Ашық сабақ. Тақырыбы: В дыбысы мен әрпі

Сауат ашу 1 сынып
Сабақтың тақырыбы: В дыбысы мен әрпі.
Сабақтың мақсаты:
1) Білімділік: В дыбысының айтылу ерекшелігін байқату, в дыбысы бар сөздердің орыс тілінен енгендігін аңғарту, в әріпі бар сөздердің мағынасын түсіндіріп, оларды дұрыс жазуға үйрету, в дыбысы туралы алған білімдерін кеңейту.
2) Дамытушылығы: Балалардың ойлау, есте сақтау, қиялдау қабілеттерін дамыту, сөздік қорын арттыру. Балаларды в әріпі бар сөздерді дұрыс айтуға және қатесіз жазуға машықтандыру
3) Тәрбиелік: Оқушыларды тапқырлыққа, өзара сыйластыққа, саналылыққа баулу, ұйымшылдық пен еңбек сүйгіштікке тәрбиелеу.
Көрнекілігі: Сюжетті суреттер, оқулық, аквариум суреті, үлестірмелі қағаздар.
Әдісі: Сұрақ - жауап, түсіндіру, әңгіме, ойын, жұптық жұмыс

Түрі: Саяхат сабақ
Пәнаралық байланыс: Дене шынықтыру, дүниетану, орыс тілі

Сабақтың барысы:

I. Ұйымдастыру кезеңі.

1.Оқушылардың назарын сабаққа аудару.

2.Сәлемдесу.

Үлкенге де сіз,

Кішіге де сіз,

Сәлем бердік сіздерге

Құрметпенен біз.

3. Психологиялық дайындық.

Бір, екі, үш,

Сынып іші тып-тыныш.

Жалқаулықты тастаймыз,

Сабақты біз бастаймыз.

-Жарайсыңдар, балалар, олай болса сабағымызды бастайық.

Жаңа сабақ. «Құпия жұмыртқаны» ( киндер сюрприз) ашу. Ішінен 1,3 сандарын және кішкене қағаз шығады. Қағазға жұмбақ жазылған. Қосылса 1,3 арасы, қандай әріп қарашы? Шешуі: В дыбысы.

- 2) Үй тапсырмасын тексеру
- Балалар, біз «Ғажайып В дыбысы» әлемінде саяхаттап барамыз. Саяхатымызды велосипедпен бастаймыз.

Ал, балалар жүрелік
Асықпай ғана мінелік
Ғажайып В - ның сырларын,
Бүгінде оқып білелік.
Ал, ендеше, балалар,
Жылдамырақ жүрелік.
Бүгінгі саяхатымыздың алғашқы аялдамасы «Білгенге маржан» деп аталады.
Мұнда үйге берілген тапсырмамен танысу, білімдерін кеңейту.
II. Өткенді пысықтау. -Балалар, дыбыстар нешеге бөлінеді? Дыбыстарды қайтеміз? - Естиміз айтамыз. - Әріптерді қайтеміз? - Көреміз, жазамыз?

-Біз қандай әріптерді білеміз?

«Сиқырлы» сандығымыздан алып көрейік. ( сандықшаның ішінен

әріптерді кезекпен алып шығамын ). Балалар айтып тұрады: А әрпі,

дауысты, қызыл түспен белгіленеді, сондықтан қызыл үйде тұрады.

( Тақтада ілінген қызыл, көк түсті үйлердің қызылына кіргіземін ).

П әрпі, дауыссыз,көк түспен белгіленеді, көк үйде тұрады.

Дыбыс. Фонетикалық жаттығу.

Балалар машинаның дыбысын қалай салады? (в-в-в-в)

-В қандай дыбыс?

-Дауыссыз дыбыс.

-В әрпі сөздің қай жерлерінде кездеседі?

-Басында және ортасында. Адамның тегінде ғана в әрпін сөздің соңында кездестіруге болады.

-В әрпіне байланысты сөздер айтқызу.

Балалар ғажайыптар еліндегі тапсырманы жақсы орындадық, енді ары қарай жүріп, в дыбысы әлемінің ғажаптарының сырын ұғуға асығайық.

Ал, балалар жүрелік
Вагонға тез - тез мінелік
Айналып өтіп бұл жерден
Келесі елге жетелік.

- Балалар, біздің алдымыздан кездескен ел « Сиқырлы әріптер» елі деп аталады екен.
- Кәне, бұл жерде бізге қандай тапсырма беріліпті. «Шашылған әріп» ойынын ойнату.
Афлив (вафли), огавн (вагон), мартвйа (трамвай), ковлаз (вокзал), кавриума (аквариум).

