Математика 1-сынып, Монеталар, Фигураларды құрастыру және оны бөліктерге бөлу, Геометриялық фигураларды кескіндеу, қиылысуы

Тексерілді: Калиниченко Л.С

Пәні: математика

Күні: 01.03.2016

Сыныбы: 1 «Ә» сынып

Мұғалімі: Қайролла М.М

Сабақтың тақырыбы: Монеталар

Сабақтың мақсаты: Ондықтарды салыстыруды үйрету, теңге туралы түсінік қалыптастыру, логикалық ойлауын дамыту, үнемділікке тәрбиелеу.

Сабақтың түрі: жаңа сабақ

Сабақтың әдісі: түсіндіру, көрнекілік, сұрақ-жауап, әңгімелеу, талдау-жинақтау

Көрнекілік: суреттер, кеспе қағаздар

Сабақтың барысы

І. Ұйымдастыру

Сыныпты ұйымдастыру.

Зейіндерін сабаққа аудару.

Топқа бөлу - «10 теңге, 20 теңге».

Психологиялық ахуал.

Қане біздер ойлайық,

Ойымызды жинайық.

Қандай есеп болса да,

Шешпей оны қоймайық. - деп бүгін «Математика» деген керемет әлемге жету үшін біз ну орман ішімен барамыз. Орман ішінде жануарлар тіршілік етеді. Әрине олар бізді жай жібермесі анық. Біздер әрі жүруімізге кедергі болса, қиын тапсырмалар берсе мүдірмей орындауға тырысамыз? - Жарайсыңдар, балалар! Барлығымыз бір көзімізді жұмамыз, әсем әуенді тыңдай отырып, өзімізді ну орманға келе жатқандай сезінейік. (Әуен қосу) Көктем мезгілі. Орман ішінде келе жатырмыз. Күн шуағын шашып тұр. Құстардың әдемі дауыстары естіледі. Көзімізді ашамыз, алдымызда аю тұр.

ІІ. Үй тапсырмасын тексеру

Аюдың тапсырмасы.

-Үй тапсырмасы тексеріледі.

-«Аялдама» әдісі арқылы тапсырма орындау.

ІІІ. Жаңа сабақ

Бүгінгі күнді жазу. Қасқырдың тапсырмасы: «Миға шабуыл» стратегиясы. Логикалық есептер: Камила 4 жаста, Жазира одан 2 жас кіші, ал Ержан мектепке барып жүр. Балалардың ең үлкені кім? Балалардың ең кішісі кім? Өздеріңнің жауаптарыңды дәлелдеңдер.

-«Үндемес» ойыны. Мұғалім таяқшалардың бумаларын көрсетеді, сандар жазылған карточканы көрсетеді.

Түлкінің тапсырмасы: «Бір айналым сөйлесу» әдісі. Бір таңбалы натурал сандар және неліктен? Екі таңбалы натурал сандар және неліктен? Натурал емес бір таңбалы сан бар ма? Бума ше?

-«10» постер құр;

ІҮ. Жаңа сабақты бекіту

Тиіннің тапсырмасы: «Кім жылдам» стратегиясы: натурал сандарды тез есептеп шығару.

Есеп құрастыр және шығар: Корольдің екі қызы бар. Үлкен қызы 30 жаста, ал кіші қызы 10 жас кіші. Корольдің кіші қызы неше жаста?

30-10=20 Жауабы: 20 жаста

Сергіту сәті.

Оң қолымда бес саусақ,

Сол қолымда бес саусақ.

Қосып едім екеуін,

Болып шықты он саусақ.

Ү. Сабақты қорытындылау

Қоянның тапсырмасы: Интерактивті тақтада «Крестиктер-ондықтар» стратегиясы:

10, 20, 30

10, 20, 30

10- Сандарды оқы: 10, 30, 50, 70, 90?

10-Сандарды оқы: 100, 80, 60, 40, 20?

20-Салыстыр: 10*20, 50*60, 30*50

20-Салыстыр: 40*30, 90*80, 70*20

30 - Теңдеуді шеш: х+10=70

30 - Теңдеуді шеш: х-20=80.

