Дүниетану пәнінен Өсімдіктердің көктемгі тіршілігі тақырыбына ашық сабақ

Дүниетану 1 сынып

Сабақтың тақырыбы: Өсімдіктердің көктемгі тіршілігі.

Сабақтың мақсаты: көктемгі өсімдіктер тіршілігінің өзгерісімен таныстыру; оқушыларға экологиялық тәрбие беру;

Міндеттері:

• Ұжымдық жағдайда ақпаратты жоғары жылдамдықпен меңгеруді ұйымдастыру;

• Есте сақтау және зейінді жаттықтыратын тапсырмалар орындау;

• пәннің құндылықтарын сезінуге ықпал ету;

• өз бетінше білім алуға үйрету; ең негізгіні бөліп алу, салыстыра білуге дағдыландыру;

• өзін-өзі бақылау және бағалауға үйрету; өзін-өзі түзету біліктілігін дамыту.

Сабақтың әдісі: БжС технологиясы

Түрі: Ауызша сабақ-1 технологиялық картасы

Көрнекілігі, дидактикалық материалдар: көктемгі өсімдіктер көрінісін бейнелейтін суреттер, сызба, ООМ

Сабақтың барысы:

Сабақтың құрылымы

Технологиялық картаның жұмыс тәртібі

Түсініктеме

1 кезең.

Ұйымдастыру

Оқушылардың зейінін жинақтау

Қуанамын мен де

Қуанасын сен де.

Қуанайық достарым

Арайлап атқан күнге.

Карта бойынша жұмыс жасау ретін түсіндіру. Ұжымды белсендіру үшін көшбасшыға сөз беріледі.

ООМ

А

Ә

Б

В

Г

Ғ

2 кезең.

Оқушылардың субъектілік іс-тәжірибесін өзектендіру

Өткен сабақ тақырыбы бойынша қарама-қарсы сұрақ қою. ООМ бойынша материалды бекіту үшін тексеру жүргізіледі.

1.Жыл мезгілдері нешеу?

2.Жыл мезгілдерін ата.

3.Көктем айларын ата.

4.Көктемде ауа райы қалай өзгереді?

5. Қар қандай өзгеріске түсті?

6.Қандай жерлердің қары тез ериді, неге?

7.Көктемде қандай жауын- шашын түрлері түседі?

9.Өсімдіктердің неше тобы бар?

10.Өсімдіктер тобын ата.

11.Өсімдікке тіршілік ету үшін не қажет?

12. Өсімдіктің қай мүшесі топырақтың астында болады?

13.Өсімдік мүшелерін ата.

14.Көктем мезгілінде ағаштарда қандай өзгерістер болады?

15. 22-наурызда табиғатта қандай өзгерістер болады?

16.Көктемде күн көзі қалай көтеріле береді? 17.Күн өткен сайын ауа райы қалай өзгереді?

18.Аспан қандай болады?

19.Аспан бетінде қандай бұлттар қалқиды?

20.Күн мен түн арасында қандай өзгерістер байқалады?

21.Қандай құстар келе бастайды?

22. Жыл құстарын ата.

Бірінші белгі, барлық оқушылардың нәтижелері бойынша плюс немесе минус белгілері қойылады.

3 кезең.

Қабылдауды ұйымдастыру

Жұмбақ шешу:Күн ұзарып, қар еріп,

Су сайларға толады.

Бұл қай кезде болады?

Тірек сөздермен жұмыс:

Мұғалім тақтаға тірек сөздерді жазады.

1.бүршік

2.жапырақ

3.гүл

4.күн

5.бақбақ

6.көктем

7.алтын

Берілген уақыттан соң блок жабылады. Оқушылар есте қалған сөздерді жазады. Блок ашылады. Оқушылар естерінде қалмаған сөздерді толықтырып жазып, жазбаларын толықтырып алады.

Екінші белгі. Есте сақтауға уақыт нормативі 7 сөз - 30 сек. Жазуға берілген уақыт есте сақтау уақытына тең.

