Начальные классы Зерде (2)

"Зерде"

интеллектуалды ойыны

Мақсаты: Оқушылардың білімдерін сайысқа түсіріп, білімді жан - жақты болуға, өзіне деген сенімділік қасиеттерін қалыптастыруға бейімдеу, дарынды, озық болуға тәрбиелеу.

Тәрбиелігі: Оқушыларды адамгершілікке, достыққа, шапшаңдыққа, бірлікке тәрбиелеу.

Көрнекілігі: компьютер, экран, ұпай көрсетілген қағаздар.

Білімменен тәнті етеді тектілер,
Мұратына білім қалды жеткізер.
Бар ізгілік тек біліммен алынар,
Білімменен аспанға жол салынар.

Сайысымыз мынадай бөлімдерден тұрады:
1. Таныстыру
2. Бәйге
3. Жеті әлем
4. Қалт етпей, қағып ал, жауабын тауып ал.
5. Логикалық есептер.

Ендеше ойыншылар өздерін таныстырып өтсін.
І таныстыру
І топ «Қыран» тобы
Ұраны: «Қырандай қалықтап самғаймыз!»

ІІ топ «Тұлпар» тобы
Ұраны: «Біз талапты баламыз,
Біліммен алға самғаймыз!»

Ойланайық азырақ, уақытымызды үнемдеп,
Кім шығады кәнеки, жауабын мен білім деп?
2. Ойынымыздың келесі кезегі
ІІ «Бәйге» бөлімі:
Бұл бөлімде 30 - дан бастап 50 аралығындағы ұпайларға арналған сұрақтар жасырылған. Ұпай ұяшықтарын таңдап, берілген сұраққа жауап беру керек. Дұрыс жауап болса, таңдаған ұпайды алады. Жауап бере алмаса келесі топ жауап беруге болады, ол ойыншы таңдалынған ұпайдан 10 ұпай кем алады. Солай ойын жалғаса береді.

І топ
1сұрақ: Төрт түлікті ата
Ж: қой, сиыр, жылқы, түйе, ешкі
2 сұрақ: Өлі табиғатқа нелер жатады?
Ж: тас, құм, тау, ай, бұлт, су
3 сұрақ: Зеңгібаба қай малдың пірі?
Ж: Сиыр
4 сұрақ: Сөйлем неден құралады?
Ж: Сөзден
ІІ топ
1. Сұрақ: Дауыссыз дыбыс нешеу?
Ж: 25
2. сұрақ: Балдырған сөзінде неше дауысты дыбыс бар?
Ж: 3
3 сұрақ: Жыл мезгілдерін ата
Ж: Күз, қыс, көктем, жаз
4 сұрақ: Табиғат құбылыстарын ата
Ж: Жаңбыр, жел, қар, боран, құйын, аяз т. Б

3. Сайысымыздың келесі бөлімі «Бес әлем» Бұл ойында әр бес пәннен тапсырма беріледі.

Ана тілі: 1:Буын дегеіміз не?

2: Жуан дауыстыларды ата?

3: Қазақ тілінде неше әріп бар?

4: Тасымал дегеніміз не?

5: Жіңішке дауыстыларды ата?

6:Қазақ тілінде неше дауыссыз дыбыс бар?

Математика: 1) Азайту: 12-4 6-8

2. Ең кіші төрт таңбалы санды ата?

3. Үйде 2шеше 2 қыз бар. Барлығы неше?

4. Қосу: 8+6 12+5

Дүниетану: 1 Көкөністерді ата?

2 Жыл мезгілдерін ата ?

3 Дүние жүзінде қанша мұхит бар?

4 Біз қай планетада өмір сүреміз?

Музыка 1: ОЛЖА

2: Қ.Р гимнінің сөзін жазған кім?

3: Музыкадағы адамның көңіл күйі?

4: Халық әндерін ата?

Сергіту сәті

4. Білгенге маржан

1 Толып келіп бос кетер

(қасық)

2) Ойдың аяқталуын күтпейді

Оны қойса, сөйлем бітпейді

(үтір)

3 Екі бала қатар тұрса да,

Бірін бірі көрмейді

(көз)

4 Үй бағады үрмейді (құлып)

5 Адасқан әріптер: ақлма (қалам), та (ат), алаб (бала), йү (үй), то (от), найа (айна) есб (бес), олқ (қол), жеә (әже) ұсқ (құс)

Логикалық сұрақтар:

1 Бүгін 9 - шы қаңтар болса, түнгі 12 - де нешінші қаңтар болады?

2 1жұмыртқа 3мин піссе, 5жұмыртқа қанша уақытта піседі?

Қорытынды:
«Зерде» интеллектуалды ойынымызды аяқтаймыз.

Бағалау. Мадақтау

Назар аударғандарыңызға рахмет!