Ақ бұзау, жуан дауыстылар ашық сабақ

Сабақтың тақырыбы: Ақ бұзау. Жуан дауыстылар

Сабақтың мақсаты: 1. Жуан дауыстылар туралы түсінік беру. Сөйлем ішінен жуан дауыстыларды

таба білуге үйрету. Төрт түлік туралы мағлұмат беру арқылы,малдардың

адам өміріне пайдасын ұғындыру.

2. Оқушылардың еркін сөйлеуін,мәнерлеп оқуын,көркем жазу дағдысын

қалыптастыру.Өз ойын анық жеткізу,шығармашылық қабілетін

дамыту,сөздік қорын молайту.

3. Өз ойын еркін айтуға дағдыландыру.Шапшаңдыққа еңбек сүйгіштікке

тәрбиелеу.Пәнге деген қызығушылығын арттыру.

Әдіс тәсілдері: Түсіндіру,сұрақ-жауап,ой қозғау.

Көрнекілігі: слайд , оқулық .

Түрі: Аралас сабақ

Сабақтың барысы :

1. Ұйымдастыру кезеңі

Психологиялық дайындық.

Қуанамын мен де,

Қуанасың сен де.

Қуанайық достарым,

Арайлап атқан күнге.

-Жарайсыңдар!

-Балалар біз қандай тарауды өтіп жатырмыз ?

-Төрт түлікке нелер жатады?

-Осы төрт түліктің аталары қалай аталады?

Ендеше, бүгінгі сабағымызды топпен жүргіземіз. Мен сендерді 4 топқа бөліп қойдым.

1 топ «Ойсылқара» түйе атасы

2 топ «Қамбарата» жылқы атасы

3 топ «Шопаната» қой атасы

4 топ «Зеңгібаба» сиыр атасы

-Жақсы.Мен сендердің білімдеріңді төрт түліктердің бірімен бағалайтын боламын.Яғни әр топ өз қорасын малға толтырғысы келсе сұрақтарға жауап беріп отырамыз. Ең ірі -қарасы көп топты,бай топты байқайтын боламыз.

Өткенді қайталау

-Балалар тақтадан нені көріп тұрмыз?

-Күнді не басып қалған?

-Ендеше, бүгінгі сабағымыз күннің көзіндей жарқырап өтсін десек,мына тапсырмаларды орындап бұлттан күннің көзін ашайық.

Тапсырмалар

1. Әріппен дыбыстың айырмашылығы н айт.

2. Қазақ тілінде неше әріп бар?

3. Сөз неден құралады?

4. Сөйлем неден құралады?

5. Сөйлем деген не?

6. Сөйлемнің басы қалай жазылады?

7. Сойлем соңына не қойылады?

8. Дыбыстар нешеге бөлінеді?

9. Дауысты дыбыстар нешеге бөлінеді?

10. Жуан дауыстыларды ата?

-Өте жақсы. - Ендеше үйге не тапсырма берілді?

- Өлеңді жатқа оқу.

4 топ мәнерлеп оқуға жарысамыз.

2.Жаңа сабақ

-Қане жалпы дыбыс нешеге бөлінеді?

-Дауысты дыбыс нешеге бөлінеді?

-Оларды ата.

III. Мағынаны таныту.
Сөзжұмбақ шешу.
1.Қой бағатын адам.
2.Қойдың қас жауы.
3.Түйе баласы
4.Жылқы баласы
5.Сиыр иесі
6. Жылқы атасы
7. Кейде дауысты , кейде дауыссыз дыбыс.
Ш о п а н
Қ а с қ ы р
б о Т а
қ ұ л Ы н
з е ң г і б а б а
қ а м Б а р а т а
у

Бұзау ненің төлі?

