- Преподавателю
- Начальные классы
- «Қазақстан жолы - 2050: Бір халық, бір ел, бір тағдыр» атты тәрбие сағаты/3-сынып
«Қазақстан жолы - 2050: Бір халық, бір ел, бір тағдыр» атты тәрбие сағаты/3-сынып
Раздел | Начальные классы |
Класс | - |
Тип | Другие методич. материалы |
Автор | Жаксылык А.Ж. |
Дата | 09.12.2014 |
Формат | docx |
Изображения | Нет |
Тәрбие сағатының тақырыбы: «Қазақстан жолы - 2050:
Бір халық,бір ел,бір тағдыр»
Тәрбие сағатының мақсаты: Оқушыларды Отанын сүюге, бірлікке, ел тарихын білуге, еліміздің мемлекеттік рәміздерін қастерлеуге, Отанымыздың байлығын қорғауға, елімізді өркендетуге, білімді ұрпақ болуға тәрбиелеу.
Тәрбие сағатының көрнекілігі: Қазақ елі суреттері, Қазақстан Республикасының рәміздері: Туы, Елтаңбасы, Әнұраны, Н.Ә Назарбаевтың суреті, нақыл сөздер, Қазақстан туралы әндер,слайд.
Тәрбие сағатының барысы: -Сәлеметсіңдер ме,балалар. Мен сендерді бүгінгі Білім күні мерекесімен құттықтаймын! Жаңа оқу жылында білімдерің одан әрі шыңдалып,биік белестерден көрінулеріңе тілектеспін.
-
Білім күніне арналған тәрбие сағатымыздың тақырыбы не туралы деп ойлайсыңдар?
-
Қазақстан туралы не білеміз?
1-оқушы: Мен Қазақстанда тұрамын. Мен Қазақстанда білім алып
жатырмын.Мен еліммен мақтанамын.Елімнің гүлдене бергенін
қалаймын.
Ой қозғау:
- ҚР-ның халқы қай тілде сөйлеу керек?
- ҚР -ның халқы қазақ тілінде сөйлеу керек.
- Біздің тұңғыш президентіміз кім?
- Нұрсұлтан Әбішұлы Назарбаев.
Мұғалім сөзі. - Міне,балалар, біздер елімізбен мақтанамыз. Бұл еркіндік оңайлықпен келген жоқ. Қазақ елі еркіндікке жету үшін қаншама қиын-қыстау кезеңдерді бастан кешірді. Мыңдаған жылдық тарихы бар. Қазақстан тәуелсіздік алды.
2-оқушы:
Алтын бесік, туған жер, далам менің,
Қанат қаққан ұяңнан балаң едім.
Сырлы сазын жүректің төгейін деп,
Сағынышты сан жылғы ала келдім.
3-оқушы: Еліміздің рухын көтеретін, ұлы мақсаттарға жеткізетін «Мәңгілік ел» ұлттық идеясы Елбасының «Қазақстан жолы - 2050: бір мақсат, бір мүдде, бір болашақ» атты жолдауында жарияланды.
4-оқушы:
Елбасы сессияда сөйлеген өз сөзінде:
«Бір халық» - бұл барлығымыз үшін ортақ ұлттық мүдделер.
«Бір ел» - бұл барлығымыз үшін ортақ Отан.
«Бір тағдыр» - бұл біз бірге жүріп өткен қиындықтар мен жеңістер!
-Міне, қазақстандық қоғамдық келісімді шайқалтпай ұстап тұратын табаны таудай үш таған. Қоғамдық келісімсіз мемлекет бір адым да ілгері жылжи алмайды,- деді.
5-оқушы: Елбасы мынаны баса айтты: «Қазақстандағы қоғамдық келісім, ең алдымен, қазақтың келісімі екендігін мықтап есте сақтаған абзал. Қазақтың ынтымағы мен бірлігі мықты болмайынша, мемлекеттің тұтастық келбетін сақтау мүмкін емес». Ендеше, Ассамблея - барша қазақстандықтың мүддесі! - деген болатын.
6-оқушы: Біз: «Мен - қазақстандықпын, өз елімде мен үшін барлық есік ашық!» - деп айта алатын әділетті қоғам құрып жатырмыз.Бүгінде біздің азаматтар үшін барлық есік, барлық мүмкіндік, барлық жол ашық.Біз көппіз және бәріміз - бір Елміз, бір халықпыз. Өз еліне пайдасын тигізу, өз Отанының тағдырына жауапты болу - әрбір жауапты саясаткер үшін, әрбір қазақстандық үшін парыз және абырой,- деп атап өтті Н.Ә.Назарбаев.
