- Преподавателю
- Начальные классы
- Біз-ананың гүліміз атты ертеңгіліктің бағдарламасы
Біз-ананың гүліміз атты ертеңгіліктің бағдарламасы
Раздел | Начальные классы |
Класс | - |
Тип | Другие методич. материалы |
Автор | Каленова К.И. |
Дата | 06.02.2015 |
Формат | docx |
Изображения | Нет |
Күні: 04.03.2015.
Тақырыбы: «Біз-ананың гүліміз».
Мақсаты:Балаларға аналар мерекесі туралы түсінік беру;аналарды,әжелерді
сыйлай білуге баулу.
Балалар қолдарына гүл ұстап залға кіріп,ортада тұрған әдемі вазаға гүл шоқтарын жинайды.Музыка ойнап тұрады.
Жүргізуші: -Армысыздар,ақ жаулықты әжелер,ардақты да аяулы аналар және әріптестерім!
Армысыздар,ару қыздар,абзал ана,
Анаға тең келетін бар ма дана?
Мерекең бүгінгі күн құтты болсын,
Қуанышпен құшағың гүлге толсын!
«8-наурыз-халықаралық әйелдер күні» мерекесі құтты болсын!
Ал бүгінгі өздеріңізге арналған «Аяулы анам» атты мерекелік бағдарламамызды ашық деп жариялаймын.
Хор «Бөбектер» әні орындалады.
Құрметті аналар, балаларыңыздың құттықтау тілектерін қабыл алыңыздар!
Дияр: Көктем күні шуақты,
Көктем күні қуатты.
Ақмарал: Менің әжем мейірбан,
Мені жақсы көреді.
Қажетіне жарасам,
Жас балаша күледі.
Ақшолпан: Мереке күніңмен,
Қарсы алам өзіңді.
Ерасыл: Аналарды сүйеміз,
Сөзін ойға түйеміз.
Әжені де ардақтап,
Әдеппен бас иеміз.
Жанерке: Әже,ана,әпкелер,
Құтты болсын мереке!
Осы келген ортаға,
Тілеймінз біз береке.
Інжу: Біздер доспыз гүлдермен,
Текке оны жұлмаймыз.
Мерекеде бір-бірден,
Аналарға сыйлаймыз.
Амира: Ақ сүтіңнің нәріне,
Тойып өстім,
«Көбелектер» биі.
Орындайтындар: Ақмарал,Адилия,Інжу,Нұршат,Тамирис,Амира,Ақшолпан.
Қимылды жаттығу: «Қарлығаш»
Ендеше балалар әжелерімізбен,аналарымызға арналған тақпақтарымызды айтайық.
Адилия: Әжем менің әлі де,
Ұқсамайды кәріге.
Шай қайнатып береді,
Қажет болса бәріне.
Мейірхан: Ана біздің күніміз,
Ананың біз күніміз.
Дәулет: Көктем қандай көңілді!
Күміс жаңбыр төгілді.
Сезім:Мен гүлдерді жұлмаймын,
Торғайларды қумаймын.
Айтқан сөзді тыңдаймын,
Анашымды сыйлаймын.
«Ақ мамам» әні орындалады.
Орындайтындар:Адилия,Дәулет,Нұршат.
Нұршат: Көктем келді бүгін,
Күнім төкті нұрын.
Сайрап барлық құстар,
Ән салуға құштар.
Ерхан: Мені өсірген әжетай,
Еңбегің зор екен.
Құтты болсын,құтты болсын,
Құтты болсын мерекең.
Нұрқожа: Бал бөбегін баптаған,
Анам үшін мақтанам.
Аялайтын біздерді,
Көп жасасын ақ мамам.
«Батырлар биі» Орындайтындар: Дәулет,Ерасыл,Нұрсұлтан,Ерхан.
Қимылды жаттығу: «Паравоз».
«Бантиктің түстерін ажырат» ойыны:
«Орыс биі» Орындайтындар: Дияр,Сезім,Мейірхан,Жанерке.
Хор «Әжеме» әні.
Жүргізуші: Бақшамызға көп еңбегін сіңірген,
Әр баланың жай-күйіне үңілген.
Бойларында жайдары мінез,жылу бар.
Қуанғаны жүздерінен білінген.
Келесі құттықтау сөз кезегін балабақшамыздың меңгерушісі: Д.Әнуарқызына,психолог:Д.Махметқызына,әдіскер:А.Табылдықызына беріледі.
Жайдары да,ақжарқын аналарымыздың көңілін көтеріп,бір ойын ойнатқым келіп отыр.
Ойын: «Шар жару».
Жүргізуші: Ана көзі күн нұрымен пара-пар,
Тұла бойға қуат болып таралар.
Өміріме шуақ шашып әрқашан,
Көп жасаңдар ақ ниетті әжелер мен аналар!
Құрметті қонақтар,бүгінгі «Біз-ананың гүліміз»тақырыбындағы ертеңгілігіміз аяқталды.Сау болыңыздар!.