Әліппемен қоштасу (1 класс)

Раздел Начальные классы
Класс 1 класс
Тип Другие методич. материалы
Автор
Дата
Формат doc
Изображения Есть
For-Teacher.ru - все для учителя
Поделитесь с коллегами:

Әліппемен қоштасу (1 класс)

Ақтау қаласы № 16 орта мектептің

бастауыш сынып мұғалімі Бекибаева Райханның

ашық тәрбие сағатының жоспары

Тақырыбы: Рахмет саған, Әліппе!

Мақсаты: Оқушылардың Әліппе пәнін игеру барысында алған білімдерін тиянақтау,эстетикалық талғамдарын тереңдету, өзін-өзі басқаруы мен ана тілін, туған жерін, Отанын сүйіп, қастерлеуге тәрбиелеу.
Түрі: Мерекелік ертеңгілік
Көрнекілігі: Суреттер

Мұғалім:Құрметті ұстаздар, ата-аналар, оқушылар! Бүгінгі ертеңгілігімізге қош келдіңіздер! Бүгін қуанышты күн - «Рахмет саған, Әліппе!» мерекесі құтты болсын. Балаларыңыз білім жолындағы белестерге қанаттары талмай көтеріле берсін дей отырып, ертеңгілігімізді ашық деп жариялаймыз!

КӨРІНІС: Әже мен бала

Автор: Алты жасар баласын,
Алпыста әжей жетектеп
Келе жатыр көшеде,
Қайда әлгі мектеп-деп
Алпыс келеді сүрініп,
Алты келеді жүгіріп.

Абайдулла: Апар ана мектепке
Ата- аналық парызың.
Оқып білім аламын,
Мен оқушы боламын.

Анасы Индира :
Асықпа әлі қарағым,
Санауға енді жарадың.
Жасың толсын алтыға
Сонда алып барамын.

Абайдулла:
Менің қарыс маңдайым,
Балаң болам талапты.
Тәртіп сақтап әрдайым,
Жақсы оқимын сабақты.

Анасы:Индира
Айтқанымды шырағым,
Шығарма тек санаңнан.
Мектептегі мұғалім,
Кем болмайды анаңнан.


Оқығаны баланың

Мейірі ғой ананың.

Дегеніңе жет, күнім,

Таудай болсын талабың!

Музыка қосу. Мектебім.
Абайдулла:
Қыркүйекте келдім де,
Сыныпқа кірдім қуанып,
Қарсы алды ұстаз мейіріммен
Қадамымды құп алып.

(осы кезде барлық оқушылар гүлмен ортаға шығады)

Еркебұлан:
Армысыздар аналар!
Бармысыздар балалар,
Сөзіме құлақ салыңыз
Бір серпіліп қалыңыз.
Әліппеге арналмақ
Бүгінгі жыр әніміз!

Айгерім:
Шашу - шашу шашайық,
Ақ сандықты ашайық
Бұл мереке, бұл тойдың
Бастаңғысын жасайық!

Жандос:
Әліппені меңгеріп,
Әріптерді таныған,
Құтты болсын тойымыз,
Біз білімді балдырған.

Ән: Көңілді күн

  • Балалар, осы Әліппе сөзінің шығу тарихын көп адам біле бермейді. Соны білгілерің келе ме?

  • Иә

  • Ендеше, мында назар салып тыңдайық.

Әліппе туралы таныстыру , слайдтан көрсету

Ә - әлемді

Л - лайықты
І - ізгілік

П - парасатпен
П - паш
Е - етеміз

Назерке:

Өшпейтін нұрлы әріппен.

Есігін аштым білімнің,

Өзіңнен кілт алып мен.

Қайда екен біздің Әліппе?

Мұғалім: - Расында, балалар, ортамызда Әліппе жоқ қой. Қане, Әліппені шақырайық!

Хормен: Әліппе! Әліппе!

