Қарапайым математикалық түсініктерді қалыптастыруда логикалық ойын-жаттығуларды пайдалану

Тақырыбы:Қарапайым математикалық түсініктерді қалыптастыруда логикалық ойын - жаттығуларды пайдалану. Мақсаты: сан және есеп, көлем , кеңістікті бағдарлау уақыты, бағдарлау геометриялық; денелерден бөлінген бес тармағын негізге ала отырып, пәндердің байланысқан көмегі аркылы балалардың ақыл - ой белсенділігін арттыру, логикалық ойлау қабілеттерін дамыту, тілін дамыту, сөздік қорын молайту, дидактикалық ойындар, шарттарын дұрыс орындауга тәрбиелеу, зейінділігін арттыру.

Көрнекілік: :5-ке дейінгі сандар геометриялық пішіндер, әр түрлі ойыншықтар, мысалы: қоян,қасқыр,аю. Қағаздан қиып жасалған бауырсақ.

Әдіс-тәсілдер: сандармен пішіндер көрсету, санау түсіндіру, сұрақ-жауап, логикалық ойындар.

Тәрбие жұмысының барысы:

Шаттық шеңбері:

- Балалар алдымен осы шеңбер құрып тұрғанда бір-біріміздің қолымыздан ұстап, алақан арқылы жылылық таныта тұрып жақсы лебіз білдірейік.

Айда 1-еу аспанда,

Күнде 1-еу аспанда,

Тұра тұғын елжіреп,

Бәріімізде 1 жүрек.

«Бауырсақ» ертегісіндегі кейіпкерлер бізге тапсырма беріп кетіпті.

Атаның тапсырмасы: «Жыл мезгілін ата»

• Балалар жылдың қай мезгілі?

• Қазір жылдың көктем мезгілі.

• Көктем мезгілі неше айдан тұрады?

• Көктем мезгілі үш айдан тұрады.

• Қандай айлар екенін кім айтады?

• Наурыз, Сәуір, мамыр,

Дұрыс айтасыңдар балалар.

Әженің тапсырмасы.: «Сен білесін бе?»

• Наурыз айында қандай мерекелер болады есімізге түсірейік.

• Наурыз айында 8-наурыз аналарымыздың мерекесі болады.

22-наурыз Қазақ халқының жыл басы, Жаңа жыл мерекесі болады.

- 1 мамыр Халықтар достығы мерекесі, 7 -мамыр Отанқорғаушылар күні,

9-мамыр, Жеңіс күні болады..

• Балалар, бір аптада неше күн бар екенін білеміз бе?

• Бір аптада жеті күн бар.

• Апта күндері туралы тақпағымызды еске түсірейік.

Аян:

Апта деген атайдың,

Жеті бірдей ұлы бар.

Бірішісі Дүйсенбі,

Екіншісі Сейсенбі.

Үшіншісі Сәрсенбі,

Төртіншісі Бейсенбі

Жұма деген бесінші ұл,

Алтыншысы Сенбі.

Жетіншісі жексенбі .

Еркежан:

Дүйсенбіде доп ойнадың қорада

Сейсенбіде серуен құрдың далада,

Сәрсенбіде сурет салдың сәнденіп

Жұма күні жидек тердің қыратта.

Сенбі күні кино көрдің клубта

Жексенбіде үйде болып дем алдық

Осылайша өте шықты бір апта.

Дана:

Бүгін аптаның нешінші күні?

Кеше аптаның екінші күні

Бүгін аптаның үшінші күні

Ертең аптаның төртінші күні.

«Қоянның тапсырмасы: «Тура және кері санау .»

Балалар мынау қандай сандар? 1,2,3,4,5.

Балалар онымен бірге санамақтар айтуларыңды сұрапты.

Нұрай:

1 дегенім білім,

Білім жарық күнің.

2 дегенім елім,

Далам,туым көгім.

3 дегенім үміт,

Үміт артар жігіт.

4 дегенім төзім,

Төзе білем өзім.

5 дегенім уақыт ,

Бағалайтын уақыт.

« Қасқырдың тапсырмасы»: «Математикалық жұмбақтар»

Ағашта бес алма бар еді, екеуі үзіліп жерге түсті,алма ағашында неше алма қалды?

Екі мысықта неше құлақ бар?

Бой сергіту

Түлкінің тапсырмасы.

«Балалар бір тәулікте неше мезгіл бар?»

Ұйқымыздан оянамыз

Беті-қолды жуамыз

Анамызға ереміз,мектепке (барамыз) .

(Таңертең)

Серуеннен қайтамыз

Тамақ ішіп аламыз

Біз тәртіпті баламыз

Тәтті ұйқыға батамыз.

(Түс)

Ұйқымыздан тұрамыз

Жеңіл тамақ ішеміз

Серуенге шығамыз

Асыр салып ойнаймыз.

(Бесін)

Серуенде жүреміз

Ән айтамыз, күлеміз

«Апай сау бол» деп

Үйге қарай кетеміз.

(Кеш)

Үйлерде шам жанады,

Маңай тастай қараңғы

Ертегіні тыңдап алып

Тәтті ұйқыға батамыз.

(Түн)

«Неге ұқсайды» дидактикалық ойын.

Ал мен бір жұмбақ жасырайын

Қасқырдан да құтылды,аюдан да құтылды.ақыры соңында қу түлкіге тұтылды бұл не?

Балалар: бауырсақ.

Бауырсақтың тапсырмасы:

« Геометриялық пішіндерді ата»

Үшбұрыш,төртбұрыш,тіктөртбұрыш,дөңгелек.

. Балалар үшбұрышқа ұқсас заттарды атаңдар.

• Үшбұрыш -сәукеле, шырша, сәбіз.

• Тіктөртбұрыш - кітап, есік, терезе.

• Дөңгелек-күн, доп, қарбыз.

• Қортынды: сонымен бауырсақ неше аңға жолықты?

«Тосын сый»бауырсақ суретін бояу,құрастыру.