Әжелер сайысының тақырыбы Ал, қанекей әжелер

Тақырыбы: «Ал, қанекей Әжелер!» сайысы.

Мақсаты: Жас ұрпақты ата - баба дәстүрімен тәрбиелеу. Әже тәрбиесін үлгі ету. Әжелер айтқаны асыл екенін, әрі олардың өнегесін күнделікті өмірде пайдалану. Әжелер өнегесінің ерекшелігін ашу. Баланы кішіпейілділікке, қарт адамдарды құрметтеуге үйрету.

Сайыстың жүру тәртібі;

1. Ұйымдастыру. Тәрбиешінің кіріспе сөзі.

2. Әже мен немерені таныстыру

3. Әділ қазылар алқасын таныстыру

4. Сайыстың шарттарымен таныстыру

5. Сайысты қорытындылау.

Мұғалім: Армысыздар құрметті қонақтар, Әжелер, ұстаздар. Бәріміздің көптен күткен

«Наурызымыз» келді. Наурыз торйларыңыз құтты болсын! Ұлыстың Ұлы күні аталған Наурызда еңбектеріңіз өнімді,тілектеріңіз қабыл боп , аман-есентойдантойға жетіп , ескі ауыртпалықтарыңыз ескі жылда кетіп, жаңа жылда үміт, жаңа тіршілікпен ,осы Ұлыстың ұлы күнінде елімізге, жерімізге Наурызымыз есігін қуанышпен ашсын . Барлық жақсы ниет-тілектеріңіз қабыл болсын!

Ардақты да асыл әжелеріміздің өнерін үлгі етуге арналған «Ал, қанекей, Әжелер!» атты сайысымызды бастауға рұқсат етіңіздер.

Әже деген көп шығар

Әжемдей менің жоқ шығар

Мейірімді ол кісі

Қандай ғажап күлкісі - дей отырып ортамызға сайысқа қатысушы әжелеріміз бен немерелерін ду - қол шапалақпен ортамызға шақырайық!

1. Бізге әркез тілекші боп жүретін, қуанышымызға ортақ бола білетін Русландай

ботақанымыздың асыл әжесі ,ардақты ана Бағила әжейді қарсы алыңыздар!( 1«А»кл)

2. Өзі сондай әдемі, күндей күліп жүреді. Перизаттың әжесі сүйкімді, мектеп қызметкерлерінің бәрі біледі, деп Перизат немересімен Кенжекей әжейді қошеметпен қарсы алайық!( 2 «Ә»кл)

3. Әже біздің күніміз

Әжемнің біз гүліміз

Балаларды қуантып,

Ұзақ өмір сүріңіз,- дей отырып Аділжандай ерке немересімен -------- әжейді ортаға шақырамыз.( 1 «Б»кл)

4. Немере қамын ойлай жүретін балажан әже Айымның күн әжесі, нұр әжесі, асыл әжесі ----- әжейді ортаға шақырамыз! ( 2 «Б»кл)

5. Таусылмайды өлеңі

Күнде айтып береді

Барған сайын бір жаққа

Кәмпит алып келеді - деп Мәншүктің әжесі Алтыншаш әжейді немересі мен ортаға шақырамыз! ( 1 «Ә»кл)

6.Қояғой,қарғам, күнім деп,

Айналар жанды жібітіп.

Қараса әжем күлімдеп, Кетеміз бәрін ұмытып-дей келе немересі Адина мен Жұмагүл

әжейді ортаға шақырамыз! ( 3 «Ә»кл)

Кім жеңеді сайыста үміт алда,

Қобалжу бар жүректе күдік барда

Әділ - қазы алқасы атыңды ақта

Жүректерге арман мен бақыт жолда.- деп әділ - қазы алқасымен таныстырамын.

1. Біздің мектептің кітапхана меңгерушісі Баймұханова Гүлжан Күлбазарқызы.

2.Біздің мектептің бастауышкластароқу-тәрбие ісі жөніндегі директор орынбасары Акажанова ЛарисаТөлегенқызы

3.Біздің мектептің тәрбие ісі жөніндегі директор орынбасары Тилембаева Әсел Болатқызы

Енді сайысымыздың шартымен танысайық

1. «Мен, анамын, ұрпағын әлдилеген» (өзін таныстыру)

2. «Көтерейік көңілді ән-жырменен» (өнер сайысы)

3. «Өнерлі саусақтар» (дайын қолөнер бұйымдарды көрсету)

4. Ұлттық тағам көрмесі

5. «Білгенге маржан» (Сыр сандық»сұрақ - жауап сайысы.)

Реттік нөмірлерін анықтау

Әжем болса қасымда

Көтеріңкі көңілім

Алтын әжем тілекші

Немерелер өмірін.- деп әжелеріне арнап балалар ән айтады.

