Ашык сабак Сиыр. Төрт түлік

Ба стауыш сынып мұғалімі: Қалиева Ж.Қ

Сабақтың тақырыбы:Сиыр.Жаттығу жұмыстары

Сабақтың мақсаты:
1.Оқушыларға алған білімдерін қайталау арқылы жуан дауысты дыбыстар жайлы түсінік бере отырып,төрт түлік туралы мәлімет беру; Мәтінді оқыту арқылы білімдерін қалыптастыру.
2.Оқушылардың ақыл-ойын,сана-сезімін, қиялын, есте сақтау,танымдық,шығармашылық қабілеттерін жаттығу ойындары арқылы дамыту.
3.Оқушыларды ұқыптылыққа, тазалыққа, шапшаңдыққа,өз ойын еркін жеткізе білуге, сауатты,әрі көркем жазуға тәрбиелеу.

Сабақтың түрі: аралас сабақ

Сабақтың әдісі: сұрақ-жауап,әңгімелеу,түсіндіру.

Сабақтың көрнекілігі: интерактивті тақта,дыбыстық талдаудың тақтайшасы.

Пән аралық байланыс: математика,дүниетану

Сабақтың барысы:

I.Ұйымдастыру сәті.

а) Оқушылардың сабаққа дайындағын тексеру.

ә) Оқушылардың назарын сабаққа аудару

б) Психологиялық дайындық.

• Балалар қазір бізде ана тілі сабағы.Ана тілі сабағымызды жақсы өткізу үшін бір-бірімізге тілегімізді білдірейік.

Оқушылар: «Мен жүрегімнен қуаныш алып сендерге сыйлаймын.» II.Үй тапсырмасын сұрау. -«Ақ бұзау» өлеңін тізбек жасап оқыту. -Балалар, дыбыстар қаншаға бөлінеді? Қандай? -Дауысты дыбыстар қаншаға бөлінеді? -Жуан дауысты дыбыстарды кім атайды? а,о,ы,ұ -Қане ендеше, суретте берілген заттардың атаулары мен сол сөздердің ішіндегі жуан дауысты дыбыстарды анықтайықшы? Айран, ыдыс, ұшақ, ожау. -Төрт түлікке нелер жатады? Жылқы, түйе, сиыр, қой -Балалар сендердің білімдеріңді тексеру үшін, өзінің сұрақтарымен қонаққа қасқыр келіпті. -Сиыр иесі? Қой атасы? Жылқы атасы? Түйе атасы кімдер?
III.Жаңа сабақ -Математикалық мысал есептерді шығарып көрейік?
4+2=ы
6-3=с
4+3=р
6-2=и
-Олай болса балалар, бүгін біз сендермен «Сиыр» тақырыбын өтеміз. -Ал балалар, сиырдың бізге қандай пайдасы бар екен? -Сиырдан біз не аламыз?

Оқулықпен жұмыс

-Оқушыларға жазушы Қадыр мырза Әлидің «Сиыр» өлеңін таныстыру.

-Қадыр мырза Әли туралы түсінік беру.

1935 жылы 5 қазанда Орал облысының Жымпиты кентінде туған. Ол атақты қазақ ақыны, халық жазушысы. 1958 жылы Қазақ мемлекеттік университетінің филология факультетін тамамдаған. Еңбек жолын сол кезде жаңадан ашылған балалар журналы "Балдырғаннан" бастаған. "Жұлдыз" журналы редакциясында поэзия және сын бөлімінің меңгерушісі, жауапты хатшы, бас редактордың орынбасары.

• Сиыр өлеңін мәнерлеп оқып беру. 2-3 оқушыға мәнерлеп оқыту.

• Жаңылтпашты оқып беру, 2-3 оқушыдан сұрау.

Дәптермен жұмыс.

• Күн ретін жаздыру.
• Көркем жазу жаздырту. Л л

Қырда қырау,
Қызыл ала бұзау.
Тауда тарғақ,
Тарғыл ала торпақ

31-жаттығу. Көп нүктенің орнына жуан дауыстыны қойып, көшіріп жазыңдар.

Жұмбақ
Қ...яды екен әр шаруа
Қазығ...на құт байлап.
Қанша қ...йып алсаң да,
Сарқылм...йды сүт,қаймақ.

IV.Қорытынды бөлім.

"Кім көп біледі?"ойыны

Мақалдан жарыс

Үйге тапсырма

36 бет "Сиыр"өлеңін жаттау.Төрт түлікке байланысты мақал-мәтелдер жаттау,жазу.