Ашық сабақ «І і дыбысы және әрпі» 1 класс

Сабақтың тақырыбы: «І і дыбысы және әрпі».

Мақсаты: Оқушыларға І і дыбысы мен әрпін таныстыру, түсіндіру, сөздерге

дыбыстық талдау жасату, сөздерді буынға бөлуге үйрету,

дәптерлеріне і әрпін жаздыртып үйрету.

Міндеттері:

Білімділік: І і дыбысына дыбыстық талдау жасату; сөздерді оқыту; сөздерді

буынға бөлу; і дыбысын жаздыртып үйрету.

Дамтушылық: Ой-өрісін, тіл байлықтарын, сөздік қорларын дамыту.

Тәрбиелік: Ұқыптылыққа, сыпайылыққа, бір-бірін тыңдай білуге үйрету.

Көрнекіліктер: кеспе дәптер, текшелер, үлгі суреттер, слайд суреттер.

Әдіс-тәсілдер: сұрақ-жауап, әңгімелеу, түсіндіру.

Оқу іс-әрекетінің барысы:

1.Ұйымдастыру кезеңі.

Шаттық шеңбері. «Біз бақытты баламыз».

Біз тілейміз бар бөбек,

Бақытты өмір сүргенін.

Туған елге күлімдеп,

Қуанғанын, күлгенін.

Сусынымыз қанады,

Білім, өнер нәрімен.

Әлемдегі баланың,

Дос боламыз бәрімен.

-Балалар, бәріміз тақтадағы суреттерге назар аударайық. Бұл қай ертегі кейіпкерлері?

-Атай мен әжей қаптың түбін қағып, бауырсақ пісіріп, суытуға терезенің алдына қояды, іші пысқан бауырсақ терезеден секіріп түсіп, орманға қарай домалай жөнеледі.

Қоян:

-Бауырсақ, мен сені жеймін, дейді.

Бауырсақ:

-Қоян мені жемеші, мен саған тапсырмаларды орындауға көмектесемін.

1-тапсырма. Кеспе әріптерден таныс әріптерді атау.

2-тапсырма. Сөзжұмбақ.

Қасқыр: 1 Жұмбақ.

Жұп-жұмыр жоны бар,

Инеден тоны бар.

Түйреген түрпі,

Бұл не? (кірпі).

-Балалар, «кірпі» сөзінде бізге қандай дыбыс таныс емес?

-Мына өлең шумағын тыңдап көрейікші.

Жалғаз таяқ боп тұр,

Төбесінде доп тұр.

Бұл не?

-Бұл «І і дыбыс таңбасы».

-І і дыбысының айтылу артикуляциясына назар аударайық.

-І дыбысы жуан айтыла ма, жіңішке айтыла ма?

-Айтылуына қарай қандай дыбыс дейміз?

Тіл ұстарту жаттығуы. Іс-іс-іс- піс қазаным піс.

Аю:

1-тапсырма. Сурет бойынша жұмыс.

-Балалар, «ілгіш», «ішиек» сөздерін дауысты дыбыстарды көк текшемен, дауыссыз дыбыстарды қызыл текшемен белгілейміз.

2-тапсырма. Сергіту сәті.

Ұзын құлақ сұр қоян,

Естіп қалып сыбдырды.

Ойлы, қырлы жерлермен,

Ытқып,ытқып жүгірді.

Топ-топ-топ

Топ-топ-топ

Ытқып,ытқып жүгірді.

Қарап еді артына,

Қиығын салып көзінің,

Келе жатқан томпаңдап,

Көжегі екен өзінің.

Топ-топ-топ

Топ-топ-топ

Көжегі екен өзінің.

Түлкі: 1-тапсырма. «Дәптермен жұмыс».

2-тапсырма. Мақал-мәтіл. «Кітап-білім бұлағы».

Д\о: «Шашылған әріптер»

-Тілімізді жаттықтыра отырып, түлкіні шығарып салайық.

Кі-кі-кі

Бұлаңдайды түлкі.

-Бауырсақ:

-Балалар, маған көмектескендерің үшін сендерге көп рахмет !Сендермен бірге ойын ойнағым келіп тұр.

3.Қорытындылау.

Д\о: «Әріп тастамақ»

-Балалар, қолымыздағы әріптің дауысты, дауыссыз екенін айтып, әріптер туралы тақпақтар айтып берейік.

-Балалар, бүгін қандай дыбыспен таныстық?