- Преподавателю
- Начальные классы
- Тәрбие сағаты. Ана - өмірдің шуағы (3-сынып)
Тәрбие сағаты. Ана - өмірдің шуағы (3-сынып)
Раздел | Начальные классы |
Класс | 3 класс |
Тип | Тесты |
Автор | Жусупова М.К. |
Дата | 20.11.2015 |
Формат | doc |
Изображения | Нет |
Ана - -өмірдің шуағы
Сабақтың мақсаты: Ананың бойындағы ізгі қасиеттерді оқушыларға сездіру. Аналардың өмірдегі қызметі, көрсетер көмегі, анаға деген баланың парызы мен қарызы туралы түсінік беру. Мейірімділікке, сый құрметке тәрбиелеу, ұлтқа тән жақсы қасиеттерді қалыптастыру.
1-жүргізуші: Аяулы аналар, ардақты арулар мен ұстаздар!Сіздерді 8-наурыз Халықаралық әйелдер күнімен құттықтап, ғұмырынызға саулық, өмірлеріңізге сәттілік тілейміз!
2- жүргізуші: Ана десем сезім билер тым ыстық,
Жарасымды адамдарға туыстық.
Бір адамға берсе ана меірін,
Орнар еді бар әлемде тыныштық.
1,2-жүргізуші: Көктем мерекесі, Аналар мерекесі құтты болсын!!!
1-жүргізуші: Арулар - аяулылар, ардақтылар,
Өмірдің жылуы боп қалмақ бұлар.
Арулар - тіршілікке күре тамыр
Өмірді бір-біріне жалғап тұрар, - деп Мұқағали ақын жырлағандай «Бір қолымен әлемді, бір қолымен бесікті тербеткен» аналардың еңбектерін сөзбен айтып жеткізу мүмкін емес.
2-жүргізуші: Олай болса, бүгінгі кешіміздің қонақтары асыл аналарымызға құрмет көрсету - біздің перзенттік парызымыз.
Би.
1-жүргізуші: Жақсылық атаулының барлығы да ананың сүтінен жаралған. Халқымыздың «Анаңды Меккеге үш рет арқалап апарсаң да қарызыңнан құтыла алмайсың» деген сөзі ананың қаншалықты қадірлі екенін адамзатқа ұғындыру үшін айтылса керек.
2-жүргізуші: Олай болса, бүгінгі тәрбие сағатының тақырыбы да осы қасметті Ана есімі болсақ. Алғашқы сөзімізді аналардың анасы әжелерге , аналарға және аналардың көмекшілері әпкелеріміз бен қарындастарымызға арнаймыз. Қабыл алыңыздар!
1- оқушы: Менің әжем,бұл әжем,
Айтқан сөзі дәл әжем.
Аман болса көреді,
Қызығымызды әлі әжем.
2- оқушы: Менің әжем, нар әжем,
Көп жасаған кәрі әжем,
Ауырғанда мен үшін,
Әр сүйгені дәрі әжем.
3- оқушы: Менің әжем, гүл әжем,
Алтын әжем күн әжем.
Апам үшін, мен үшін
Нағыз ана тілі- әжем.
Ана туралы ән
4- оқушы: Ана деген-асыл жандар болаттай,
Ана деген - мөлдір жандар бұлақтай.
О, адамдар қадірлей біл ананы,
Жат қылыққа ақыл ойды тонатпай.
5- оқушы: Ана десем сезім билер тым ыстық,
Жарасымды адамдарға туыстық.
Бар адамға берсе ана мейрімін,
Орнар еді бар әлемге тыныштық.
6- оқушы: АНа-бала, бала-ана - бір ұғым,
Бір-бірінсіз жоқ олардың бақыты.
АНа-бала, бала-ана әрдайым
Бірге жүрсін, бірге көрсін шаттықты.
Ойын. Аналар көзін жұмып, алақаны бойынша баласын табу.
7- оқушы: Ана деген асқақ ән,
Орындайтын әрқашан.
Анадай қымбат сыйлықты,
Таба алмайсың ешқашан!
8- оқушы: Ана деген ақылшың,
Анаң барда батырсың.
Қасыңда кім болса да,
Тек анаңа жақынсың.
9- оқушы: Еркелесем күлімдейтін,
Ұрысқаны білінбейтін.
Маңдайымнан иіскеп менің,
Құлыншағым, күнім дейтін.
1-жүргізуші: Еңбек сабағында балалар аналарына, әжелеріне кішкентай сыйлықтар жасаған.Сол сыйлықтарын табыс етуге рұқсат етіңіздер.
2-жүргізуші: О, халайық, халайық,
Кезекті балаларға берейік,
Актерлерді сөйлетіп,
Қызығын бір көрейік.
Сахна ашылып «Анасынан адасқан қыз» атты көрініс көрсетіледі.
1,2-жүргізуші мен барлық балалар:
Ақ сүтінен жаралған,
Ақ сүтінен нәр алған
Анаға бас иеміз!
Құттықтау сөздер (Аналар, мұғалім)
1-жүргізуші: Әйел- АНА, Әйел-Өмір, Әйел-тіршілік өзегі. Өмір бесігінде іңгә тербетіп, адамзат баласына ұрпақ сыйлар ұлы құдірет иесінің есімі әрқашан да қастерлі, сөзі-өсиет, тұғыры- биік. Көңіл шуағына мейірім төгілген аяулы жанның өмірден алар несібе жемісі-алтын босағасы мен сүйкімді перзенті.
Денсаулықтарыңыз қуатты, күндеріңіз шуақты, өмірлеріңіз мәнді, үйлеріңіз сәнді болып, жанұяда бақытты, уайым-қайғысызғұмыр кеше беріңіздер!