Мероприятие Элифбе байрамы (Праздник Букваря)

ЭЛИФБЕ БАЙРАМЫ

2008 г.

Элифбе байрамы

Байрам хайтармасы янъгъырай, талебелер кирип, озь ерлерине отуралар.

Оджа: Сагълыкънен къал, Элифбе.

Биз сени унутмамыз.

Китап алгъанда эльге,

Сайып, севип анъармыз.

Оджа: Севимли талебелер, урьметли ана-бабалар, къартана-къартбабалар бизим байрамымызгъа хош кельдинъиз. Кельгенинъиз ичюн чокъ сагъ олунъыз. Эр бир инсаннынъ балалыкъ чагъы ола - бу девир эр кес ичюн эмиетли бир девирдир. Биринджи мектеп, биринджи сыныф, биринджи оджа - бу чокъ къыйметли ве тесир этеджек сёзлердир. Мына сизинъ эвлятларынъыз да, мектеп девирине еттилер, озь илим ёлларынынъ биринджи басамакъны аль эттилер ве акъкъикъий талебелер унваныны къазандылар. Биз сизни бу тантаналы ве къуванчлы вакъианен джан-юректен хайырлаймыз. Сизге биринджиден, къавий сагълыкъ, экинджиден, сабыр, учюнджиден бахтлы омюр тилейик. Эвлеринъиз эр даим шенъликнен ве муаббетлинен толу олсун, Шимди исе бизим талебелермиз сизлер ичюн меракълы концерт программасыны азырладылар.

1-нджи бала - Эрвин

Бир чокъ язы: А, Б, В, Г…

Бир чокътан-чокъ ресимлер.

Бу - Элифбе, бундан бильги

Ала бутюн несиллер.

2-нджи бала - Элина

А-нен, Б-нен башлай, билинъ

Ана, баба сёзлери,

Элифбеден башлай илим,

Ача сокъур козьлери.

3-нджи бала - Сейтосман

Ватан сёзю В-нен башлай,

Сиз ватаннынъ ишанчы.

Мектеп сизге бильги ашлай,

Окъув - аят къуванчы.

4-нджи бала - И

О-нен башлай оджа сёзю,

Сай-севинъиз оджаны.

О огретир сизге озю

Эр арифни, эджаны.

5-нджи бала - Гульсум

Я-нен башлай «яхшы», «яман» сёзлери

Яманлыкъны бильменъиз.

Эвде, ёлда сиз эр заман

Яхшы олып юрюнъиз.

Йыр «Элифбе байрамы»

«Явлукъ» оюны иджра эте 1 - А сыныф талебелери

Шейтанчыкъ: Руддем. Вай, даа демин кимсе ёкъ эди. Бу къадар бала, бу къадар шамата къайадан кельген экен? Чалгъы сеслери де чыкъа. Не бар экен? Перишан: Нияра. Бугунь оларнынъ элифбе байрамлары экен. Олар энди окъумагъа, язмагъа огрендилер. Эм ойле де окъуй ве язалар ки, эписи менненойнамагъа дегиль, лаф этмеге истемейлер.

Шейтанчыкъ: Ах, не япарым? Энди меним къылыкъларым оларгъа зарар этмейджек де! Олар энди акъылландылар. Насыл бир къылыкъ тюшюнип тапсам экен?

Джаиль: Биз тенбельнен анълаштыкъ.

Тенбель: Сен билесинъ де, яхшы шейгебизим акъылымыз етишмей, амма ярамазлыкъ япмагъа устамыз.

Шейтанчыкъ: Къана тез айтынъыз.

Джаиль: Балалар окъумагъа ве язмагъа огренген китапларны ёкъ этмек керек.

Перишан: Амма да иш олур эди! Балалар акъыллы олсалар да, китапсыз яхшы окъуп оламазлар. Джан сыкъысындан кене меннен ойнарлар.

