Махамбет атындағы орта мектеп

«Бүгінгі білім - ертеңгі болашағым»

сайыс сабақ

Өткізген: 1 сынып жетекшісі:Молдағалиева Әсия

2014 жыл

Тақырыбы: «Бүгінгі білім - ертеңгі болашағым»
Мақсаты: Оқушылардың білім - білік дағдыларын байқап, өздерін емін еркін ұстай білуге үйрету. Шапшаң ойлау, шығармашылық қабілетін дамытып,
білімге деген қызығушылықтарын арттыру.
Түрі: Сайыс сабақ
Көрнекілігі: Слайд, интерактивті тақта
Сабақтың барысы
І. Ұйымдастыру бөлімі
Кіріспе
Жер үстінде адам өмір өткізер,
Бар нәрсеге білім қолды жеткізер.
Бар ізгілік тек білімнен алынар,
Білімнен аспанға жол салынар.

Армысыздар ұстаздар!
- Бармысыздар,
Болашақтың бастауы
Балғын шақты балалар!
Алдарыңызда тұрған 1 - сынып оқушыларының

«Бүгінгі білім ертеңгі болашағым» атты интелектуалдық ойынын тамашалап отырсыздар.
Ал оқушы, ұстаздар
Ортаға назар салайық
Білімділер шықпақ ортаға
Қол соғып қарсы алайық деп ортаға сайыскерлерімізді шақырайық.

Білімімізді артып, санамыздың өскенін, сөз байлығымыздың молайғанын көрсетейік
Ашық жарқын жүзді,
Әділ қазылар біздің
Таңдап баға беруге
Шақырайық төрге деп әділ - қазыларымызды сайлайық

Интелектуалдық ойынымыз 4 бөлімнен тұрады. Әр сұрақ жауабына ұпай сандары беріліп отырады.

Жоспар
1. Бәйге
2. Пән бойынша сұрақтар
3. «Жүз бір жұмбақ»
4. Оқушының ойы «Егерде мен.......»
Жеребе суыру

Егер сайыскерлеріміз дайын болса І тур. Бәйге
Қарап тұрмай бәйгеге еріңіз
Шәкірттерге әділ шешім беріңіз
Жүзден жүйрік, мыңнан тұлпар
Бәйге, бәйге, бәйгені бір көріңіз
І оқушы
1. Жапырақ қай кезде сарғаяды (күзде)
2. Бір сағатта неше минут бар (алпыс мин)
3. Қазақтың ұлттық саз аспабы (домбыра)
4. Дауысты дыбыстардың түрлері (жуан, жіңішке)
5. Жыл неше мезгілден тұрады (төрт)
6. Жердің пішіні қандай (домалақ, шар тәрізді)
7. Қ. Р. Рәміздерін ата (ту, елтаңба, әнұран)
8. Қойдың төлі (қошақан)
9. Әкеңнің шешесі қалай аталады (әже)
10. Ана тілі оқулығының авторы (Әуелбаев )
11. Ешкінің төлі қалай аталады (лақ)
12. Тудың түсі қандай (көгілдір)
13. Қазақ халқының ұлы ақыны (Абай)
14. Қасиетті тағам (нан)
15. Мүсін неден жасалады (саз, ағаш, металл, тас)
16. Қыстың көркі не (қар)
17. 16 - желтоқсан қандай мейрам (тәуелсіздік күні)
18. Торғай шырылдайды, қаз.... (қаңқылдайды)
19. Жылдан құр қалған жануар (Түйе)
20. Ұя салмайтын құс (Көкек)
Сонымен І бөлім аяқталды.

ІІ бөлім Пән бойынша сұрақтар
МАТЕМАТИКА
Ұшқыр ойға ерік болып шеберлік
Сөз кезеңін математикаға берелік
Арамызда тапқыш достар көп екен
Солардың енді жауаптарын көрелік.
1. 19 - 9=10
2. 1дм неше см болады `(10 см)
3. Азайғыш 10 азайтқыш 5 Айырма нешеге тең?

4. 9 онд 3 бірліктен тұратын сан (тоқсан үш)
5. 1 ғасырда неше жыл бар (100)
6. Шаршы дегеніміз не?
7. Альбомда 17 түрлі түсті, одан 7 і кем жай сурет бар. Альбомда неше жай фотосурет бар ( 10)
8. 7+7=14
9. 19 - 10=9
10. Cенде барлығы он бес теңге, сен сегіз теңгесіне карандаш сатып алдың. Сен қанша теңге қалды(7)

АНАТІЛІ
Әрбір тілде сөйле адамды таң қылып,
Ана тілін білмеу қандай заңдылық
Өсер болсаң байтақ далаң тұрғанда
Қазақ тілі жасау керек мәңгілік

1. Заттың іс қимылын білдіретін сөздерге мысал келтір
2. Дауыссыз дыбыстар неше топқа бөлінеді
3. Ұяң дауыссыз дыбыстарды ата (б, в, г, ғ, д, ж, з)
4. Мына мақалдан заттың қимылын білдіретін сөздерді тап Бірлігі жоқ ел тозады Бірлігі күшті ел озады

5. Сөйлем неден құралады (сөзден)
6. Мына сөйлемнен заттың сынын білдіретін сөзді тап Терісі жазда сұр түске өзгереді
9. Р дыбысы дауыссыз дыбыс тың қай түріне жатады (үнді)
10. Күз сөзінде неше буын бар (бір)

ДҮНИЕТАНУ
1. Біздің айналамызды түгел қоршап тұр, біз оны көрмейміз, себебі ол мөлдір, түссіз (Ауа)
2. Судың қасиеттерін ата (пішіні болмайды, түссіз, мөлдір, дәмі болмайды, иіссіз)
3. Өмір сүру үшін адамға не қажет?
4. Сұйық зат, ол бұлақ, өзен, көл, теңіздерде болады. (су)
5. Ауаны ластайтын заттарды ата
6. От жану үшін не қажет (ауа)
7. Тоқтар Оңғарбайұлы Әубәкіров қай жылы ғарышқа ұшты (1991 ж 2 қазан)
8. Құттықтаймын Мама туған күнніңмен авторы кім? М. Мақатаев

3- тур

Мың бір жұмбақ»
Өлең, мақал, жаңылтпаш, ертегі, жыр,
Мұның бәрі жанды сөз, ішінде сыр

1. Ти десе тимейді
Тиме десең тиеді (ерін)
2. Қабат - қабат қаптама
Ақылын болса аттама (кітап)
3. Аппақ дала, қара дән
Дәнін сепкен, түсінуге жараған (әріптер)
4. Өзім сөзден тұрамын
Аяқталған ойды құрамын (сөйлем)
5. Ауыл сыртында сайда
Жатыр үлкен айна (мұз)
6. Қант емес
Қатты
Мұз емес
Тәтті (сәбіз)
7.Күн күледі
Жер түледі (көктем)
8. Қалың киімді ұнатады
Шешіндірсең жылатады (пияз)
9. Шөпшілердің шөбін шашты
Қалпағымды ала қашты (жел)
10. Жайса көлдей,
Жиса еңдей (кітап)

4. бөлім Егерде мен...........
Егер де мен Президент болсам.....
Егер де мен Досыммен ренжісіп қалсам....
Егерде мен сабаққа дайындықсыз келсем
Егер де мен ақша тауып алсам

Бүгінгі сайысымыз аяқталды. Әділқазыларға сөз беріп, кім сайыс жеңісіне жеткенін тамашалайық.