Ашық сабақ. Қазақ тілі. Жаттығу жұмысы

Тақырыбы: Жаттығу жұмысы

Мақсаты: Етістік туралы алған білімдерін пысықтау;Шығармашылық қабілеттерін дамыту,

тілдік қорын кеңейту. Оқушыларды ұжымшылдыққа тәрбиелеу.

Түрі: Қайталау

Көрнекіліктер: слайд, суреттер, кеспе таңбалар, бағалау жұлдызшалары.

Пәнаралық байланыс: Ана тілі

Сабақтың барысы: I. Ұйымдастыру

1. Қызығушылығын ояту

Ерте, ерте, ертеде Апта деген ақсақал өмір сүріпті. Оның 7 ұлы бар болыпты. Олардың аттары: Дүйсенбі, Сейсенбі, Сәрсенбі, Бейсенбі, Жұма, Сенбі, Жексенбі екен. 7 ұлының мінездері әртүрлі болыпты. Ал Апта ақсақал болса жетеуін де бірдей жақсы көріпті. Ұлдары да әкелерін қатты құрметтейді екен. Бірде қартайған ақсақал ұлдарын шақырып алып:

- Ұлдарым, енді сендер есейдіңдер. Сендердің келешектеріңе үлкен сенім артып, зор міндет жүктегелі отырмын, - дейді де, қолдарына бір-бір парақша береді. Парақшада берілген тапсырмаларды орындай алсаңдар, менің өздеріңе аманаттаған өсиет хатымды оқи аласыңдар - деп тапсырады. Көп ұзамай әкелері дүние салады.

Сол Апта атайдың балалары бүгін бізден көмек сұрай келіпті, көмектесе аламыз ба, балалар?

II . Өткенді пысықтау

1. Дүйсенбінің білімді ұл тапсырмасы:

- Сұрақ - жауап арқылы етістік, оның түрлері туралы айту

Әрбір геометриялық фигураларға сай әріптерді орналастыру «Күш - білімде» мақалы шығады.

- Ендеше, балалар, біздің негізгі мақсатымыз - білімді болу. Білімді болсақ бар қиындықты жеңе аламыз. Сонымен Дүйсенбіге көмегіміз тиді.

2. Сейсенбінің іскер ұл тапсырмасы:

- 5 жол өлең құрастыру стратегиясы:

1. Заттың аты ........................... 1. Биылғы жыл атауы?

2. Саны .............................. 2. Неше мешін?

3. Сыны ....................... .. 3. Түсі қандай?

4. Қимылы ........................ 4. Мешін қайтті?

5. Сөйлем .......................... Екі қоңыр мешін секірді.

III. Жаңа сабақ

Күннің жады, тақырыбын жазу

Көркем жазу минуты: Бірлік. Достық. Татулық.

3. Сәрсенбінің ізденімпаз ұл тапсырмасы:

- оқулықпен жұмыс

78- жаттығу

1-топ: Берілген сөзге тиісті жұрнақ жалғап, туынды етістікке айналдыру;

2-топ: Берілген етістікті сөз құрамына талдау;

3-топ: Берілген туынды етістікті қатыстырып, сөйлем құрау.

4. Бейсенбінің сергек ұл тапсырмасы:

- сергіту сәті психологиялық тренинг

5. Жұманың жомарт ұл тапсырмасы:

- ұйқасын табу

М. Әлімбаев «Не жомарт? Кім жомарт?»

Керекті сөздер: шашыраған, асыраған, тәлім берген, жанын берген.

6. Сенбінің тапсырмасы:

- суреттерді пайдаланып етік, сәбіз, үтік , ребус құрау «Етістік»

7. Жексенбінің тапсырмасы:

-сабақты бекіту кесте арқылы

Сонымен, оқушылар, Апта атайдың ұлдарына көмектестік. Барлық тапсырмаларын орындадық. Енді парақшаларды рет-ретімен орналастырсақ, атайдың өсиет хатын оқуға болады.

Қане, оқиық: «»Елге пайдаларың тисін. Күн көзіндей шуақты да мейірімді болыңдар!»

Бұл, сіздерге де айтылған өсиет деп қабылдаңдар.

IV. Бағалау

V. Үйге тапсырма:

ережелер қайталау