-Жарайсыңдар! Барлық тапсырмалардан сүрінбей өттіңдер. Мен ризамын. Сіздерді математика әлеміне жетті деп есептеймін., себебі барлық орындаған тапсырмалар арқылы өз білімдеріңді, тапқырлықтарыңды көрсеттіңдер. Өзімізге қол шапалақтап құрмет көрсетіп қояйық.

ҮІ. Үйге тапсырма беру

177-бет «Кім, тапқыр»

ҮІІ. Бағалау

Барлық оқушыларды ескере отырып, монеталардың қиындыларымен мадақтап бағалаймын.

Тексерілді: Калиниченко Л.С

Пәні: математика

Күні: 02.03.2016

Сыныбы: 1 «Ә» сынып

Мұғалімі: Қайролла М.М

Сабақтың тақырыбы: «Фигура құрастыру және оны бөліктерге бөлу»

Сабақтың мақсаты: Оқушылардың ондықтарды қосу, азайтудан алған білімдерін толықтыра отырып, фигура құрастыру және бөліктерге бөлу туралы түсінік беру. Түрлі мақсаттағы тапсырмаларды орындай отырып математикалық ойлау қабілеттерін арттыру, пәнге деген қызығушылықтарын ояту. Оқушыларды білімпаздыққа, шапшаңдық пен тапқырлыққа баулу. Ізденімпаздық пен өздігінен жұмыс жасауға тәрбиелеу.

Сабақтың түрі: Жаңа материалды игерту

Сабақтың әдісі: түсіндіру, ой қозғау, сұрақ - жауап

Көрнекілігі: Белсенді тақта, кеспе қағаздар, суреттер, логикалық есептер

Сабақтың барысы:

І. Ұйымдастыру кезеңі

а) Үй тапсырмасын тексеру, бағалау

б) Өткен сабақты бекіту

ІІ. Жаңа сабақ

1. Психологиялық дайындық!

«Менің көңіл - күйім қандай?» Өте жақсы, Жақсы, Орташа.

Жұмбақ шешу:

Қар кетіп, қыр көгерді Жерге диқан дән сеуіп

Қорадан жас төл өрді.(Көктем)

2. Ой шақыру: Балалар сүйінші деген не? Ол қай кезде сұралады?

«Көктем суреті» Балалар, көктем бізден құстар келді деп сүйінші сұрай келіпті. Көктемде ең бірінші келетін құсты білеміз бе?

Ол - қараторғай.

«қараторғай суреті» Ол бізге өзімен бірге тапсырмасын ала келіпті, яғни

№1

Көктем басталысымен адамдар үй тұрғыза бастайды. Бізде қараторғай тапсырмасына сәйкес үй тұрғыза отырып, мысалдар шығарайық.

70+20=90 70+0=70 0+70=70

7+2=9 7+0=7 0+7=7

90 - 20=70 90 - 0=90 90 - 90=0

9 - 2=7 9 - 9=0 9 - 0=9

3. Үй қандай фигуралардан құрастырылған?

Тіктөртбұрыш, шаршы, үшбұрыш

№2 Тырналардың тапсырмасы:

«Тырналар суреті»

Сергіту сәті:

Ойын: «Тез, бірақ қателеспе!» әр қатарға логикалық есептер шығарту.

1. Менің туған күнімде, Қонақтар көп үйімде.

Балнұр тәтем келді, Арнұр көкем келді.

Үлкен атам келді, Нағашы әпкем келді,

Бөлем Бәжен келді, Жездем Шәкен келді

Әпкем Сәпен келді Достарымнан екеу келді

Ұстазым кештеу келді Барлығы нешеу келді? (10)

2. Су құйып ем астауға, Үш қаз келді қасына.

Үш қасқалдақ бір қазан, Екі үйрек бір сазан.

Бір көксерек, бір қарға Қосылды кеп бұларға

Болды бір топ құс қанша? (12)

3. Ұлым, ұлым, ұлым деп, Ұлдарын ана сүйеді.

Гүлім, гүлім, гүлім деп, Қыздарын ана сүйеді. (6)

«Көгершіннің тапсырмасы»

№3

90 мин 40 сандарын пайдаланып, азайту амалына есеп құрастыру.