Әліппе: - Мен мұндамын

Армысыңдар, жас достар!
Армысыздар, ата-ана!
Болашаққа жол бастар
Әліппе келді ортаға. Бұл мерекеге қуана, толғана келіп тұрмын. Жай келмедім, өзімнен бастау алатын, өздеріңе даңғыл жол салатын жаңа достарың «Ана тілін» шақыра келдім. (осы кезде Ана тілі келеді) Ана тілі: Туған елдің тілімін, Ақылы мен танымын. Түсіндірер бәріне Ана тілі пәнімін. Ана тілім-ұраным Ана тілім-құралым. Ана тілім болмаса Мықты болмас тұрағым.

  • Ой, қандай кісі көп. Сәлеметсіңдер ме, балалар.
(балалар амандасады) Мен Әліппемен бірге сендердің қуанышты дауыстарыңды естіп, қуанып келдім. Әліппе: Кел, төрлет, Ана тілі. Бұл оқушылар мені оқып бітіріп жатыр, олар бәрін біледі, өздері жаза алады, оқи алады. Ана тілі: Ендігі уақытта сендер менімен достасатын боласыңдар. Ендеше, балалардың Әліппеден үйренгендеріңді тамашалайық.

Нұрболат:
Жақсы білім, көрімдік,
Болсын сізге халайық!
Не үйреніп, не білдік
Қане ортаға салайық!
Нұргүл:
Бірінші қыркүйек
Келдім мен гүл алып,
Алдымнан ұстазым
Қарсы алды қуанып.
Азамат:
Қуантып мені ұстаздар,
Шақыртты осы мектепке!
Қараңдар міне, балалар
Келмеппін мұнда мен текке.
Құралай:
Мектебім қандай тамаша!
Жарқырап тұр жаңаша.
Ұстаздарым білікті
Ақтаймыз біз үмітті.

Темірлан:
Көріне бер биіктерден
Алтын ұя мектебім.
Шәкірттерің білімді боп,
Сенен өсіп көктесін.
ӘН: ҰСТАЗЫМ Диана: Біз Әліппемен қоштасамыз, Жолына гүлмен қоса жыр шашамыз. Білімнің бұлағына сусындауға, Көптеген кітаптармен достасамыз.

Бауыржан: Достастырып әріптермен, Білімге жол салып берген. Алдымнан шам, жағып берген, Айналайын Әліппемнен. Бақытжан: Әліппені құрметте, Күтіп ұста кірлетпе. Кішілерге табыс ет, Дақ түсірмей бір бетке. Сымбат: Ойыншық қалды жайына, Әріптер бөлді көңілді. Тәбетім жоқ ойынға, Сезінем үлкен өзімді. Гүлфайрус: Қуыршақты тастадым, Уақыт жоқ тіптен ойнауға. Әріптен құрай бастадым, Сөздерді тізіп қоюға. Атаман: Келгенде алғаш мектепке, Білмеуші едік әріп те. Оқимыз қазір ертегі, Үйретті оны Әліппе. Азалия: Алфавитті үйрендік, Онда жүйе, қалып бар. Біздің қазақ тілінде Қырық екі әріп бар.
Көрініс: Әріптер айтысы Ән: «Әліппе» Н. Еспанов
Ана тілі: - Сен ұзақ жолға аттанар алдында балалардан оқушының сенімді достары кімдер екенін білсем деймін. Оқушы: Олар оқулық,дәптер, портфель, күнделік, қалам, өшіргіш.

