Поделитесь с коллегами:
Сабақтың тақырыбы: Лл дыбысы және әрпі. Сабақтың мақсаты: 1. Лл дыбысы және әрпін таныту. Лл дыбысына қатысты сөздерді дұрыс оқуға жаттырады. 2.Лл дыбысына сөз ойлап,сөйлем құрап сөздік қорларын байытады.Лл дыбысының үнді дауыссыз дыбыс екенін танып біледі. 3.Оқушылардың бойына адамгершілік қасиеттерді дарытып,бірін-бірін құрметтеуге,ұжыммен жұмыс жасауға үйретеді. Сабақтың көрнекілігі: Кеспе әріп ,кеспе буын, суреттер. Оқыту әдісі: Білім беруді ізгілендіру Сабақ түрі: Жарыс сабақ Сабақтың мазмұны: І. Қызығушылықты ояту: А) Шаттық шеңбері ІІ .Үй тапсырманы тексеру: Рр дыбысы бойынша берілген білімді тексеру. ІІ . Өткен сабақта алған білімін еске түсіру: Сабағымызды бастамас бұрын өткенді қайталап алайық. "Бәйге" ойыны 1. Әріп дегеніміз не? (Әріпті жазамыз және көреміз) 2. Әріптің қандай түрлері бар? (баспа, жазба және бас әріп, кіші әріп) 3. Дыбыс дегеніміз не? (Дыбысты естиміз және айтамыз) 4. Дыбыстарды нешеге бөлеміз? (Екіге бөлеміз. Дауысты және дауыссыз дыбыстар) 5. Дауысты дыбыс нешеге бөлінеді? (Екіге. Жуан және жіңішке) 6. Дауыссыз дыбыс нешеге бөлінеді? (Үшке. Қатаң, ұяң, үнді) 7. Буын дегеніміз не? (Қанша дауысты дыбыс болса, сонша буын болады) 8. Сөз неден құралады? (Сөз әріптерден құралады) 9. Сөйлем неден құралады? (Сөйлем сөзден құралады) 10. Сөйлем нешеге бөлінеді? (Үшке. Хабарлы, лепті, сұраулы сөйлем) Рахмет сөзі де р дыбысынан басталады екен. Тағы да қандай сөздерді білесіңдер радио, ара, парта, анар, арпа, Рүстем, Роза, Рақымжан, нар. - Суретте не бейнеленген. - Бал арасы. Ара еңбек құралы. - Ара сөзі әртүрлі мағынада қолданылып, екі түрлі ұғым береді Ара бал жинайды. Ара еңбек құралы. г) Осы екі сөйлемдегі сөздің санын анықтау ІІІ. Жан-жақты білімдерін пысықтау:- Біз осы уақытқа дейін қандай әріптермен таныстық.Дауысты, дауыссыз дыбыстарды ажырату Қызыл үйшік Көк үйшік Аа Тт,Пп,Нн,Ғғ,Рр III.Мақсат қою: Тақырыбын, мақсатын хабарлау. - балалар, біз әліппе әлеміне күннен күнге терең бойлап келеміз. - Әліппе бізге не үйретті? - Әліппе сан қырлы әріптер мен дыбыстардың құпиясын ашады - Балалар, бүгін бізге қонаққа Әліппе келіпті, ол бізге жаңа әріпті өзімен ала келіпті. Бірақ ол бізге қандай әріп әкелгенін «айтпаймын» дейді, ол әріпті табу үшін біз мынадай бір тапсырманы орындауымыз керек. Жұмбақ Тастан тасқа секірген Ұзын салпақ құлақты Қойдан маза кетірген Кім біледі (лақты) - Мынау не? (Лақ) - Лақ қай малдың төлі және ол қалай дыбыстайды? -Лақ. Олай болса лақ туралы тақпақ жаттап көрейік: Бөрте лақ Шөре-шөре, лағым, Тентек болма, шырағым! Секектеме, деміңді ал, Селтеңдемей құлағың. Лақ Жар басында жүреді, Тау басына шығады. Шапқылайды үнемі. Ақ ешкінің лағы.
Алды-артына қарамай, Кезеді көл жағалай. Оның барлық мінезі. Ойынқұмар баладай. Л әрпін ауада жазайық. IV.Мағынаны тану: а) Сурет бойынша жұмыс: Лақтың суреті -Лақ деп барлығымыз айтып көрейік.Бірінші қай дыбыс естілді? -Л дыбысын айтып көрейік.Л-л-л - Балалар қараңдаршы Әліппе сендерге жаңа әріпті көрсетеді. Ол қандай әріп екен? - Бүгінгі күннің жадын жазу -Лл ауыз қуысынан қысылып кедергіге ұшырап ,тіліміз таңдайға тиіп айтылады.Ол дауыссыз,үнді дыбыс. -Лл баспа және жазба түрі.Ауада жазу.Лл сөз басында ортасында және аяғында да келеді. -Лл дыбысының буын немесе сөз соңында дыбысталу ерекшелігін таныту. - Балалар Л дыбысы кездесетін сөздерді айтыңдаршы. Гүл, тал, ал, балық, піл, алау, жалау, бала, лала гүлі, лас, лама. Арық - өзен арнасынан не бөгеннен егінге су жіберуге, егісті суғаруға арналған жасанды арна. Сиыр суреті: -Бұл қандай сиыр?-Ала сиыр Күшік: -Бұл қандай күшік? -Ала күшік. Оқулықпен жұмыс. Сөздер мен буындарды оқу. ә) Дәптермен жұмыс: Л л ла ал ала ЛлЛ б) Топ сайыс: 1.сөзге сөйлем құрастыр: 1 топ: Бөрте лақ арықтан су ішті. (Сөйлемді сөзге талдау) 2 топ: Ала сиыр өріске жайылды. 3 топ: Алтынбек ала күшік асырады.
А) Семантикалық карта:
на
та
ға
ра
а
+
+
+
+
та
+
+
+
па
+
ра
2.Сөздерге ауызша бес жол өлең құрастырайық: 1 топ: 1 Лақ 2 топ: 1.Сиыр 2.Ала,тентек. 2.Ала,сүтті. 3.Жүгіреді,секіреді,ойнақтайды. 3.Мөңірейді,сүзеді,әдемі. 4.Лақ-ешкінің кішкентай төлі. 4.Сиыр-пайдалы үй жануары. 5.Төл 5.Мал
3 топ: 1 Күшік 2.Ала ,кішкентай 3.Үреді,жүгіреді,ойнайды. 4.Күшік-үй күзететін хайуан. 5.хайуан.
Ү.Ой толғаныс:-Лл дыбысы қандай дыбыс? -Лл дыбысы сөздің қай жерінде жазылады? -Лл әрпіне берілген сөздерді оқыту. Ала сөзін қатыстырып сөйлем ойла. VI .Бекіту кезеңі: Өлең жаттап алайық: «Сары ала торпақ.» Сары ала торпақ, Бүйірі томпақ. Басады байқап, Басын ол шайқап.
Кеспе әріптерден ала, ал, тал, ара сөздерін құрастырту. - Балалар бүгін қай әріппен таныстық? - Л дыбысы қандай дыбыс? - Л дыбысы кездесетін сөздерді айтайық ҮІI. Үйге тапсырма: Бағанда берілген сөздерді оқу,жазу. Бағалау:
Жамбыл орта мектебі
Сабақтың тақырыбы: Л л дыбысы мен әрпі
Күні: 26.09.2014ж
Сынып: 1Б
Сынып жетекшісі: Бекешова Г
Атырау 2014/15 оқу жылы