4 кезең.

Ойлауды ұйымдастыру

Оқушылар мәтінмен өз бетінше жұмыс жасап, берілген ақпаратты өңдейді. Тірек сөздердің мағынасын ашады.

Мәтінді оқу жылдамдығы 1 парақ 5 минут

5кезең. Алғашқы түсініктерді тексеру

Қиылыс сұрақтар.

Осы аталған тірек сөздердің мағынасын ашу мақсатында оқушыларға сұрақтар қойылады.

1Көктемде ағаштар не ата бастады?

2.Бүршіктер қалай ісінеді?

3.Бүршіктен не шығады?

4.Кейінірек ағаштар не істейді?

5.Қандай ағаштарды білесің?

6.Қандай қылқан жапырақты ағаштарды білесің?

7. Қыста ағаштарда қандай өзгерістер болады?

8. Көктемде табиғат не істейді?

9.Қар астынан қандай алғашқы гүл шығады?

10.Қандай ерте гүлдейтін өсімдіктерді білесің?

11.Өгейшөптің түсі қандай?

12.Өгейшөптің жапырағының жоғарғы беті қандай?

13.Төменгі беті немен жабылған?

14.Бақбақ гүлі неге ұқсайды?

15.Қай кезде күлтелерін жаяды?

16. Қай кезде күлтелері жабылады?

Сыни тұрғыдан сұрақтар.

1.Бір жылда 3 мезгілі бар?

2. Көктем айлары: қаңтар, сәуір, мамыр.

3. Көктемде ауа райы жылына бастайды.

4.Көктемде қар ери бастайды.

5.Көктемде жыл құстары жылы жаққа ұшып кетеді.

6. Өсімдіктер тобына ағаштар,бұталар, шөптектес өсімдіктер жатады.

7. Өсімдікке тіршілік ету үшін тек су, ауа,топырақ қажет.

8. Өсімдіктің тамыры топырақтың астында болады.

9.Өсімдік мүшелеріне тамыр, жапырақ,гүл жатады.

10. Көктемде ағаштар бүршік ата бастады.

11. Бүршіктен жемістер шығады.

12. Көктемде табиғат оянады.

13. Қар астынан раушангүл шығады.

14. Өгейшөптің түсі алтын.

15. Бақбақ гүлі допқа ұқсайды.

16. Бақбақ күлтелерін таңмен жаяды.

17. Ерте гүлдейтін өсімдіктерге өгейшөп, бақбақ,бәйшешек жатады.

Әрбір оқушы ООМ бойынша сұралады. Үшінші белгі. Оқушыларға жауабына қарай «+» «-» таңбасы қойылады.

Төртінші белгі. Оқушыларға жауабына қарай «+» «-» таңбасы қойылады

6 кезең. Бекітуді алғашқы ұйымдастыру

ТСҚ(тақырыптық сөздік қоры)

Сабақта меңгерілген материал бойынша ТСҚ жазылады. Ең көп сөз қорын жазған оқушы дауыстап, жылдам оқиды.

5 минут уақыт өткен соң, оқушылар бір-бірінің қанша сөз жазғандарын санап, есебін шыгарады. Бесінші белгі

7 кезең. Талдау және қорытындылау

Мұғалім сабақты қорытындылайды. Өзінің тақырыпқа көзқарасын білдіреді. Тез және сапалы жұмыс жасаған оқушыларды мадақтайды.

ООМ-да әр оқушының бүгінгі сабақта қатысуы 5-балдық шкаламен бағаланады.

-4-5 белгі - 5 ұпай

-3 белгі - 4 ұпай

-2 белгі -3 ұпай

-1 белгі - 2 ұпай

8 кезең. Үйге тапсырма

4 белгіден кем алған оқушылар үйге тапсырма алады.

Барлық оқушыға көтермелеу, мадақтау сөздері айтылып, әркім өзінің еңбегіне лайық бағасын алады.