1 - Кезең Әжелеріміздің алғашқы кезеңі «Таныстыру»

(Әділқазылар алқасы сайыскерлер ұпайымен таныстырады)

2 - Кезең «Өнер сайысы»

Әжелеріміздің өнерін тамашалайық.

(Әділқазылар алқасы сайыскерлер ұпайымен таныстырады)

3 - Кезең «Өнерлі саусақтар» (дайын қолөнер бұйымдарды көрсету)Әжелерге қағаз қайшы беріледі. Ойған оюларын айтып түсіндіреді.

(Әділқазылар алқасы сайыскерлер ұпайымен таныстырады)

- әжелеріміздің тағамдары дайын блғанға дейін «-------------» биімен Дианнаны ортаға шақырамыз.

4- Кезең Ұлттық тағам көрмесі

(Әділқазылар алқасы сайыскерлер ұпайымен таныстырады)

5- Кезең «Білгенге маржан» (Сыр сандық»сұрақ - жауап сайысы.)

Сұрақтар;

1 - билет

1. «Тілашар» қай кезде жасалады.

2. Дастархан басында қандай ескертулер жасалады.

3. Ұйқасын тап: Өзінше ноян, қорқақ кім?....

2 - Билет

1. Жеті ата қалай аталады?

2. Немерелеріңізге ертегі айтып бересіз бе? Қандай? ( 3ертегіні ата)

3. Ұйқасын тап: Үні ғажап дүлдүл, бақта сайрар....

3 - билет

1. Үш арсыз қалай аталады?

2. Қазақ халқы баласын қалай тәрбиелеген?

3. Ұйқасын тап: Тұмсығымен шымшып, құрт тереді....

4 - Билет

1. «Бесікке салу» қалай жүргізіледі?

2. Әженің бала тәрбиесіндегі орны қандай?

3. Ұйқасын тап: Ормандағы аюдың

Құлпынайы көп екен,

Теріп - теріп алайық.

Қалтамызға......

5 - билет

1. Базарлық деген не?

2. Қазақстанның мемлекеттік рәміздерін ата

3. Ұйқасын тап: Аю отыр партада

Екі қолы қалтада

Апай сабақ сұраса

Ұйықтап қалды........

6 - билет

1. «Тұсаукесер» қай кезде жасалады?

2.Бес парыз қалай аталады?

3.Ұйқасын тап: Тентек болма,ақ бұзау,

Еріншек болма ақ бұзау.

Кең далада сенімен,

Ойнайық,ер……….

(Әділқазылар алқасы сайыскерлер ұпайымен таныстырады)

Қорытынды бөлім.

Әділ қазылар алқасына сөз беріліп,

Әжелерімізге сыйлар, номинациялары беріледі.

1. I-орын

2.II -орын

3. III-орын

4. -«Алтын оймақты шебер әже»

5. «Парасатты әже»

6.«Дана әже»

Сайысқа қатысқан әжелерімізді құттықтау үшін «----------» әнімен мадинаны

шақырамыз.

«Көп білгеннен емес,көп көргеннен сұра» , демекші осы әжелеріміздің көрсеткенін үлгі

тұтып, есімізде сақтап жүрейік.

Осыменен сайысымыз аяқталды. Көріскенше күн жақсы болсын.

Сау болыңыздар.

1 - билет

1. «Тілашар» қай кезде жасалады.

2. Дастархан басында қандай ескертулер жасалады.

3. Ұйқасын тап: Өзінше ноян, қорқақ кім?....

2 - Билет

1. Жеті ата қалай аталады?

2. Немерелеріңізге ертегі айтып бересіз бе? Қандай? ( 3ертегіні ата)

3. Ұйқасын тап: Үні ғажап дүлдүл, бақта сайрар....

3 - билет

1. Үш арсыз қалай аталады?

2. Қазақ халқы баласын қалай тәрбиелеген?

3. Ұйқасын тап: Тұмсығымен шымшып, құрт тереді....

4 - Билет

1. «Бесікке салу» қалай жүргізіледі?

2. Әженің бала тәрбиесіндегі орны қандай?

3. Ұйқасын тап: Ормандағы аюдың

Құлпынайы көп екен,

Теріп - теріп алайық.

Қалтамызға......

5 - билет

1. Базарлық деген не?

2. Қазақстанның мемлекеттік рәміздерін ата

3. Ұйқасын тап: Аю отыр партада

Екі қолы қалтада

Апай сабақ сұраса

Ұйықтап қалды........

6 - билет

1. «Тұсаукесер» қай кезде жасалады?

2.Бес парыз қалай аталады?

3.Ұйқасын тап: Тентек болма,ақ бұзау,

Еріншек болма ақ бұзау.

Кең далада сенімен,

Ойнайық,ер……….