Конспект урока Ауаның жер бетіне таралуы (3сынып)

Сабақтың мақсаты: Оқушыларға ауаның жер бетіне таралуы, жел туралы түсінік беру.

Сабақтың міндеттері: Білімділік. Желдің пайда болу себебін түсіндіру, желдің күшін, бағытын өлшейтін құрал - флюгермен (желбағар) таныстыру. Дамытушылық. Оқушылардың табиғат құбылыстары туралы танымдық қабілеттерін дамытып, желді бағыттауға жаттықтыру.

Тәрбиелік. Табиғатты сүйе білуге, қорғауға тәрбиелеу.

Сабақтың типі: Жаңа материалды игерту және жалпылау сабағы.

Сабақтың түрі: Өзіндік ізденіс сабағы.

Сабақтың әдіс-тәсілдері: Түсіндіру. Сұрақ-жауап. Өзіндік ізденушілік. Ойын. Көрнекілік. Ой қозғау. Тіл дамыту. Топпен жұмыс. Ассоциациялық карта.

Пәнаралық байланыс: Ана тілі, бейнелеу өнері.

Сабақтың жабдығы: Интерактивті тақта, тірек сызба, слайдтар, оқулық.

Сабақтың барысы: І. Ұйымдастыру кезеңі. Оқушыларды сабаққа әзірлеу. Психологиялық дайындық жасау (Бір-біріне жылы тілек білдіру).

ІІ. Үй тапсырмасын тексеру. Тірек білімді еске түсіру. Тестілік тапсырмаларға жауап алу. Географиялық карта.

- Жергілікті жердің сұлбасы неге керек?

Сұлбаның негізгі белгілері - жер бетін егжей-тегжейлі (жеке үйлерге дейін) көрсететін, шартты белгілер қойылады, шағын аумақты қамтиды, жер бетіндегі қашықтық аз кішірейтіліп алынады.

- Ал, үлкен алқапты, облыстың, бүкіл республиканың территориясын немесе бүкіл жер шарын түсіру керек болса қайтеміз? Онда қашықтықты жүздеген, мыңдаған есе ғана емес, жүз мыңдаған, миллиондаған есе кішірейтіп алуға тура келеді.

Үлкен аймақты бейнелеу үшін географиялық карта қолданылады.

Картаның негізгі ерекшеліктері: 1. Үлкен аумақ-облыс, мемлекет, бүкіл жер шар бейнеленеді.

2. Қашықтық өте көп мөлшерде кішірейтіліп алынады. Сұлба сияқты картада да жер бетіндегі заттар шартты белгілермен белгіленеді. Оның үстіне түрлі түсті бояулар кеңінен қолданылады.

ІІІ. Сергіту минуты.

Жер шары дәу әлем,

Қоршаулы ауамен.

Ауасыз кім шыдар,

Ауасыз тұншығар.

ІV. Жаңа сабақ. Ауаның жер бетіне таралуы Жер бетінің ауаны жылытуы Жел Кіріспе бөлім. Базалық білім. Ауа жердің бетінен жылынады Ауа қозғалысынан жел пайда болады.

Ауа

Ауаның пішіні болмайды.

Мөлдір Иіссіз Дәмсіз

Серпімді Жылуды, суықты өткізбейді.

Ассоциациялық карта құру.

І топ. Ауаның қасиеті.

ІІ топ. Ауаның құрамы.

ІІІ топ. Ауаға байланысты мақал-мәтелдер.

І топ

орын алады

мөлдір

түссіз

суығанда кішірейеді

ауа көлемі

жылуды нашар өткізеді

ІІ топ

азот

көмірқышқыл газы

оттегі

ІІІ топ Мақалдар

V. Мәтінмен жұмыс. Мәтіндерді тізбектей оқыту. Тұтас оқу.

Төмендегі сұрақтар мен тапсырмаларға жауап алу.

- Ауа райы дегеніміз не? - Ауа райының құбылыстарына нелер жатады? - Ауа райының жай-күйін не бақылап отырады? Ауа райы ылғалдылық бұлттылық Температура жел қысым жауын-шашын Ауа райының құбылыстарына осылардың бәрі жатады. Ауа райының жай-күйін метеорологиялық стансаларда бақылап отырады.

• Жел деп нені айтамыз?

• Желдің қандай түрлері бар?

Жер бетіндегі ауаның бір жерден екінші жерге ауысуын жел деп атайды.

Жел

солтүстік желі батыс желі

оңтүстік желі шығыс желі

VІ. Желбағар -желдің күшін және бағытын анықтайтын құрал.

Күн сәулелері жер бетін, топырақты қыздырады. Жылу ауаға пештен таралған сияқты жер бетінен таралады. Ауаның жер бетіне таяу қабаты ғана жақсы жылынады да, биіктеген сайын жылу мөлшері бірте-бірте азая береді. Сен білесің бе? Ауа райын болжайтын жәндіктер 1. Шыбын 2.Шегіртке 3. Бал арасы

Дебат: «Табиғат асыраушымыз», «Табиғат асыраушымыз емес» деген тақырыптарда өзара пікір алмасу ұйымдастыру.

І топ «Табиғат асыраушымыз» деген оқушы былай дейді. Адам табиғатсыз тіршілік ете алмайды. Табиғат бізді кешірімді мақсаткер әрі сұлу жан етіп тәрбиелейді. Ол - денсаулықтың, сергектіктің және жасампаздықтың қайнар бұлағы.

ІІ топ «Табиғат асыраушымыз емес» емес деген оқушы былай дейді. Табиғат бізді асырап отырған жоқ. Өзімізді өзіміз асырап отырмыз. Себебі: біз үйді өзіміз салдық. Табиғат салып берген жоқ. Пайдалы қазбаларды да өзіміз өндіреміз. Машинаны, зауыттарды, фабрикаларды адамдар өздері салады.

VІІ. Үйге тапсырма. Мәтіндерді оқып, мазмұнын білу.

VІІІ. Сабақты қорытындылау. Оқушылар білімін бағалау. Рефлексия.

Оқушылардың өз білімдерін бағалауы.