Шейтанчыкъ: Эгер ойле япып олсакъ, бу ерде тек биз къонакъбай олурмыз. Балаларгъа не истесек, оны яптырырмыз. Айдынъыз китапларны алайыкъ.

Оджа:

Севимли балалар, сиз энди окъумагъа, язмагъа огрендинъиз. «Элифбе» китабымызнен сагълыкълашып, энди даа чокъ башкъа китапларны окъумагъа вакъыт кельди.

(Масагъа бакъа). Я, китапларымыз къайда?

Шейтанчыкъ: Сизинъ китапларынъызны мен алдым. Мен шейтаным.

Джаиль ве Тенбель: Амма да аджайип олды! (Кулюшелер)

Оджа: Балалар бизим ишимизге бу ярамазлар къарыша. Не япайыкъ экен?

(Алим ве Алфавит кирелер)

Алим:

Селям алейкум, оджам, балалар, мусафирлер! Биз алфавитнен берабер сизинъ Элифбе байрамынъызгъа кельдик. Байрамынъыз хайырлы олсун! Алфавит ханым, бу байрам дегиль гъалиба. Эписининъ чырайлары кедерли.

Алфавит:

Хайыр ола! Неге къасевет этесиз?

Оджа:

Бизим байрамымызны бозмагъа шейтан кельди ве бизим окъуйыджакъ китапларымызны хырсызлап кеттилер.

Алфавит: Китапларны бу хиянетлерден алмакъ керекмиз. Эгер бирлик олып арекет этсек, оларны енъермиз.

Алим: Шейтанлар яшагъан мемлекетни тапмакъ ичюн чокъ шейлер бильмек керекмиз.

Оджа: Келинъиз балалар, шейтанларны, джаиллерни, тенбеллерни, перишанларны озь бильгимизнен шашырайыкъ.

Йыр: «Йырламагъа мен севем»

Оджа: Къана Элифбе озь ордунынъ аскерлерини чагъыр.

Элифбе: Созукълар! Бир адым огге чыкъынъыз.

А арифи - Сание

Алма бою алмалыкъ,

Андан биз алма алдыкъ.

Ал янакълы алма армутлар,

Ашап тойды балалар.

И арифи - Мамет

Инджир - назик бир терек,

Инсанларгъа пек керек.

Къара, сары эм татлы,

Инджир 4севем… чокъ файдалы.

Е арифи - Эмирасан

Мен денъизге даладжам,

Узакъларгъа ялдайджам.

Ал елькенлер тюбюнде,

Мен гемиджи оладжам.

У арифи - Усеин

Байырлардан, юксектен

Санки, дерсинъ учан сув.

Буны корьген адамлар

Онъа деген - учансув.

О арифи- Ава

Орюмчечик таванда

Оре озюне юва

Орьнеклерине бакъа

Озь башына тавлана.

Э арифи - Эльмаз

Элимизде - элифбе,

Бизге дейлер - талебе.

Эр кес бизни алгъышлай,

Гульдестелер багъынлай.

Ю арифи - Эдие

Ашкъа къатылмаз,

Базарда сатылмаз,

Ондан да татлы

Шей олмаз.

Ё арифи - Айше

Ёл боюнда сачтыкъ биз

Алма, армут ве кираз.

Баарь кельсе, эписи

Чечек ача беем-беяз.

Я арифи - Айдер

Япракълар энди тюшкен,

Ятакъ киби тёшельген.

Ягъмурлардан къалтырай.

Язны олар хатырлай.

1- Б сыныф талебелери «Хайтарма» оюнны иджра этелер.

Алим: Балалар, ким лятифе айтмагъа биле?

Лятифелер:

Эльхан ве Сервер

Саид ве Муслядин

Эльмаз ве Эммина

Камиле ве Эммин

«Китап» Йыры

«Балалар хайтармасы» оюнны 1- А сыныф талебелери иджра эте.

Элифбе: Тутукълар! Бир адым огге чыкъынъыз.

