сұлу шыршалар,

Қарашы әне, ойыншықтар шырша басын нұр шалар.

Бала біткен қуанышты, бізді тосып, қалған ба?

Өнерлерін өрейікші, не жетеді әсем әнді салғанға,

Ал, балалар, ойын- сауық көтерейік көңілді

Аппақ бүгін қыр далам,

Ақ дастархан жапқандай.

Халық біткен қарбалаң,

Қонақ күтіп жатқан.

Қалып едік сағынып,

Күтіп алдық жабылып.

Жолын қойдық жарық қып,

Шыршаларға шам іліп.

Бізбен бірге ойнайды,

Жаңа жылды тойлайды.

Барлық бала бақытты,

Болса екен деп ойлайды.

Жүргізуші:Жаңа жылда алдағы,

Көңіл өсіп кеңейсін.

Ортақ ойы арманы,

Жақсы дәстүр көбейсін.

Ән: Қошақаным

Аспан жерге төгеді,

Ақ күмісін уыстап,

Жаңа жыл да келеді,

Бізге қарай жылыстап.

Өлең де әзір, ән де әзір,

Ойын да әзір, бәрі әзір.

Кел, Жаңа жыл,біздерге,

Кел, жаңа жыл, Жаңа жыл!

Ән: Жас өмірдің түлегіміз

Жүргізуші:Ана өмірдің қуанышы, тірегі,

Бала оның жұбанышы тірегі.

Ана алдында ел жауы да бас иген,

Олар дәйім тыныштықты тіледі.- деп осы әнді бүкіл аналарға арнаймыз..

Ән Анашым

Жаңа жылда алдағы,

Көңіл өсіп кеңейсін.

Ортақ ойы, арманы,

Жаңа дәстүр көбейсін.

Қала нұр, дала нұр,

Құтты болсын, Жаңа Жыл!

Жасыл шырша жанында,

Билеп барлық бала жүр.

Қуантып енді,

Жаңа Жыл келді.

Өсетін болдық,

Бір жасқа енді.

Ән:Аяз ата

Тауда туып, тауда өскен,

Шырша келді ортаға.

Бәріміз бір дауыспен,

Дейміз енді шыршаға.

Әдемілеп біз ілген,

Ойыншықтар тізілген.

Қандай жақсы шыршамыз,

Ән шырқаймыз баршамыз.

Тамаша, тамаша,

Шыршамыз тұр жараса.

Басында әсем жұлдызы,

Көз тоймайды қараса.

Ән: Жүргізуші:

Құрметтісің қымбат қонақ жыл тойы,

Саған деген сый- сияпат басқаша.

Сені күтіп ән саламыз күн бойы,

Би билейміз шырқалған ән тоқтаса.

Би:Қара жорға

Кел, билейік

Жүргізуші:Балалар, біз бір ойын ойнайық.Ортаға бірнеше балаларды шақырайық. Ойын шартын түсіндіреді.

Ән: Қошақаным.

Жүргізуші:

Құрметтісің қымбат қонақ жыл тойы,

Саған деген сый- сияпат басқаша.

Сені күтіп ән саламыз күн бойы,

Би билейміз шырқалған ән тоқтаса.

Би: Жастар биі

Жүргізуші: Жаңа жылда жаңа белден асамыз

Жаңа жылға жырмен шашу шашамыз.

Мектепке келіп, білім алып,

Жаңа жылда тағы да алға басамын

Ән: Сурет сабағы.

Жүргізуші:Ақын жазар жаңа ән,

Ән тыңдайық халайық.

Жаңа жылға арналған,

Әсем әнге салайық.

Ән: Күзгі қайың.

Жүргізуші: Той- думанды жалғайық,

Шыршамызды айналып,

Би билейік қалықтап

Вальс биі

Оралды өлкеме,

Жаңа жыл армысың!

Оранды ақ көрпе

Асқар тау, қарлы шың.

Тоғайда, баулар да,

Ақ күміс жамылды.

Дала да, таулар да,

Өзіңді сағынды.

Жүргізуші:Ал, тыңдаңдар, тыңдаңдар,

Ойыншықтар тұр алда.

Ойыншықпен соңғы рет,

Қош айтысып қалалық

Ән :Ойыншықтар.

. Шыңнан сырғып түсті де,

Келді етекке қыс, міне.

Ақ қарлар ақ көбелек,

Қонды үйлердің үстінде.

Боран соғып бірде өкпек,

Үйге айдады кір деп тек.

Мұз көрпеге оранды,

Сулар тоңып дірдектеп

Жүргізуші: Адамға рух беріп шаттандырған,

Дауылды жорықтарға аттандырған.

Күш берген, қуат берген, шабыт берген,

Ақ тілек, ақ батасын ақтарған,

Балалар,Аяз атадан бата сұрайық.

Хор:Көрікті шыршамыз

Қорытынды:

Ата- анадан бақытты бар мекен жан,

Мақтанышы, бар тілегі балалар.

Сөз кезегі беріледі сіздерге,

Ақ тілекті, ақ пейілді аналар

Жүргізуші: Езуіңнен кетпесін сыңғыр күлкің,

Аспаның ашық болсын ала бұлтың

Мұржаң қисық болсада ағайындар,

Түтінің түзу шықсын жалпақ жұртым.

Жүргізуші: Келеді жылдар,келеді айлар ауысып,

Ұлу менен жылан жылы ауысып

Береке, бірлік бейбітшіліктің төрінде,

Тұрайық әр кез татулықпен қауышып!