Мектепалды даярлық тобы, «Қайдан келдің, бауырсақ?»

Атырау қаласы, Дамбы селосы

Амангелді атындағы орта мектеп

Мектепалды даярлық тобы

Измуханова Гулнара Гизатоллаевна Тақырыбы: «Қайдан келдің, бауырсақ?»
Оқу іс-әрекетінің тақырыбы: «Қайдан келдің, бауырсақ?» Оқу іс-әрекетінің мақсаты: балалардың сөздік қорын молайту, тілін шығармашылық қабілеттерін дамыта отырып сабаққа деген қызығушылығын арттыру. Дамытушылығы: балаларға нан туралы білім беру: Өлеңнің мазмұнын диалог түрінде айта білуге жаттықтыру. Автор туралы мағлұмат беріп, ой-өрісін кеңейту. Тәрбиешілігі: үлкендердің еңбегін ардақтап, бағалай білуге тәрбиелеу. Оқу іс-әрекетінің көрнекіліктері: күзгі жапырақтар, күзгі ағаш бейнесі, әліппе- дәптер. Жаңа сөздер: наубай-нан пісіретін орын, диірмен - ұн тартатын жер, дала-егіс өсіретін алқап, диқан-егін өсіретін адамдар, қырман-астық жинайтын орын. Оқу іс-әрекетінің түрі: сұрақ-жауап, оқу, өлеңді диалог түрінде айту, жаңа сөздер мағынасын түсіндіру. Сергіту, мадақтау, дидиктикалық ойын, қортындылау. Оқу іс-әрекетінің барысы: Ұйымдастыру кезеңі: Кел балалар , ортаға! Үлкен шеңбер құрайық -Сәлеметсіздерме, балалар? Міне, бүгін бізде ерекше күн, бүгінгі ашық іс-әрекетімізге қонақтар келіп отыр, ендеше қонақтармен амандасайық. Қуан, шаттан алақай Қуанатын кез келді Күліп шықты күн бүгін! Қайырлы таң,, Қайырлы күн Сәлеметсіздер ме, қонақтар! -Жарайсыңдар, балалар! -Ойын ойнағыларын келе ме? Д/о: «Сиқырлы жапырақтар». -Балалар, мына ортадағы ағашқа қараңдаршы, мынадай ағаш бейнесі жылдың қай мезгілінде болады? -Міне, айналаға қараңдаршы қандай әдемі жапырақтар жерге түсіп жатыр. Бұл ағаштың жапырақтары жай жапырақ емес, сиқырлы жапырақ. Жапырақтың астында сұрақтар берілген, егер сұрақтарға дұрыс жауап берсеңдер, ағаш сендерге жапырағын сыйлайды. -Қане, кім жапырақ алғысы келеді? -Қазір жылдың қай мезгілі? -Күз мезгілінің нешінші айы? -Бір жылда неше мезгіл бар? -Күз мезгілінің ерекшелігін ата -Күз мезгілі туралы тақпақтар кім біледі? Берекелі, мерекелі Келді жомарт алтын күз Қалада да далада да Жанның бәрі жарқын күз. Жемісі мол теретін

Күз дос екен бізбенен

Бәрін тауып беретін

Жомарт екен күз деген.

Берекесін сыйлауға

Өлкемізге күз келді

Жемістерін жинауға

Шақырады біздерді.

Қамба толды астыққа

Алғыс, саған, алтын күз!

Бір уыс дән шаштық та

Қап-қап қауын алдық біз.

Жұмбақ:

Ағаш толған сары шымшық,

Сілкіп көрсең түседі ұшып. (жапырақ)

-Жарайсыңдар, балалар сиқырлы жапырақтың сұрағына толық жауап бердіңдер.

Олай болса балалар мен сендерге жұмбақ жасырамын, шешуін кім табады?

Ұзын мұртты сарылар,

Қойынында дәні бар. (бидай)

Ал, енді біз не көріп отырмыз? Ұн, макарон, нан түрлері (батон, тәтті бөлке) МІне балалар ұннан түрлі тағамдардың жасалғанын көріп отырмыз. Ендеще осы нанның дастарханға келгенге дейінгі жолдарын айтып берейін. Диқандар көктемде жерге бидай тұқымын себеді. Оны жаз бойы суарып, күтіп баптайды. Күз болған соң жайқалып піскен бидайды комбайнмен жинайды. Одан соң диірменші ұн етіп тартып, қапқа қаптайды. ҚАпталған ұнды наубайханаға жібереді. Наубайшылар ұннан түрлі тағамдар нан, бауырсақ, бәліш пісіреді. Дайын болған тағамдарды дүкенге жібереді. Мұның бәрі адамдардың еңбегі. Нан-адамның тіршілік қорегі, дастарханға үлкен еңбекпен келеді. Сондықтан дастарханға зор еңбекпен келген нан тағамдарын қастерлеуіміз керек.

Сергіту сәті: Жайқалады ақ бидай,

Басын иіп аққудай.

Трактор мен комбайн,

Жүргізуге мен дайын.

-Балалар сендер, ертегі, әңгіме, өлең, тақпақ тыңдағанды жақсы көресіңдер ме?

-Өлең, әңгіме, ертегілерді кім жазады?

-Ақын жазушылар.

-Олай болса, біз бүгін ақын жазушыларымыздың бірі Ө. Тұрманжановтың өлеңімен танысамыз. Балаларға арнап жазған көптеген тақпақтары мен өлеңдері бар. Бүгінгі сабағымызда сендер «Қайдан келдің, бауырсақ?» өлеңімен танысасыңдар. Мен өлеңді оқимын, сендер мұқият тыңдап отырыңдар. Сендер сұраққа жауап бересіңдер.

Дастарханда шашылып,

Жатты аппақ бауырсақ.

Бауырсаққа қызығып,

Қарап тұрды көзін сап:

-Қайдан келдің, бауырсақ?-деп сұрады қуыршақ.

-Дүкеннен келдім нан сатқан,- деді оған бауырсақ

-Дүкенге келдің қай жақтан?

Наубайдан келдім нан жапқан.

Наубайға келдің қай жақтан?

-Диірменнен келдім ұн тартқан.

-Диірменге келдің қай жақтан?

-Даладан келдім кең жатқан.

Жер-анам менің көсілген,

Диқандар мені өсірген.

-Балалар өлеңде не туралы айтылды?

-Бауырсақ қайда жатты?

-Қуыршақ не деп сұрады?

-Бауырсақ наубайға қайдан келді?

-Диірменге ше?

-Диқан бидайды қалай өсірді?

-Нан дастарханға қалай келеді екен?

-Бауырсақ дастарханға келу үшін кімдер еңбек етеді екен?

Біз өлең арқылы бауырсақтың дастарханға қалай келгенін білдік. Өлеңді диалогты түрде сахналау.

Ұннан жасалатын тағамдар

тоқаш нан

бауырсақ

Бөлке торт

Үйде аналарымыз ұннан қандай тағамдар дайындайды?

Балалар, біз бүгін жазушы Ө. Тұрманжановтың «Қайдан келдің, бауырсақ?» өлеңімен таныстық. Нан дастарханға оңайлықпен келмейтінін білдік. Көптеген адамның еңбегі арқылы келетінін түсіндік. «Нан-қасиетті тағам», «Нан болса, әнде болады». Дастарханымызда нан тағамдары көп болсын. Диқаншылар еңбегін құрметтейік балалар.

Нан қиқымын шашпаңдар

Жерде жатса баспаңдар

Теріп алып қастерлеп

Торғайларға тастаңдар.

Бағалау. Балалар рахмет. Сабақ аяқталды