Мыс: 90 - 40=50

- Балалар, құстар бізге алғысын айтуда, себебі сендер олардың тапсыр маларын қатесіз орындап жатырсыңдар.

- Балалар, көктем сендерден ең алғаш өсіп шығатын гүлдерді білесіңдер ме деп сұрайды.

- Қызғалдақ, Бәйшешек

Олардың да бізге жіберген тапсырмалары бар екен.

«Бәйшешектің тапсырмасы»№5 дұрыс шешуін таңда.

а) Әжесі - 3 ойында

Немересі - 4 ойында

Немересі неше ойында артық жеңді?

Ш: 4 - 3=1

Ж: 1 ойында

ә) Жинағаны - 8 ұпай

Қосылғаны - 1 ұпай

Барлығы -?

Ш: 8+1=9

Ж: 9 ұпай

б) Болғаны - 9

Орындағаны - 5

Қалғаны -?

Ш: 9 - 5=4

Ж: 4

ІІІ. Жаңа сабақты бекіту

«Шығармашылық тапсырма»

Біз ақылды баламыз, Бар білімді саламыз.

Есеп, жұмбақ ойынның, Жауабын тез табамыз.

Жауабы: 1) Әлихан 2) Қуаныш 3) Болат

Ойын: Әр қатарға тапсырмалар беріп жауабын тапқызу «Ұшқыр қиял»

Суретте неше шаршы бар? 6

2) Кіші көршім сол жақта,

Үлкен көршім оң жақта.

Тұрушы еді қасымда,

Қайда кеткен жан - жаққа?

3) Апта күндерінің қазақша атауын ата.

Дүйсенбі

Сейсенбі

Сәрсенбі

Бейсенбі

Жұма

Сенбі

Жексенбі

ІҮ. Сабақты қортындылау

«Мен бүгін не үйрендім?»

а) Геометриялық фигураларды ата?

ә) Бір таңбалы натурал сандарды өсу, кему ретімен сана.

б) Ондықтармен сана?

в) 1дм=? см

г) 5 онд+3 онд=? Онд

д) 9 онд - 2 онд=? Онд

е) 30 - дың көршілерін ата?

ж) Өрнектің неше түрі бар?

Ү. Бағалау

Оқушыларды жауабы бойынша бағалау.

ҮІ. Үйге тапсырма:

№4

Тексерілді: Калиниченко Л.С

Пәні: математика

Күні: 03.03.2016

Сыныбы: 1 «Ә» сынып

Мұғалімі: Қайролла М.М

Сабақтың тақырыбы: Геометриялық фигураларды кескіндеу

Сабақтың мақсаты: «Геометриялық фигураларды кескіндеу» тақырыбымен таныстыру. Тақырып бойынша тапсырмалар орындату барысында оқушылардың танымдық, іздемпаздық қабілеттерін дамыту. Шапшаң есептей алуға баулу.

Сабақтың түрі: жаңа сабақ

Сабақтың әдісі: түсіндіру, салыстыру, сұрақ-жауап, құрастыру

Көрнекілік: суреттер, дидактикалық материалдар, кеспе қағаздар

Сабақтың барысы

І Ұйымдастыру

Психологиялық жағдаят тудыру

Сыныпта біздің тыныштық, Кешіккенді тоспаймыз.

Естілмейді дыбыс түк. Күнделікті қызықты ,

Мұны біз де қоштаймыз, Кезекті сабақ бастаймыз.

ІІ. Үй тапсырмасын тексеру

№4 есепті балалардың дәптердерін жинап алып, тақтаға шығару арқылы үй тапсырмасын қорытындылап тексеріп өтемін.

ІІІ. Жаңа сабақ

Ой қозғау - логикалық тапсырмалар.

Жұмбақтар шешу

От басында құмған,

Екі көзін жұмған.

/Мысық/

Өзі ширақ, өзі қу,

Жүрген жері айқай - шу.