- Ал кәне, саяхатты жалғастырайық, жолға шығуға дайындалыңдар?
Кәне, вагондарға жайғасайық.

Ал, балалар жүрелік
Асықпай ғана мінелік
Ғажайып В - ның сырларын,
Бүгінде оқып білелік.
Ал, ендеше, балалар,
Жылдамырақ жүрелік
- Ал, балалар, сиқырлы вагонға жайғастық.
Саяхаттаған адамның алдынан небір қызық, жұмбағы көп әлемдер қақ ия. Ендеше бізді де жолымызда «Ғажайып жұмбақтар әлемі» күтіп тұр екен. Бұл жерде бізге бірнеше жұмбақтарды шешуге тура келеді, кәне, дайынбыз ба? Шешуін тапсақ қана бұл елге кіре алады екенбіз.

Жұмбақтар жасыру.

1. Қосылса 1,3 арасы,

Қандай әріп қарашы? ( В )

2. Екі аяқты бір басты

Жүгіреді тым қатты. ( Ве-ло-си-пед)

3. Бір-бірімен қорап үйлер тіркесіп,

Қос сүрлеумен әрі бері жүр көшіп. ( Ва-гон )

4. Арқасында ауыл жүр,

Ала тайым шауып жүр. ( Ав-то-бус ).

Жұмбақтардың шешуіне оқушылар дыбыстық, буындық талдаулар жасайды.

2. ЕСІҢЕ САҚТА! «В» дыбысы орыс тілінен енген сөздерде ғана қолданылады. «В» дыбысы бар сөздерді тыңдайық: велосипед, вокзал, трамвай, автобус, конверт. 3. Вагон, велосипед, ваза, вокзал, аквариум - сөздерін оқып , сөйлем құрайық. Әр сөздерді буынға бөлейік. Неше буын болса сонша дауысты дыбыс бар. ВА-ГОН, ВОК-ЗАЛ, ВЕ-ЛО-СИ-ПЕД, ВА-ЗА. В әрпін ауада, тақтада жазу. В баспа түрі В жазба түрі Тақтаға В әрпін жазғызу.

Жасырын сөзді, амалдарды есептеп шығару арқылы , жаңа тақырыпты шығару.

А

9-4

5

Л

2+7

9

О

3+4

7

З

10-6

4

В

6+4

10

К

6-6

0

10

7

0

4

5

9

В

О

К

З

А

Л

- Өте жақсы балалар, ендеше оқулығымызды ашалық. В әлеміндегі кезекті тапсырмамыз «Вокзал» мәтінін оқу

Жұмбақ
Үй ішінде - бөлме,
Бөлме іші - көлде.
Түрлі ұсақ - балық,
Жүзді сайран салып.
- Шешуі не екен? - Аквариум
- Аквариум дегеніміз не, білеміз бе? Көргенбіз бе?
Аквариум суретін көрсету.
Аквариум сөзі де орыс тілінен енген екен. Бұл сөздің қазақшасы қандай мағына береді деп ойлайсыңдар? ( оқушыларды сөйлету)
- Дұрыс. Аквариум - қолда балық өсіруге арналған су құйылған шыны ыдыс. Ол дөңгелек, төртбұрышты, сопақша түрінде болады.
- Өте жақсы балалар, ал енді осы жұмбақтың шешуін қатыстырып сөйлем құрап көрейікші.
1. Мен аквариумнан түрлі балықтарды көрдім.
2. Арман аквариумдегі балықтарға жем берді.
Аквариум сөзін буынға бөлдіре отырып, в дыбысының орнын анықтату.
- Өте жақсы балалар, аквариумнен басқа тағы қай жерлерде балықтар болады?
- Өзен, көл, су тоғандарында.
Қорытынды: 5 жол өлең.

1. Танысқан әріп. Вв дыбысы.
2. Қандай дыбыс. Дауыссыз, ұяң.
3. Не істейміз? Оқимыз, жазамыз, естиміз.
4. Жаңа дыбыс кездесетін сөздер: велосипед, ванна, ваза, вокзал.
5. В дыбысы кездесетін сөйлем құрастыр.

Саяхатымыздан үйге қайту үшін « Тіл өнері » деп аталатын сынақты тапсыруымыз керек.

Бұл бөлімде қазақша айтылған сөзді екі тілде аударма жасау керек.

1. су - вода

2. қасқыр - волк

3. шаш - волосы

4. сіз - вы

5. сегіз - восемь

6. жүзім - виноград

7. тікұшақ - вертолет

8. жел -ветер

Сабаққа қатысқан оқушыларды мадақтау.