Внеклассное мероприятие Мини ээҗин келн

Раздел Начальные классы
Класс -
Тип Другие методич. материалы
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

«Мини ээҗин келн » - нәр-наадн

Күцл: элгн-садн, өрк-бүл ни негн бәәҗ, кен ахан күндлҗ, нег-негндән байр үүдәх сурһмҗ өгх.

Дөнцл: цааснд бичәтә үлгүрмүд, зургуд, интерактивн самбр, презентац.

Нәәрин йовуд

1. Сурһмҗлачин эклц үг:

Өлгәтә цагасн эклҗ

Өвртән шаахад таалсн

Өскәд босхсн ээҗәсм

Өлзәтә күн бәәхий?

Уга! Мини санаһар, ээҗ эк хойр һазр деер бәәсн тоотас үнтә юнла чигн әдлцшго. Ээҗин җирһлд юн эс үзгтсн болхий? Гесән теҗәхин төлә бичкнәсн экләд көдлсмн. Ода чигн көгшн ээҗ сүв селвгән өгнә.

« Күүнә кеерүл - келн, келнә кеерүл үлгүр» - гидг хальмг улс келнә.

- Тиигәд, кен ээҗин тускар үлгүр келҗ өгнә.

1-гч сурһульч:

Экин санан үрнд - үрнә санан көдәд.

2-гч сурһульч:

Ээҗин ачиг - альхн деерән

Мах чанҗ өгвчн - хәрүлҗ болшго.

3 гч сурһульч:

Эгчнр олн болв чигн,

Ээҗлә әдл болдго.

4-гч сурһульч:

Экин зөв кезәчн ахлдг.

2. Ээҗнрән йөрәлһн.

Сурһҗлач: йөрәл уга алтнас - йөрәлтә зес деер - гиҗ хальмгуд келнә. Мана бичкдүд йөрәл келхәр седҗәнә.

5-гч сурһульч:

Ирсн мана гиичнр!

Кезә чигн маңнань тиньгр

Махлань хооран,

Ут наста, бат кишгтә болтн!

6-гч сурһульч:

Оньдин гиичд йовҗ, эл-ни болҗ,

Үлгүр, үзмҗ болҗ,

Амулң менд бәәхиг

Олн Деедс бурхд

Аав-ээҗин сәкүсн өршәтхә!

3. Ээҗдән шүлг келлһн.

Шугран Вера «Ээҗдән» - 1-гч сурһульч

Балакан Алексей «Март сарин 8» - 2-гч сурһульч

Хоньна Михаил «Ээҗ» - 3-гч сурһульч

4. Шог - наадн «Ээҗ, намаг ол!»

5. Ээҗнрин марһан «Күүкд улсин нер орлсн дуд».

6. Белг өглһн:

- һарарн кесн кегдлмүд белглһн.

7. Ашлт.

- ээҗнрин селвг;

- сурһульчнрин ханлт: Увшан Альчан Яван

Эрт өрүһәр босад,

Ээҗин цәәһәс уунав,

Эрдм - сурһулян дасад,

Эвтә йөрәлинь соңснав.

- Сурһмҗлачин болн багшин йөрәлин үг:

Әрүн седкләсн цуһараһин эн өдрлә йөрәҗәнәвидн.

Окн Теңгрин сәкүсн евәҗ,

Окн Теңгрән дурдҗ,

Уурта хотан кеҗ,

Кезә чигн байрта-бахтаһар бәәҗ,

Сансн санантн номин йосар бүтҗ,

Өр җөөлн болҗ йовхитн

Олн Деедс евәтхә!


© 2010-2022