2-ші сыныпта математика пәнінен 37 + 48 түріндегі жазбаша қосу тақырыбынан сабақ үлгіс

Солтүстік - Қазақстан облысы

Тайынша ауданы

Кеңес Одағының Батыры

И. М . Бережной атындағы

Келлер орта мектебінің

2- «а» сынып мұғалімі

Абдырова Назгүл Ақайқызының

математика пәнінен

аудандық семинарда

өткізген ашық сабақ жоспары.

Сабақтың тақырыбы: 37 + 48 түріндегі жазбаша қосу.

Сабақтың мақсаты: Екі таңбалы сандарды қосуда бірліктерін разрядтауда ондықтар ды аттап қосу тәсілін меңгерту.

Міндеттері:

Білімділігі : оқушылардың өткен тақырып бойынша білімдерін жүйелеу, тиянақтау.

Дамытушылығы: Ойлау қабілеттерін дамыта отырып, ауызша, жазбаша есептеу дағдыла- рын жетілдіру, сөздік қорларын молайту, математикалық терминдерді дұрыс қолдана білу іскерліктерін шыңдау

Тәрбиелігі: алға қойған мақсаттарына жетуге, алға қарай ұмтылыс жасауға баулу.

Сабақта қолданылатын әдіс - тәсілдер: түсіндіру, талдап- жинақтау, ізденушілік туғызу, бақылау,сұрақ - жауап, деңгейлік тапсырмалар, Венн диаграммасы.

Сабақтың түрі: саяхат сабақ

Сабақтың типі: дәстүрлі танымдылық сабақ

Көрнекілігі: интерактивті тақта, геометриялық пішіндер,.

Сабақтың барысы: 1. Ұйымдастыру кезеңі:

Сәлемдесу. Кезекшінің мәліметі. Оқушылардың назарын сабаққа аудару.

Психологиялық дайындық:

Аспан шайдай ашылып,

Күннің нұры шашылып.

Ақпанның 25 сәтті күн,

Қонақтар келді бізге бүгін.

Орнымыздан тұрайық,

Амандасып алайық. (Сәлеметсіздер ме!)

Сендердей ақылды балалар,

Жоқ шығар сірә әлемде.

Соны естіп, қызығып,

Қонақтар келді көруге.

Зерек те , алғыр балаларым,

Ұялып бүгін саспайық.

Жайдары жақсы көңілмен,

Сабағымызды бастайық..

2. Өткенді пысықтау:

Әр сұраққа ойланып, Алдыменен ол үшін, 3 минут уақыт ішінде,

Толық жауап береміз. Өткенге шолу жасайық. Үлгеріңдер орындап.

Ынта қойып тыңдасақ, Деңгейлік тапсырмаларды, Жұмыстарыңды тексеріп,

Биікке бүгін жетеміз. Шемішкедей шағайық. Мен кетемін бағалап.

Оқушылардың өткен материалдан түсініктері, деңгейлік тапсырмаларды орындау арқылы тексеріледі.

Слайд -1

1.Суреттегі бұрыштарды тиісті сөздермен сәйкестендір:

доғал сүйір тік

2. Шешімі 10 - ға тең болатын теңдеуді көрсет:

а) 47- у = 40 б) 50 - х = 40 в) а + 20 = 25

3. Есептеулерді баған түрінде орында:

84- 63 52+ 35 59- 36

Слайд- 2

Оқушылардың жұмыстары орындалу тәртібіне сай геометриялық пішіндерді тарату негізінде бағаланады. (1- тапсырма - 3 яғни , 2- тапсырма - 4 яғни

3- тапсырма - 5 яғни

3. Жаңа сабақ:

Слайд-3 Слайд- 4 Слайд - 5

Шыңнан сырғып түсті де, Аулаға қар үйгізді Ормандағы аңдардың

Келді етекке қыс, міне. Бетті аязға сүйгізді. Қандай екен жағдайы?

Ақ қарлар ақ көбелек, Тоңбасын деп ағаштар, Қысқы орманға кім менімен

Қонды жердің үстіне. Қырау ішік кигізді Саяхатқа барады?

Слайд - 6 Интерактивті тақтада қысқы орман бейнесі көрсетіледі.

- Балалар қысқы табиғатқа назар аударып мұқият қараңдаршы, артық нәрсе көріп тұрсың дар ма?

- Балалардың жауабы (раушан гүлі)

Слайд -7

Сабақтың тақырыбы ашылады. «37+ 48»

Балалар біз бүгін 37 + 48 түріндегі жазбаша есептеу түрімен танысамыз.Ол үшін алдымен дәптерлеріңді ашыңдар, бүгінгі саяхатта не көреміз соны жазып отырайық .

Слайд - 8

Ақпанның 25-і.

Сынып жұмысы.

Денемізді тік ұстап,

Дұрыс отырып алайық.

Екі таңбалы сандарды,

Көркем етіп жазайық.

37 37 37 37 37 37 37 37 37 37 37 37

48 48 48 48 48 48 48 48 48 48 48 48

Слайд - 9 -10 37 мен 48 сандарының бірлігін және ондығын атап көрсету.

Содан соң 37 + 48 түрдегі жазбаша қосу тәсілі түсіндіріледі.

Жазамын:.......................................................................37

+48 (1)

85

Бірліктерді қосамын: 7 + 8 = 15

15 бірлік - ол 1 ондық және 5 бірлік. Бірліктердің астына 5- ті жазамын, 1 ондықты ондықтарға қосу үшін есіме сақтаймын.

