Урок удмуртского языка во 2 классе по теме «Луло существительнойёслэн падежъя вошъяськемзы. »

Тема: « Луло существительнойёслэн падежъя вошъяськемзы».

Уроклэн мугез: Пиналъёсты падежлэн юанъёсыныз тодматоно; вераськон кылазы падеж нимъёсты пыртоно; валан сётоно: ниман падежын сылись существительной предложенилэн главной членэз луэ.

1. Орг. момент.

2. Чылкыт гожъяськон.

1) Киослы но чиньыослы упражнение.

Чупырес чукырнаос,

Котьку но дырто соос.

Я солань, я талань,

Я уллань, я выллань.

Дугдылытэк уяло,

Весь маке но утчало.

2) Орфографической уж.

Тани Буратино доска вылэ кылъёс гожъям, мон солы янгышъёсыд вань, тупатъя шуисько, нош со лыдзе-лыдзе, янгышъёссэ уг шедьты. Ойдолэ юртом солы.

Вазь чукна султэ Нати,

валессэ зеч тупатэ.

Пиньёссэ чуклы быде

со миське порошокен.

Вот кыче визьмо Нати,

учке али ти.

( Азьло гожъяло асьсэос, нош собере дэмен эскеро тупатэм орфограммаоссэс.)

Синъёслы гимнастика.

Синъёсын жог кырмышъяно, пытсано но чалмыт пуконо витёзь лыдъяса. Быдэстоно 4-5 пол.

3. Выль тема бордын ужан.

296 уж.Суредъя предложениос малпало. Вань предложениосын пияш сярысь вераськоз. Пияш кылзы портэм падежъёсын сылоз. Собере огъян лэсьтозы, огъянзэс учебникъя чошатозы.

Физкультминутка.

Зарни, чебер шунды,

музъем вылэз шунты!

Сяськаос сайкалозы,

учыос кырзалозы.

Нош ми возь вылэ мыном,

шумотыса бызьылом.

297 уж. Падеж нимъёсын но соослэн юанъёсынызы тодматскозы., падежъя луло существительнойлэсь вошъяськемзэс чаклалозы.

298 ужез быдэстозы дышетисьлэн юрттэмезъя.

Физкультминутка.

Ветлэ диго-одиго,

Диго пи дыго-мого.

Люгы пог полы шедем,

Нош диго сое ыштэм.

300 ужын урокын тодэмзэс юнмато но быгатэмзэс эскеро.

Уроклы огъян лэсьто.

Гуртын падежъёсъя вошъяло гондыр, нэнэ кылъёсты.

5. Уроклы йылпумъян.

«Сукыри» шудонэн шудо.

Ваче ки кутскыса, (пиналъёс полысь огез круг шорын сылэ), таче кырзанъя портэм выросъёс лэсьто:

(Нимыз) вордскем нуналаз

Ми пыжимы сукыри, (кругын бергало)

Тинь таче жужытэз,(киоссэс выллань жуто)

Тинь таче паськытэз ( киоссэс паськыт каро)

Тинь таче сюбегез ( кизэс ваче каро)

Сукыри, сукыри,

Кинэ гажад, сое басьты!

Круг шорын сылись ас интыяз кинэ ке быръе, ачиз круге султэ но шудон азьланьтиське.