- Ендеше, балалар біздің бүгінгі өтетін жаңа сабағымыздың тақырыбы
«Ақ бұзау» және «Жуан дауыстылар» деп аталады.
IY. Оқулықпен жұмыс
Өлеңді оқып, мағынасын түсіндіру.
Өлең не туралы? -бұзау
Оқулықтағы суретпен жұмыс
- Суретте кімді көріп тұрсыңдар?
- Баланы
- Баланың жанында не бар?
- Бұзау
- Бұзау ненің төлі?
- Сиырдың төлі
Ақ бұзау сөзіне дыбыстық талдау жасау
- Бұзау сөзін буынға бөлу - сөзде қанша дауысты дыбыс болса, сонша буын болады-2буын (Бұ-зау)
Өлеңді жазған балалар ақыны Жақан Смақов.
СМАҚОВ Жақан (1932-1974). Жаңаарқа ауданы Ынталы колхозында туған. қазақ мемлекеттік университетінің журналистика факультетін бітірген. Еңбек жолын 1955 жылы Талдықорған облыстық газетінде бастайды.
Өткен ғасырдың 50-60 жылдары «Сыйлық», «Қаз-қаз бас», «Жастық сыры», «Ақтауық», «Бақ-бақ», «Сылдырмақ», «Жүз бір жұмбақ», «Қарақат», «Тамшы» деген өлең жинақтары басылады. Бұлардан басқа «Біздің апай Түсекең», «Менің бөпем», «Ғажайып бұлттар», «Саяхат» деген суретті кітаптарын шығарады. Аяулы ақын 1974 жылы Алматы қаласында қайтыс болды. өзі оқыған «Ынталы» орта мектебіне Жақан Смақовтың аты берілген.
Алдағы уақытта оқулықтан, газет-журналдардан оқып танысасыздар

- Оқулықтан өлеңді оқушыларға тізбектетіп оқыту.
Y. Сергіту сәті

Ойын: «Бұл ненің дыбысы?»

- Жарайсыздар балалар!

Топтық тапсырма:
28-жаттығу. Ауызша.
1 топ. Өлеңді мәнерлеп оқу

2-топ Дыбыстық талдау жасау.

3-топ Өлеңнің мағынасын түсіндіру.
4-топ Сөздерден жуан дауысты дыбыстарды табу.

29-жаттығу. Сөздерді оқыңдар. Сөздерден жуан дауысты дыбыстары бар сөздерді теріп жазыңдар. Дыбыстық талдау.
Сүт, айран, қаймақ, кілегей,май, құрт.
- Сөздерден жуан дауысты дыбыстарды табу.
Сөздік жұмыс
Бүгінгі сабақта бұрын кездеспеген сөздер бар. Сол сөздердің мағынасын
дұрыс ұғынып алайық.
Кілегей - сүт бетінде тұратын майлы қабат, шикі қаймақ.
Уыз - жас төлдеген малдың алғашқы 3-4 күндік қою уыз сүтінен пісірілетін дәмді тағам.

Постер қорғау:
Әр топ оқушылары өз топ аттарын қорғау, дыбыстық талдау жасау
1 топ Зеңгібаба (сиыр иесі)
2 топ Қамбарата (жылқы иесі)
3 топ Шопаната (қой иесі)
4 топ Ойсылқара (түйе иесі)
VI. Ой толғаныс:
Оқушылар берілген сұрақтардың дұрыс жауабын шаблондар
арқылы көрсетеді.
1. Дауысты дыбыстар қатарын тап:
а) б, в, г
+ ә) а, ә, е
2. «К» қандай дыбыс?
+ а) дауыссыз
ә) дауысты
3. Қазақ алфавитінде неше әріп бар?
а) 40
+ ә) 42
4. Жуан дауыстыларды тап;
а) ы, і, ә, о, ұ, е.
ә) а, о, ұ, ы.
5. Қазақ алфавитінде неше дыбыс бар?
а) 40
+ ә) 42

VII. Үйге тапсырма:
а) «Ақ бұзау» өлеңін мәнерлеп оқу
VIІІ. Бағалау