Оқулық (Ұлданай): Оқулығың құралың, Жағар білім шырағын. Баса алмассың ешқашан, Онсыз алға бір адым. Портфель (Еркебұлан): Оқушының мән-жайын, Жұрт біледі әрдайым. Портфелі өзі-ақ айтады, Иесінің қандайын. Күнделік (Бауыржан): Бірге барып сыныпқа Бірге үйіңе қайтады. Оның бетін кім ашса, Әр бағаңды айтады. Қалам (Нұргүл): Қаламсыз адамды, Көрмейсің бұл күнде. Қадірле қаламды, Жол ашар білімге. Жалқаудың қаламы Қалтада тозады Зеректің қаламы Қатардан озады. Өшіргіш (Айтмаханбет): Өшіргіш оқушы құралы Қатеңді түзетіп тұрады Дәптерді қолыңмен тырналап Былғама орынсыз жұлмалап Дәптер (Наргиз): Он екі ақ парақ Он екі ақ қанат Жолдары әсем-ақ Сызылған тақталап Он екі параққа Жазасың санап та Әріптер шығады Сап түзеп парадқа Көрініс «Әліппе мен дәптер Ана тілі: - Керемет, жарайсыңдар, нағыз азаматсыңдар! Әліппе: - Мен сендерге ризамын, балалар! Сендермен 4 ай жолдас болдым. Мен енді қайтуым керек, жолым ұзақ 2013 жылдың 1 қыркүйегіне дейін келесі 1- сыныпқа келетін бүлдіршіндерге жетуім керек. Әліппе: - Балалар, сендер мені оқып, «Білім кілті - кітапта» екенін ұғындыңдар. Ендеше, «Білім елінің» кілтін өздеріңе табыс етемін. Барлығы хормен: Мектеп-кеме, білім - теңіз, Барар жерге тез жетеміз. Адаспамыз ұлы жолда. Білім кілті біздің қолда. Ана тілі: Рахмет, Әліппе! Сеніміңізді ақтаймыз. Сүйікті әліппемізбен қоштаса отырып, досымыздың құрметіне ән шырқайық.

«Рахмет саған, Әліппе! » әні
Әліппе:

Ал, енді сендерге ақ батамды берейін. Оқуда зейінді болыңдар, Еңбекке бейімді болыңдар. Кір шалмасын қабақтарды, Ақ жол болсын, қарақтарым. Оқығандарың есте болсын, Күнделіктерің беске толсын-деп естелік болсын деп күнделік тарту етемін. Ана тілі маған көмектесіп жібер. Күнделіктеріңде тек бестік баға болсын. Күнделікпен қоса 5-тік бағаны тарату Ана тілі: Рахмет, Әліппе! Сеніміңізді ақтаймыз. (балалар әліппемен қоштасады)

Әліппе: Сау болыңдар, балалар! Балалар қоштасады.

Ақмарал:

О, Ата-анам!

Таянышым, тірегім!

Бар бақытты бір басыңа тіледім

Бізді жақсы болсын екен деп қашанда

Лүпілдейді сенің қамқор жүрегің.

Әнес:

Әкем -анам жасыл бағым жайнаған,

Сол бағыңда асыр салып ойнағам.

Пәк жүрекпен жыр жазады перзентің

Бар тілегі тек сіздерге арналған. Ана тілі: Біздің осындай дәрежеге жеткенімізге ата-аналарымыздың еңбегі зор. Балаларыңыздың бақытты балалық шағын қалыптастыруда қосқан үлестеріңіз үшін, сіздерге балалар «Ата-ананы тыңдаймыз» әнін арнайды. Қабыл алыңыздар.

Құралай:

Туған ел- алтын бесігі, Аштың сен- бақыт есігін, Жатталып жатыр жүректе Ардақты сенің есімің.

Нұргүл: Өмірдің гүліміз Таусылмас жырымыз Біздердің әні мен биіміз Болсыншы сыйымыз.




Мәншүк, Ернар «Ұстазым» әні
Ана тілі:

Шара апамдай бұралып,

Биді билеп береміз.

Көңілді , әсем билерді,

Өте жақсы көреміз. - деп «Қыздар» тобын ортаға шақырайық.

Би «Жаңбыр»

Назерке:

Ширап іс пен сөзіміз, Өсті осылай ойымыз Білімізді сараптап, Өнерімізді көрдіңіз.

Білмесбек кіреді.
- Мәссаған, мыналар әдемі киім киіп алып неге жиналған?