/Түлкі

/

Отырдым мұнан барып оймауылға,

Ілінді екі аяғым байлаулыға,

Қолыма екі қайыс ұстап аоып,

Жүргіздім қайда барсам айдауыма.

/Мінген ат/

Жұмбақтардың шешімдерін геометриялық фигуралардан жасалған суреттерді көрсетіп ілу.

Бұл суреттер қандай фигуралардан құрастырылыған?

Неліктен үшбұрыш, төртбұрыш, шаршы деп аталады? /әр фигураның қасиеттерін атату/

ІҮ. Жаңа сабақты бекіту

«Ұқсас пінішдерді тап»
Әр партада отырған екі оқушыға геометриялық фигуралары бар конверт пен геометриялық фигурадан құрастырылған суреттері бар суреттер тарату. Тапсырмаларды орындаған сайын суретке қарап қай сурет пішінге ұқсайтынын табуды сұрайды, пішінді және суретті қосуды ұсынады.

Оқушылар сабаққа қатысқан уақытта алдарына бағалау - фигураларды қойып отыру / «5» - шеңбер, «4» - шаршы, «3» - үшбұрыш/. Сабақтың соңында фигуралар арқылы қорытынды жасап, оқушылардың білімдерін бағалау.

Оқулықпен жұмыс

№1. Әр фигураның қабырғаларының ұзындықтарын өлше және жаз. Не байқадың?

Барлығы: 3 см + 3 см + 3 см = 9 см

1-қатар: 2см + 2 см + 2см + 2 см = 8 см

2-қатар: 3 см + 2см + 2 см = 7 см

3-қатар: 2 см + 3 см + 3см = 8 см

№ 3. 50 және 20 сандарын пайдаланып, қосу амалына есептер құрастыр және шығар. 50 - 20 =

Мысалы:

Еңбек сабағында балалар 50 үшбұрыш және 20 шаршы фигурасын қиды. Үшбұрыштың шаршыдан нешеуі артық?

Ү - 50, ? артық

Ш - 20

50 - 20 = 30

Жауабы: 30-ы артық.

Ү. Сабақты қорытындылау

Әр оқушыға ақ парақ қағаз тарату. Оқушылар берілген параққа геометриялық фираны сызады және атайды. Осы сызылған фигура қай затқа ұқсайды екенін әңгемеліп беру.

ҮІ. Үйге тапсырма беру

№ 4.

10 + 80 = 90 20 + 70 = 90

90 - 80 = 10 90 - 60 = 30

30 + 60 = 90 40 + 50 = 90

90 - 60 = 30 90 - 40 = 50

ҮІІ. Бағалау

Сабаққа қатысқан балалардың еңбектерін атап өту, бағалау.

Тексерілді: Калиниченко Л.С

Пәні: математика

Күні: 04.03.2016

Сыныбы: 1 «Ә» сынып

Мұғалімі: Қайролла М.М

Сабақтың тақырыбы: Фигуралардың қиылысуы Сабақтың мақсаты: Оқушыларға геометриялық фигуралармен қатар кесінді, түзу және қисық сызықтарды көрсете отырып, «қиылысатын» және «қиылыспайтын» фигуралар туралы түсінікпен таныстыру. Сабақта түрлі әдіс-тәсіл пайдалану барысында оқушыларды математика сабағына деген қызығушылығын арттыру, құпия сандарды табу арқылы оқушылардың логикалық ойлау қабілеттерін даыту. Шапшаң жұмыс істеуге бейімдеу. Математикалық тілде сөйлеу арқылы, оқушыларды математикалық сауаттылыққа тәрбиелеу.

Сабақтың түрі: жаңа сабақ

Сабақтың көрнекілігі: тақырыпқа сай суреттер Сабақтың әдіс-тәсілдері: түсіндіру, талдау, ойын әдісі

Сабақтың барысы:

І.Ұйымдастыру кезеңі:

-оқушылардың назарын сабаққа аудару

-оқу құралдарын даярлату

Психологиялық көңіл-күй:

Балалардың бәрі көздерін жұмып, мен айтқан сөйлемнің соңын хормен қайталау керексіздер:

- Сабақта біздің көздеріміз мұқият қарайды және барлығын ... (көреді)

- Құлақтарымыз мұқият тыңдайды және барлығын ...(естиді)

- Миымыз өте жақсы ....(ойлайды)

ІІ. Үй тапсырмасын тексеру

№ 4.