7-оқушы: Біз осы құндылықтарды қазақстандықтардың әрбір болашақ буынына аялай ұсынуымыз керек.Бейбіт күндегі белестерді бағындырып, алдағы сындардан сүрінбей өтеріміз, ең алдымен, өзімізге, бірлігіміз бен берекемізге байланысты.
8-оқушы:
Біз бәріміз бір атаның - қазақ халқының ұлымыз.
Бәріміздің де туған жеріміз біреу - ол қасиетті қазақ даласы.
Бұл дүниеде біздің бір ғана Отанымыз бар, ол - тәуелсіз Қазақстан.
Біз болашаққа көз тігіп, тәуелсіз елімізді «Мәңгілік Ел» етуді мұрат қылдық.
9-оқушы: Астана - жаңа қарқынды дамып келе жатқан Қазақстанның бейнесі, жаңарудың символы, республикамыздың тәуелсіздігінің символы. Астана -қазіргі заманғы маңызды мемлекеттік, экономикалық, инвестициялық және саяси жоба.
Мұғалім сөзі: - Білім сабағының бір бөлігін елорданың қалыптасу тарихына арнауды ұсынамын.
10-оқушы: 2017 жыл - Астанада «ЭКСПО-2017» халықаралық көрме өткізу жылы. Көрме «Болашақ энергиясы» ұранымен өтеді. Энергияның балама көздері - бұл әлем қоғамдастығын толғандыратын ең өзекті тақырып.
11-оқушы: 2017 жылғы 10 маусым мен 10 қыркүйек аралығында «ЭКСПО-2017» 100 қатысушы мемлекет пен 10 халықаралық ұйымды қабылдайды. Олар жаңартылған энергия көздерін қолдану саласындағы жетістіктерін, олардың экологиялық тазалығы,қолданыстағы төмен бағасы және қоршаған ортаға зиянсыздығы сияқты артықшылықтарын көрсетеді.
12-оқушы: Бұрын мұндай масштабтағы халықаралық көрме Орталық Азия және ТМД елдерінде ешқашан болып көрмеген. «ЭКСПО-2017» өткізілуі - халықаралық көрме және ақпараттық-тұсау кесер алаң ретінде Қазақстанның дамуындағы үлкен қадам.
Ән: Елім менің.( тыңдалады)
Өлеңдер оқылады. (тіл, тәуелсіздік, отан туралы)
13-оқушы:
Бақытты боп жүргенім
Сенің арқаң, Ұлы Отан.
Елім менің - тірегім,
Құшағында гүл атам.
14-оқушы:
Шығысыңнан арайлы,
Күліп атқан құба таң.
Сенен бақыт тарайды
Баршамызға Ұлы Отан.
Сарқылмайтын қуатым,
Тірегімсің сен, Отан.
Мәңгі соғып тұратын
Жүрегімсің сен, Отан!
15-оқушы:
Көк аспандай көкпеңбек,
Қазақстан жалауы.
Көк емес ол тектен - тек,
Елдің ашық қабағы.
Туыспыз біз бәріміз,
Бір Отанды сүйеміз.
Бақытты елде тұрған соң,
Бақытты өмір сүреміз.
16-оқушы:
Қуат алған өзіңнен,
Туған елдің қызымын.
Бақытты етіп өсірген,
Отанымның гүлімін.
17-оқушы:
Азаттық жері, Қазақтың елі,
Шаттыққа толы бүгінгі төрі.
Достықты берік, еткен бір серік,
Бейбіт күн тұрсын сәулесін төгіп.
Қорытынды:
«Мен президент болсам халыққа Жолдауым…» Оқушыларға өз ойларын айтқызу.
Ән: Көк тудың желбірегені. (тыңдалады)
18-оқушы:
Мен 21-ғасыр Қазақстанның «алтын ғасыры» боларына сенемін.
Бұл бейбітшіліктің, тұрақтылық пен гүлденудің ғасыры болады.
19-оқушы:
Қазақстан халқы ұлы тарихтың иесі атануға лайық.
Біз көздеген мақсатымызға міндетті түрде жетеміз.
Аңсарлы азаттығымыз бен тәуелсіздігіміз баянды болсын!
Мұғалім сөзі: Мәңгілік Ел болу жолындағы ұлы істеріміз жаңа дәуірлерге жол ашсын! -деген елбасымыздың қорытынды сөзімен сабағымды аяқтаймын. Тыңдап сабаққа қатысқандарың үшін рахмет!