Ашық сабақ Санға 7-ні қосу, азайту

Ашық сабақ

Тақырыбы: а +7 , а - 7 әріпті өрнектің мәнін табу.

Мақсаты: 7 санының қатысуымен әріпті өрнектер құру және оның

мәнін табу тәсілдерімен танысу.

Міндеттері: а) оқушылардың өткен сабақтардан әріпті өрнектер

туралы алған білімдерін пысықтап, қайталауға

арналған тапсырмалар орындату.

ә) оқушылардың логикалық ойлау, есептеу қабілеттерін

дамыту, тиянақты жауап беруді талап ету.

б) оқушыларды тапқырлыққа, жылдам ойлауға, ойын қорыта

білуге тәрбиелеу.

Сабақтың түрі: «Мақта қыз бен мысық» ертегісі желісіндегі сабақ.

Пәнаралық байланыс: Ана тілі, дүниетану.

Әдіс - тәсілі: Түсіндіру, сұрақ - жауап.

Көрнекілігі: «Мақта қыз бен мысық» ертегісінің кейіпкерлері, үлестірмелі

қима қағаз, кесте, суреттер, жазылған кеспе өрнектер.

Сабақтың барысы

I. Ұйымластыру бөлімі.

Психологиялық дайындық

Мұғалім:

Шырылдады қоңырау,

Біз сабақты бастаймыз,

Партамызға отырып,

Өзара көз тастаймыз.

Табыс тілеп көзбенен,

Жаңа білім алуға,

Алға қадам бастаймыз.

Оқушылар:

Терең ғылым сананың,

Тегі деп ой саламын.

Маңыз беріп оқимыз,

Математика сабағын.

Мұғалім:

Мен оң қолымды жайып, жүрегімнің қуанышын алып сендерге сыйлаймын. Ал сендер көршілеріңе бұрылып, алақандарыңды біріктіріп, жүректеріңнің жылуын беріңдер.

Мұғалім:

Жер бетінде ең ақылды, ең білімді, ең күшті кім? (Адам)

Ал сендерде ақылды, білімді, зерексіңдер. Ендеше бізде білімдерімізді көрсетіп, не істеп, не үйреніп жүрміз өткенді еске түсірейік.

II. Өткенді еске түсіру.

- Санды немен белгілейміз? (цифрмен)

- Фигураларды ажырату. (кесінді, түзу, қисық сызық, үшбұрыш, т.б)

- Қосудың компоненттерін атау. (қосылғыш, қосылғыш, қосынд. мәні )

- Азайтудың компоненттерін атау. (азайғыш, азайтқыш, айырма. мәні)

- Заттарды бір - біріне біріктіргенде қандай амал қолданамыз? (қосу)

- Заттарды бөліп алуда қандай амал қолданамыз? (азайту)

- Сандардың қатарын табу. (перфокарта арқылы)

- Өрнектің қандай түрлері болады? (санды өрнек және әріпті өрнек)

III. Жаңа сабақ. а + 7, а - 7 әріпті өрнектің мәнін табу.

- Бүгінгі сабақ ерекше болмақ. Ол үшін біз «Мақта қыз бен мысық» ертегісін есімізге түсіреміз. (1 сурет ілінеді)

Оқушылардан ертегінің мазмұнын сұрау.

- Балалар, бүгінгі сабағымызда 7 санының қатысуымен әріпті өрнектер құру, өрнектің мәнін табу тәсілдерімен танысып, есептер шығарамыз, тапсырмалар орындаймыз. Шапшаң, дұрыс есептей білуге, ойымызды дәлелдей білуге үйренеміз.

Мұғалім:

Оқимыз, үйренеміз, жалықпаймыз,

Білімнің шыңына біз шарықтаймыз, ұранымен жаңа сабағымызды бастаймыз.

Оқушылар:

Бізде есептен саспаймыз ,

Сабақты бірге бастаймыз.

Дәптермен жұмыс. Күннің жады. Көркем жазу.

1 - тапсырма: Сиырдың тапсырмасы: (2 сурет ілінеді) Мысыққа мен көмектесіп жіберейін. Мысал 1. (түсіндіремін)

Кестемен жұмыс. Кестедегі әріпті өрнектің мәнін табу.

а

0

1

2

3

а+ 7

7

8

9

10

а

10

9

8

7

а - 7

3

2

1

0

Кестедегі әріпті өрнектің мәнін табу үшін а әрпінің орнына 0, 1, 2, 3 сандарын қойып табамыз.