10 + 80 = 90 20 + 70 = 90

90 - 80 = 10 90 - 60 = 30

30 + 60 = 90 40 + 50 = 90

90 - 60 = 30 90 - 40 = 50

ІІІ. Өткенге шолу

Тірек білімдерін жетілдіру

Балаларға таныс геометриялық фигураларды қайталау.

Ауызша есептеуге «Не өзгереді?» ойынын өткізу.

Тақтада геометриялық фигуралармен қатар кесінді, сәуле, қисық сызық шашырап орналасқан. Фигуралардың түрлерін анықтау, әр түрінен неше фигуралар қойылғанын сұрау. Дұрыс айтқандарды мадақтау.

Ендеше балалар, бүгінгі сабағымыз фигуралардың қиылысуы жайлы болмақ.

ІҮ. Жаңа сабақ.

Тақтаның бір жағына әр түрлі фигуралар (олардың ішінде фигуралармен қиылысқан сызықтар да бар) бейнеленген. Екінші жағында басқа фигуралармен қиылыспаған жекефигуралар бейнеленген. Балалардан фигуралардың атауы сұралады. а) Балалар, мына фигура қалай аталады (ирек сызық, ал бұл қисық сызық екеуі не істейді)

-Бірікті, қосылады.

- Балалар, бұны фигуралардың «қиылысуы» деп атайды.

ә) Балалар мына фигуралар қалай аталады.

-Бұлар қиылысама?

-Бұны «қиылыспайтын» фигуралар деп атайды.

Дәптермен жұмыс:

№2 тапсырма. Екі кесіндіні қиылспайтын және қиылысатындай етіп сызу.

№3 тапсырмада балаларды топқа бөліп жұмыс істеу және «Қай топ жылдам» ойыны арқылы есептің шешуін табу. Әрбір топқа бір есептен беріледі. 1- топтан 1- адам тақтаға шығып есепті шығарады.

1-топқа: □- 8 =1

2- топқа: □ + 2 = 6

3-топқа: 2+□ = 8

Қай топ жылдам, әрі дұрыс шығарады, сол топты жақсы бағамен бағалау.

Сергіту сәті:

Жаза, жаза қолымыз

Талып кетті көзіміз

1,2,3 бойға жинап күш

5-тік баға аламыз

Үйге қуанып қайтамыз.

№5 тапсырма.

Есепті толықтырып,шешуі мен жауабын табу.

А) Болғаны - 6 ә)Болғаны - 6

Сатылғаны -2 Алынғаны - в

Қалғаны -? Қалды- ?

Шешуі: 6-2 =4 Шешуі: 6-в=6в

Жауабы: 4 Жауабы: 6в

№6 тарсырма (ауызша орындату). Берілген сызықтар бір - бірімен қиылысу мүмкін бе?

Ү. Білімдерін тексеру кезеңі.

Тақтамен жұмыс

1)Тақтадағы сәйкестендіру тестін орындау:

1+8 5

9-8 1

9-4 9

2)Тест жұмысы:1.Ұмытылған цифрды жаз.

0...2...4

2.Сандарды салыстыр.

4 * 1

2 * 0

3 * 2

1 * 1

2 * 4

3 * 3

3.Қосудың ауыстырымдылық қасиетін анықта.

2+1 2 1+3

3+1 3 0+2

2+0 4 1+2

4.Қосуға кері амал құру.

2+1= 1+3 = 2+0=

… … ….

ҮІ. Сабақты қорытындылау

-Оқушылардың сабақты меңгергенін анықтау үшін семантикалық картамен жұмыс істеу.

Семантикалық карта

Түзу

Қисық

Сәуле

Үшбұрыш

Шаршы

Дөңгелек

ҮІІ. Үй тапсырмасын беру.

№4 тапсырма.

ҮІІІ. Бағалау

Оқушылардың сабаққа қатысуына, есеп шығаруына қарай бағалау