- Преподавателю
- Начальные классы
- Мереке зор қуаныш -Білім күні, Сыңғырла қоңыраудың алғашқы үні
Мереке зор қуаныш -Білім күні, Сыңғырла қоңыраудың алғашқы үні
Раздел | Начальные классы |
Класс | - |
Тип | Рабочие программы |
Автор | Асанова К.З. |
Дата | 27.02.2014 |
Формат | doc |
Изображения | Нет |
1-қыркүйек -"Бiлiм күнi" құрметiне арналған салтанатты мерекенің сценарийi
1-жүргiзушi: Қайырлы күн, құрметтi ұстаздар мен ата-аналар!
2-жүргiзушi: Армысыңдар, мектеп оқушылары!
1-жүргiзушi: Білім әлеміндегі дәстүрлі мереке бастауы, баршамыздың асыға
күтер салтанатымыз -алғашқы қоңырау мерекесіне қош келдіңіздер..
2-жүргiзушi: Білім мұхитының "Мереке зор қуаныш-Білім күні,
Сыңғырла, қоңыраудың алғашқы үні!" атты алғашқы қоңырау мерекесі-баршамыздың асыға күтер мерекеміз.
Әскери жетекшi: Мектеп оқушылары, Түзеліп тік тұрыңдар! Егеменді Қазақ елінің туына сап түзеңдер!
Қазақстан Республикасының мемлекеттiк туы енгiзiлгеннен кейiн iс-шараға қатысушылардың барлығы Қазақстан Ренспубликасының мемлекеттiк Әнұранын орындайды.
Мектеп директоры: " Мереке зор қуаныш-Білім күні,
Сыңғырла,қоңыраудың алғашқы үні !" мерекесін ашық деп жариялаймын!
1Ж: Бар мектептің басталар бүгін жыры,
Бақ қоңырау шақырып ұғымдыны.
Жаңа оқу жылы басталды, ұстаз, шәкірт,
Құтты болсын бүгінгі Білім күні!
2 ж: Мектеп ана күліп тұр тағы,
Шақырады қыркүйектің нұр таңы,
Асығуда әліппені алуға,
Еліміздің тағы бір жас ұрпағы .
1-жүргiзушi: «Әрбір елдің келешегі- мектебіне байланысты»-деп ағартушы Мағжан Жұмабаев айтқандай, кемел ойлы еліміздің болашағы, Көк байрақты қазақ елiнің 2011-2012 оқу жылында мектеп табалдырығын аттағалы тұрған ----- бүлдiршiндерін ортаға шақырамыз
2ж: Нұрлы өмірге артқан үлкен сенімін,
Еңбегінің көріп жүрген өнімін.
Арамызда Алмагүлдей ұстаз бар,
Күтудеміз шәкірттермен келуін-
1 ж:1 «А» сыныбын қарсы алғалы тұрған --- еңбек өтілі бар жаңашыл ұстаздарымыздың бірі-Таупикова Алмагуль Казезбековна!
2ж: Көп жылын осында өткізген,
Ұстаздар-ізгі пәк жандар.
Қуана шәкірт қабылдап,
Білімнің көшін жалғаңдар.
Алғашқы әріп үйретер,
Ұстазды шәкіртімен қарсы алыңдар!
2Ж: Биылғы 1 «Б» сыныбын қарсы алатын 18 жыл еңбек өтілі бар мейірімді де, Қадірлі ұстаздарымыздың бірі-Шакерова Майгуль Жолдыбаевна!
2Ж: Ендеше, кәне халайық!
Жаңа оқу жылы кел,төрлет мектебіме!
Көңілді әнге салайық!
Шапалақ ұрсын асқар шың!
АЙГЕРІМ -5 «Б» сыныбы ән: «Мектебім»
2-жүргiзушi: Еліміз дағдарыс арқылы жаңару мен дамуға қадам басқан күндерек беттерінде ел сыйлаған ағалар мен апаларымыз жас өрендерді құттықтау мақсатында мерекемізге қатысуда.
1-жүргiзушi: Алғашқы қоңырау мерекесiмен құттықтауға ортаға қонақтарымыз:
1. -------------------------------
2 --------------------------- шақырамыз.