Талдап кету: Қосындылардың мәні өсу ретімен, ал айырмалардың мәні кему ретімен шыққандығына назар аудару.

2 - тапсырма: Ағаштың тапсырмасы: (3 сурет ілінеді)

Өз беттерімен жұмыс. Мысал 2. (оқушыларға оқытып тексеру.)

7 мен а сандарының айырмасын жазу, мұндағы; а = 7; 0

3 - тапсырма: Қыздардың тапсырмасы: (4 сурет ілінеді)

Тақтамен жұмыс. 3 - есеп. Берілгенін оқып, түсіндіремін. Екінші тапсырманы есепке айналдыру. ( Есепті сурет арқылы тусіндіріп кетемін)

Ш: Пломбир - 6 Ш: 6 + 4 = 10

Эскимо - 4 ? Ж: Барлығы 10 балмұздақ сатып алды.

Ш: Қайың - 4 Ш: 4 + 6 = 10

Қарағай - 6 ? Ж: Барлығы 10 ағаш өсіп тұр.

Талдау жасау: Балалар, есепті салыстырайықшы. Біріншісінде нені таптық? (балмұздақты) ал екіншісінде нені таптық? (ағашты) Есепте қандай ұқсастық бар? Екі есептің шыққан мәні бірдей екеніне назар аударту.

Сөйтіп мысық шаршады, ендеше біз мысықты сергітіп алайық.

Сергіту сәті.

Орнымыздан тұрайық,

Қолды белге қояйық.

Бір отырып, бір тұрып,

Біз тынығып алайық.

- Мысық сергіп алып, сағыз іздеп жолға шығады. Дүкеншіге келеді.

4 - тапсырма: Дүкеншінің тапсырмасы:

Өрнекті табу: 4 = 4, 5 - 2 < 7, 6 + 3

Дұрыс жазылған теңсіздікті тап: 6 > 8, 9 > 4, 5 = 7

Мәні дұрыс жазылған өрнекті тап: 7 - 5 = 2, 5 + 4 = 8, 3 + 4 = 6

5 - тапсырма: Тауықтың тапсырмасы:

Шығармашылық тапсырма. Әр қатардағы жетіспей тұрған фигураның суретін салу.

6 - тапсырма: Тышқанның тапсырмасы:

Кел, ойнайық! Жолаушыларға өз орындарын табуға көмектес:

5

4

3

2

1

Қалқанқұлақ. Ұл. Қоян. Қыз. Піл.

9 + 1 - 5 = 5 6 - 4 - 1=1 6 - 4 + 2 =4 7 + 0 - 5 =2 10 - 8 + 1 =3

- Енді, мысық келген жолымен қайта қайтады.

- Сонымен, ол Мақта қызға келгенде, оның да тапсырмасы бар болып шықты.

7 - тапсырма: Мақта қыздың тапсырмасы:

Санамақ айту. Көктем келді сөзі шығады. Жоғарыдағы көктем мезгілінің суретіне назар аудару.

- Қазір жылдың қай мезгілі? Көктем.

- Көктем айларын атайықшы: Наурыз, сәуір, мамыр.

- Көктем мезгілі туралы әңгімелеу. (оқушыларға әңгіме құрату)

- Көктемде күн жылынады. Қар ериді. Жыл құстары келеді. Ағаштарға бүршік шығады. Жер көгереді. Малдар төлдейді. Адамдар ағаш егеді.

- Осыдан кейін Мақта қыз мысыққа біреудің еңбегіне қол сұқпа, үлкендердің тілін ал, әдепті болып жүр,- деп ақылын айтып, екеуі дос болыпты.

- Ал біздер қандай болуымыз керек?

- Біз де әдепті, алған затымызды уақытында қайтаратын, үлкенді сыйлайтын адал болайық!

IV. Сабақты қорытындылау.

-Не үйрендік? Не білдік?

• Әріпті өрнектің мәнін табуды.

• Мақта қыз бен мысықты достығын.

• Есептер шығардық.

• Ойын ойнадық.

• Поезға жолаушыларды орналастырдық.

• Көктем туралы әңгімеледік.

V. Оқушыларды мадақтау. Көктем гүлдерімен мадақтау.

- Қызғалдақ гүлі сабаққа «өте жақсы» қатысқандарға.

- Бәйшешек гүлі сабаққа «жақсы» қатысқандарға үлестіру.

VI. Сабақты аяқтау.