Талебелер: Анифе, Муслядин, Эмине, Исмаил, Мелек, Эдем, Эдие, Эльхан, Ление, Сайбе, Султание.

Къ арифи - Меним достум Къыркъаякъ, Къолунда узун таякъ. Аркъасы сызма-сызма, Аягъында къыркъ чызма! Аякъкъапкъа достум бай…

Инанмасанъ озюнъ сай!

Й арифи - Гедже бакъсам - кок толгъан Саба бакъсам - ёкъ олгъан. (йылдыз)

Нъ арифи -

Чанъ чечеги чынъылдай,

Мавы башыны саллай,

Ельчик онен ойнакълай,

Япрагъыны къытыкълай.

Х арифи - Азбарда эки хораз, Бири чал, бири беяз. Экиси де ярамаз,

Талашалар баса-бас.

Ш арифи

Шатыр-шутыр шамата,

Эвде шакъа-къората.

Шамек шенълик яйрата

Балаларны ойната.

Ф арифи - Аблямит

Дагъгъа бардыкъ арабанен,

Фындыкъ джыйдыкъ торбаларнен.

Арабамыз къырылды,

Фындыкъларымыз тёкюльди.

М арифи -

Мышыгъымнынъ козю мавы,

Мыйыкълары бем-беяз,

Меннен ойнагъан сонъ о,

- Раатланайым, - дей, - бираз.

Л арифи - Ление

Лейля ляле асрайджакъ,

Фискинен сувараджакъ,

Гульзарда оськен ляле

Дюльбер олып ачаджакъ

Ж арифи - Бекир

Жувулдап ягъмур ягъа,

Ёл бою селлер акъа,

Топракъ сувгъа тояджакъ,

Бол берекет оладжакъ.

Д арифи -

Дём-дём дёмана,

Оджакъларда от яна.

Къаве пише, чай къайнай,

Эр кес байрам хайырлай!

Т арифи - Султание

Топ-топ эте, топ эте,

Топчыкъ кезмеге кете.

Тыгъыра, юварлана,

Таирени чагъыра.

З арифи - Айше Эюпова

Зурафе корьдим озюм -

Онынъ бою пек узун,

Африкада о яшай,

Айтынъыз неге ошай?

Н арифи -

Назлы орьнек нагъышлай,

Эм нагъышлай, эм йырлай.

Гузель-гузель явлукълар

Анасына багъышлай.

С арифи - Сайбе

Салгъыр боюнда сельби

Сая бизге багъышлай.

Саясында раатлангъан,

Сеятчы алгъышлай.

Гъ арифи - Земине

Гъагъалы тек къуш ола,

Гъагъасынен аш ала.

Гъыданы чокъуп ашай,

Гъам ве къайгъысыз яшай.

Б арифи - Саид

Ишим бардыр керчектен,

Бал топлайым чечектен,

Гедже-куньдюз ишлейим,

Тийсенъ яман тишлейим.

К арифи - Эльхан

Копечигим къап-къара,

Къуш къондурмай азбаргъа,

Мышыкъларнен талаша,

Азбар ичин долаша.

Г арифи - Эмин

Герай гемичик япкъан,

Гольчикке алып баргъан.

Гольчик устю къалтырай,

Гемичик анда ялдай!

Р арифи - Муслядин

Ренкли къарандаш алып,

Расим ресим япаджакъ.

Расим япкъан ресимлер,

Сергиде асыладжакъ.

П арифи - Исмаил

- Папий недир, ким биле?

Не ашай, къайда юре?

- Эр кунь сувда о ялдай,

Боджеклер тапып ашай.

Ъ ишарети - Эмина

Арифлернинъ эр бирининъ

Бар белли хасиети.

Меселя, сес бильдирмей

Къаттылыкъ ишарети.

В арифи - Анифе

Васфие вишне ашай,

Чегирдеклерни топлай

Оларны о саяджакъ,

Топракъкъа сачаджакъ,

Кене терек оседжек,

Вишне бизге береджек.