Оқушы: - Сәлеметсің бе, Білмесбек .Біз бүгін әдемі киініп құтты әліппемен қоштасып жатырмыз.
Білмесбек: - Әліппемен қоштасу дейді. Қоштасыңдар, қоштасыңдар. Әліппе оқып бастарыңды қатырғанша мына мен сияқты армандарды армандап, екі қолды қалтаға салып, талтаң-талтаң етіп жүрмейсіңдер ме?
Оқушы: - Білмесбек арман дейсің бе? Ол қандай арман?
Білмесбек:
Менің 1-ші арманымды тыңдаңдар.
-Мына менің ойымша,
Мектеп деген жойылса.
Сабағы мен білімі,
Кітап, дәптер, қаламы,
Мәңгілікке жоқ болса.
№1 баланың жауабы:

- Достым, ойың тайыздау,
Ақылың сенің тіпті аздау.
Жойылса деп мектепті,

Армандайсың арсыздау.
Мектеп егер жойылса,
Білім қайдан аларсың,

Үлгі, өнеге, тәрбие,
Ұстаздардан аларсың.
Білмесбек:
Менің 2-ші арманым.
- Пах-пах шіркін!
Жегенім ет болса,
Ішкенім сүт болса,
Ата-анам ақша тауып
Түрлі киім алып беріп,
Сәнді киіндіріп тұрса,
Сөйтіп , жағдайым керім болса.
№2 баланың жауабы. ( Бауыржан)
-Жесем дейсің ет тамақ,
Ішсем дейсің бал шырын.
Ата-ананың ақшасын,
Жойсам дейсің па шіркін!
Білім алмай мектептен,
Еңбек етіп тер төкпей,
Оңай олжа ойлайсың,
Ата-анаңды қинайсың .

Білмесбек.
3-ші арманым.
-18 жасқа келгесін,

Институт мені қабылдаса,
Бір оқу орны қуғанда,
Екіншісі қыңқ етпей қабылдаса.
Диплом деген қағазды,
Қолға келіп бір ұрса,
Шіркін осы тілектерім орындалса!
№3 баланың жауабы.

-Сен, Білмесбек мені тыңда,
Институт қабылдап,
Жүрсем дейсің былқылдап,
Сатып алып диплом,
Бастық болып, талтаңдап.
Болашағын елімнің,
Ойламайсың сен неге
Сауаты жоқ сауатсыз,
Мамандар көп біздерде.
Соның бірі болмақсың,
Қандай үлес қоспақсың
Егеменді елімнің,
Сәнін қалай бұзбақсың.
Білмесбек: (басы салбырап, ойланады)
- Достар, сендердің айтқан ақылдарыңның бәрі дұрыс.
Мен енді жалқаулықты тастаймын,
Жаңа өмір бастаймын.
Егеменді елімнің,
Ертеңі үшін күресіп,
Еңбекпенен көгеріп,
Бір асыл іс қыламын.
Мұғалім:
- Білмесбек, сен жақсы оқушы болуың үшін алдымен үстіңді жөндеп кел.
- Жарайды. ( Білмесбек шығып кетеді )

Ана тілі: - Осы біздер қандаймыз? (Оқушылар 1 жолдан кезекпен айтады.)

  • Талабы биік таудаймыз,
  • Мың бұралған бишіміз.
  • Біз қызықпыз, қызықпыз,
  • Кейде еркелеу, бұзықпыз.
  • Біз шеберміз,
  • Ақылдымыз.
  • Көңілдіміз,
  • Үлкендерге ізеттіміз.
  • Кішкентайларға қамқоршымыз,
  • Жақсылықты ұнатамыз,
  • Жамандықтан тез қашамыз.

Барлығы: Біз - қазақ елінің болашағымыз.

Ана тілі:

- Осы біздің еліміз қалай аталады?
Балалар: -Қазақ.
Ана тілі: - Еліміз.
Балалар: - Азат.(ұрандап)
Ана тілі: - Мемлекетіміз
Балалар: - Ғажап. ( ұрандату) Қазақ бәрінен озат.



Ән: «Жаса, Қазақстан!» Бүгінгі кеш әр үйдің той басы деп саналар, Балалардың есімі әулеттерге таралар. Ырым етіп сондықтан, ертеңгілік соңында, Ақ тілекпен баршаға шашу шашпақ аналар!

Осымен мерекелік кешіміз аяқталды. Ендігі құттықтау сөз кезегі
ата - аналар мен келген ұстаздарға беріледі.



© 2010-2022