Классный час Мой Казахстан

Менің Қазақстаным - менің болашағым

Мақсаты:Оқушыларды еліміздің рәміздерімен таныстыру, Отанды сүюге, рәміздерімізді құрметтеуге тәрбиелеу. Мерекелік көңіл-күй туғызу, оқуға, білімге деген қызығушылықтарын арттыру. Патриоттық тәрбие беру.

Көрнекілігі:Кең байтақ Отанымыз, рәміздеріміз бейнеленген банер, шарлар, нақыл сөздер жазылған плакаттар

Барысы: Ұйымдастыру.

Психологиялық ахуал

Күй тартамыз күмбірлі, Би билейміз ырғақты,

Ән айтамыз көңілді. Біз бастаймыз сабақты.

Мұғалімнің кіріспе сөзі

-Балалар, біздің ұлтымыз кім?

-Қазақ

-Біз қай тілде сөйлейміз?

-Қазақ тілінде

-Қай елде тұрамыз?

-Қазақстанда

-Қай қалада тұрамыз?

-Астанада

-Дұрыс айтасыздар, балалар. Сіздер ,қазақ елінің ең кішкентай, ең сүйкімді оқушыларысыздар.Бүгін сіздер үшін ең ерекше күн. Астананың №68 білім ордасында бастаған алғашқы қадамдарыңыз құтты болсын! Денсаулықтарыңыз зор болсын! Мектептегі достарыңыз «5» болсын!

Қыркүйек келіп, күз келіп, Қарсы алып достарды,

Мектепке бет түзедік. Сабақтар да басталды.

-Балалар,Отан дегеніміз не?

Отан- сенің ата-анаң, Отан осы достарым,

Отан- досың, бауырың. Көңілге мұны түйе біл.

Отан-өлкең, астанаң, Отан деп өс, жас қауым,

Отан-аудан, ауылың. Оны ардақтап, сүйе біл!

Отан-әрбір адамның туған жері,ата-анасы, жақындары, достары,мектебі, білім беретін ұстаздары және ата-бабаларының өскен жері. Тау-тасы, өзен-көлі, кең байтақ жері, табиғаты. Осының бәрі Отан деп аталады.Отансыз адам болмайды. Отанды шексіз сүйіп, ардақтай білу керек.

Енді, осы Отанымыздың мемлекеттік белгілері яғни рәміздері бар, олар туралы не білесіздер? Рәміздерді атайық.

Рәміздер туралы өлеңдер оқу, авторларымен таныстыру,мағынасын ашу

Әнұран

Әнұраным-жан ұраным, Бақыт-бірлік күн талабы,

Айтар әнім, сөйлер сөзім. Тоқтамайды дабыр әні.

Туған жерім сағынарым, Мәңгі бақи шырқалады

Жүрсем егер дүние кезіп. Республикам Әнұраны!

Әнұран авторлары:Ш.Қалдаяқов,Ж.Нәжімеденов, Н.Назарбаев.

Елтаңба

Елтаңбасы елімнің Қанатты қос арғымақ,

Неткен әйбат, әдемі! Екі жақтан көмкерген.

Тұнығындай көңілдің Билігім - өз қолымда,

Ортада-аспан әлемі, Еркіндігім Елтаңбам.

Елтаңба авторлары: Ж.Мәлібеков, Ш.Уәлиханов.

Қазақстан Туы

Көк аспандай көкпеңбек Ақ ниеті-алтын күн,

Қазақстан жалауы. Асқақ арман -қыраны.

Көк емес ол тектен-тек Жалауы бұл - халқымның,

Елдің ашық қабағы. Мәртебесі, Туы, Ары.

ҚР мемлекеттік туының авторы: Ш. Ниязбеков. Біздің еліміз: Туыменен тұғырлы. Елтаңбасымен еңселі. Әнұранымен айбатты. Ел рәміздерін әрқашан қадірлеп, құрметтеуіміз керек. Біз Қазақ елінің бас қаласы - Астанада тұрамыз. Астана әлемдегі ең жас, ең әдемі қала. Астананың оқушылары ең әдепті, ең білімді, өз ұлтын, елін, жерін сүйетін оқушылар болуы керек.

«Жалғастыр» ойыны

Сабақтан кешігуге... Үлкендерді(сыйлау керек)

Сыныпта айқайлауға... Тәртіпті (болу керек)

Үлкендердің жолын кесуге ... Ата-ананы (тыңдау керек)

Құстардың ұясын бұзуға.. Оқу құралдарын( күтіп ұстау керек)

Қорытынды

-Балалар, біз бүгін не туралы әңгімелестік?

Ертеңгі елдің тірегі Күндей аппақ жүрегі

Бүгінгі жас ұландар. Келеді өсіп қырандар.

Еліміздің ертеңгі нұрлы болашағы өздеріңіз. Әрқашан білімді,саналы болыңыздар!