Ондықтарды қосамын: 3 + 4= 7, тағы 1 бар: 7 + 1= 8

Ондықтардың астына 8-ді жазамын.

Жауапты оқимын: қосынды 85 - ке тең. Дәптерлеріңе жазып алыңдар.

Жақсы балалар, енді қысқы орманға саяхатымызды жалғастырайық.

Слайд - 11 Қысқы орман ішіндегі тиін.

- Балалар, тиін немен қоректенеді?

- Балалардың жауабы (жаңғақпен, қарағай бүрімен, саңырауқұлақпен)

- Ендеше тиінге қарағай бүрін теріп берсек қалай қарайсыңдар?

- Балалардың жауабы:

- Олар жай бүрлер емес. Артында тапсырмалары бар, сиқырлы бүрлер. Бүрлердің тапсыр малары жаңа тақырыпты жақсы меңгеріп алуға арналған.

Слайд- 12 Бүрлердің тапсырмалары. (жазбаша)

54 46 29 64

+38 +27 +45 +23

Тапсырмаларды талапқа сай орындағаннан кейін, балаларды мадақтап, тиінге қарағай бүрлерін беріп, оқушыларға тапсырманы орындағандарына қарай, геометриялық пішіндер таратылады.

Слайд- 13 Бүр жеп отырған тиіннің бейнесі.

Балалар орман іші қызыққа толы, әрі қарай жүрелік .

Слайд- 14 Торғайлар

Нан қоқымын шашпаңдар,

Жерде жатса баспаңдар. Теріп алып қастерлеп,

Торғайларға тастаңдар - дегендей мына торғайлардың хал дері мүшкіл-ау деймін.

- Оларға шашпаға жем салып апарсақ қалай қарайсыңдар?

- Балалардың жауабы.

- Бірақ жем салынған шашпаны апарып беру де оңайға түспейді, онда да тапсырмалар бар.

Слайд-15 Жем салынған шашпаның тапсырмасы:

75 - 9

43 + 8

Мұндай мысалдарды шешуде, қосу мен азайтуды бөліктеу тәсілін қолданатынымызды ес теріңе түсіріп, торғайларға көмек беретіндеріңе мен сенемін.

Бұл тапсырманы кезекпен тақтада екі оқушы түсіндіре отырып орындайды, қалғандары орындарыңда отырып дәптерлеріне жазады.

43 + 8= (43+ 7)+ 1 = 51 75 - 9= (75 - 5) - 4 = 66

7 1 5 4

Слайд - 16 Жем жеп отырған торғайлар.

Балалар сендер көп еңбектеніп торғайлар мен тиінге жақсылық жасадыңдар. Алдымызда не күтіп тұрғаны белгісіз, мүмкін тағы да тапсырмалар бар шығар шаршап кетпес үшін сәл демалып алайық.

Сергіту сәті: Бір, екі үш,

Бойға жинап күш.

Төрт және бес

Бізге ешкім тең келмес

Бестік баға алайық,

Үлгілі бала болайық.

Слайд - 17 Қысқы орман ішіндегі қоян

Таусылған - ау деймін қорегі,

Ақ қоян зытып келеді.

Араларыңнан кім оған,

Сәбіз жинап береді?

Слайд - 18 1- ші сәбіз Есепті шығар.

Жағада 18 кішкентай және 7 үлкен балықшы қайықтары тұрды. Таңертең 20 қайық теңізге шықты. Жағада қанша қайық қалды?

(оқимыз, талдаймыз, шартын жазамыз, шығарамыз, дәптерге көшіреміз)

Шарты: Кішкентай қайық -18

Үлкен қайық - 7

Шықты - 20

Қалды- ?

Шешуі: (18 + 7) -20 = 5

Жауабы : Жағада 5 қайық қалды.

Слайд- 19 2 -ші және 3 - ші сәбіздер «Теңдеулерді шеш»

30 - х = 20 х +1 = 40

х=30 - 20 х = 40 - 1

х = 10 х = 39

30 - 10 = 20 39 + 1 = 40

20 = 20 40 = 40

Слайд -20 Сандардың ондығы мен бірлігін ажырат (ауызша)

12 = онд. бірл. 18 = онд. бірл.

Слайд - 21 сәбіз жеп отырған қоян

Слайд - 22 Қорытынды:

Тиін, қоян, торғайлар Саяхатымызды аяқтап,

Сендерге риза балалар. Сыныбымызға қайтайық.

Қоректендіріп оларды, Не көрдік, не үйрендік,

Біраз білім алдыңдар. Қортынды жасап, талдайық.

Балалар сендерге сабақ ұнады ма? Несімен ұнады? Саяхаттың басы немен басталды? 37+48 түрдегі қосу. Яғни біз бүгін екі таңбалы сандарды бірліктерді разрядтауда ондық тарды аттап қосудың жазбаша тәсілін үйрендік . Венн диаграммасы арқылы дәлелдеу негізінде сабақты аяқтау.

Слайд -23

45 37

+23 + 48

8 15

Үйге тапсырма: 45 беттегі 18 тапсырма

Бағалау: Оқушылардың қолдарындағы геометриялық пішіндерді қарап, бағалау.

Қолданылған әдебиеттер: Математика оқулығы 2 - сынып (Алматыкітап)

Бастауыш сыныпта оқыту журналы №4. 2010 ж