Ч арифи - Алина

Чая чипче чечек сачкъан,

Чечеклери бирден ачкъан.

Чапып кельген чёльден тавшан,

Чечеклерни джыйып къачкъан.

Дж арифи - Гульсум

Джанэрик, джевиз, джилек -

Бу мейвалар пек керек.

Язда джыйсанъ берекет,

Къышта олар чокъ къыймет.

Я арифи - Айдер

Япракълар энди тюшкен,

Ятакъ киби тёшельген.

Ягъмурлардан къалтырай.

Язны олар хатырлай.

Ь ишарети - Хатидже

Дюньяда бар бинъ миллет

Бинъ бир тюрлю мемлекет,

Эр миллетнинъ бар или

Джандан азиз озь тили.

Йыр «Чему учат в школе»

Оджа: Мусафирликке Букварь кельди. (Букварь кире)

Букварь: Ребята, здравствуйте!

Отгадайте загадку, вы узнаете с кем я пришёл к вам.

Буратино: Ребята, ответьте на такой вопрос: чему учат в школе?

Талебелер: Эдем, Айше, Земине, Мамет.

Буратино: Давайте, проведём игру «Живые слова»

Талебелер: Эмин ве Сервер.

Оджа: Йыр «Праздник Букваря»

Буратино: Молодцы, ребята!

Оджа: 1-Б сыныф талебелери «Эски Къырым хайтармасы» оюнны иджра этелер.

Шиир: Тутукълар! Джемалядин, Айше, Бекир, Гульсум, Земине, Аблямит, Алина, Эмин.

Оджа: Агъыр ава ве хайтарма оюны

Шиир: Тутукълар! Сервер, Камиле, Бекир, Ление, Эмина, Хатидже.

Алим: Балалар, шейтан телефон ачты, шимди сизден афу сорамагъа келеджек.

Шейтан командасы: Балалар бизлерни багъышланъыз. Биз сизлерге ошамагъа истеймиз. Чокъ

шейлер билесинъиз экен. Мына сизге китаплар.

Оджа: Яхшы шейтанчыкълар, бизим мусафиримиз олунъыз. Байрамымыз девам эте.

Оджа: Йыр «Мен лаф этем»

Талебелер: Усеин, Аблямит, Э.Айше, Ава, Джемалядин.

Оджа: 1-А сыныф талебелери «Ана тили» оюнны иджра эте.

Йыр «Укр т.»

Оюн «Хораз»

Оджа: Чокъ сагъ олунъыз балалар. Машалла! Энди исе ойнагъанынъыз, йырлагъанынъыз ичюн, сизлерге ана-бабалар бахшышлар азырладылар.

Энди сёз китапханеджиге, мудирге, ана-бабаларгъа бериле.

Татлы софрагъа буюрынъыз.

Дерсликлер

Эсап

Эм гузель, эм де кучьлю

Эсап деген фенимиз

Чыкъарып, эм де къошамыз

Сайыларны эпимиз.

Элифбе

Элифбе девиринде

Кельдик бильги алемине

Пек чокъ

Мен ве Украина

Диярымызны севмеге

Табиатны козь этмеге

Айванларны къорчаламакъ

Бизлерни огретти.

Сагълыкъ эсасы

Сагълыкъ - омюрнинъ темелидир

Сагълыкъ - инсаннынъ байлыгъыдыр

Сагълам олунъыз балалар

Сагълам тенде - сагълам акъыл.

Украин тили

Украин тили дерсинде

Девлет тилини огренемиз

1. Бабам бугунь тюкяндан

Бир китап алып кельди.

Мына, огълум, Элифбе,

Окъу да огрен - деди.

2. Бабам айтты: «Элифбени

Мытлакъ огренмек керек.

Арифлер япкъан сёзлерни

Манасыны бильмек керек.»

Бизден сизге бахшыш олсун,

Буюк бильги анахтары

Азиз дюльбер талебелер,

Къырымтатар балалары!