1-жүргiзушi: Балапандай бауыр басып ұяға
Қанат қағып ұшамыз біз қияға
Кіп-кішкентай сәбиіңмін мен сенің
Білім іздеп келіп қалдым ұяңа-сөз кезегі 1 сынып
оқушыларына беріледі
1-бүлдіршін: Сәт сапар, Жаңа оқу жыл,
Шуағын шашып тұр әлем.
Қуаныш бүгiн мереке
Жаңа дос, саған мың сәлем!
2-бүлдіршін: : Сап-сары ала келдi күз,
Ашылды алдан сырлы есiк.
Мектеп, мектеп, ендi бiз
Бiлiм аламыз, тынбаймыз.
3-бүлдіршін: Ақылы бар баламыз,
Айтқан тілді аламыз!
Намысты боп өссек біз,
Нағыз адам боламыз!
2 жүргізуші:
Өмір деген биіктің
Ең алғашқы өткелін,
Сезіндім тұңғыш өзіңнен
Мың алғыс, саған, алтын ұя мектебім!-кеше ғана өздеріңдей мектеп табалдырығын аттаған, биылғы мектеп бітіруші түлектердің өздеріңе арнаған ақ тілектерін қабыл алыңыздар!
1 оқушы: Білім үшін оқу іздеп келгендер,
Қанат қағып әр қияға өрлеңдер.
Білім алу-ең бірінші парызың,
Оқу үшін аянбай бір терлеңдер.
11 сынып оқушылары 1 сынып оқушыларына открытка немесе «5» баға табыс етеді.
2 оқушы: Көкірегіме жыр-қуаныш толады,
Біз жасайтын жаңалықтар мол әлі.
Құтты болсын мерекеңіз, жас достар,
Зор құрметпен « Білім»кілтін қабыл ал.
2- жүргiзушi: Мектебiмiздiң 11-сынып оқушыларының 1-сынып
Ұстаздарына "Білім" кілтін тапсыру рәсiмiне кезек бiр сәт берелiк.
ӘН: ---------------------------Ботагөз
1 жүргізуші: Сусындатқан нәрімен білімнің,
Үлгі тұтам ұстаздардың ілімін
Ұлағатты ұстаздар ғой қашан да,
Оқушының көтеретін білімін, -деп сөз кезегі мектеп директоры Бұхарбаева Қаршыға Қайсарияқызына беріледі.
2- жүргiзушi: Ұрпақтар сабақтастығы мен қоңырау үнi сыңғырының жалғасының белгiсiндей ардагер ұстаз Мустакиева Зағипа Исахановнаға қоңырау соғу құрметiн тапсырамыз.
Ардагер-ұстаз: Қоңырау, сыңғырла асыға,
Үн қосқан қиядан асуға,
Білім ал, еңбек ет, жас ұлан,
Өрле сен, биік шың басына.
(Ардагер ұстаз қоңырауды соғып, 11-сыныптың үлгілі оқушысы Рамазанов Берікке тапсырады, ол 1-сыныптан бір оқушыны көтерін алаңды айналып шығады)
1-жүргiзушi: Қағылды алғашқы қоңырау, күмбірледі.
Аралап айлық жерді, күндік жерді.
Ілесіп жез қоңырау үнімен
Қазақтың даласына жаңа леп- Білімді ұрпақтар тобы келді.
1-жүргiзушi: Мереке зор қуаныш-Білім күні,
Сыңғырла, қоңыраудың алғашқы үні!
Қош келдің, құтты болсын қадамдарың,
Балдырған, балғын жандар-өмір гүлі, -деп бүгінгі 2011-2012 оқужылының басталуына арналған алғашқы қоңырау мерекесін «Тәуелсіз Қазақстан: бейбітшіліктің, келісімнің және жасампаздықтың 20 жылы» тақырыбында мектебімізде өткізілетін
сынып сағаттарына шақырамыз!
2-жүргiзушi: 2011-2012 оқу жылы сәтті болсын!
Р.Мәрсеков атындағы қазақ орта мектебі
1-қыркүйек -"Бiлiм күнi" құрметiне арналған:
«Мереке зор қуаныш-Білім күні,
Сыңғырла, қоңыраудың алғашқы үні!»
т а қ ы р ы б ы н д а ғ ы
салтанатты мерекенің сценарийi
Бастауыш сынып мұғалімі Асанова К.З