Мектептен тыс шара «Ардақтайық Ананы»

№3 Хромтау орта мектебі

Мектепалды даярлық тобы

0^ә сынып

Ардақтайық ананы!

Өткізген: Жаконова Д.Б.

2012-2013 оқу жылы Тақырыбы: Ардақтайық ананы!
Мақсаты:
Білімділік: Оқушылардың білімділік белсенділерін, ұжымдылығын күшейту.

Дамытушылық: Топтың абыройы үшін, жанын салып, еңбек ету, бір - біріне жолдастық, көмек көрсету сезімін дамыту.
Тәрбиелік: Әдепті, әдемі, кішіпейіл, үлкенге қамқор болуға тәрбиелеу.
Көрнекіліктер: Топтың ішін безендіру, Аналарға, қыздарға байланысты мақалдар. т. б.
І. Мұғалімнің ертеңгілікті бастауы. Мұғалім: - 8 Наурыз - халықаралық әйелдер күніне арналған ертеңгілікті өткізу үшін шақырылған аналарға, әжелерге балалардың өздері даярлаған шағын уақытқа арналған өнерлерін көрсетуге рұқсат етіңіздер. Халқымыз ғасырлар бойы аналарды қастерлеп келген. Сол дәстүр қазір жалғасуда. Ұрпақ өсіріп жатқан аналарға қалай риза болмасқа!
Ел жатқанда жатпаған. Мен деп тыным таппаған, Бақыты үшін балаңның, Аман сау бол, ақ мамам, - деген әдемі әндер балалардың аузынан түспей мәңгі айтыла берсін! - Құрметті аналар мен біздің тобымыздың қыздарына 8 - Наурыз - халықаралық әйелдер мерекесі құтты болсын! Аяулы аналарға ұзақ ғұмыр, отбасыларына қуаныш пен амандық тілеймін.

1. Оқушы: Шуақты көктем келді гүлін алып Көктемнің мерекесі бүгін анық. Өмірдің көктемі де, гүлі - аналар, Ана деп бас иеді күллі халық.
2 Оқушы: Біз ғана емес, Қадыр тұтқан бабалар Аналардан туған небір даналар Ана деген тіршіліктің тірегі Армысыздар қасиетті аналар!
3 Оқушы: Дүниедегі әр адамзат баласы, Болсын мейлі ол бір елдің данасы, Мәңгілікке қарыздар боп біреуге Өтеді екен, ол - өзінің Анасы.
4. Оқушы: Бауырсақ шайнап жегізген Жая десем жал беріп. Шекер десем бал беріп Аялап мама емізген Аяулы анам аман бол! 5. оқушы: Айтсаң болды тіл алам, Әйбат мамам, ақ мамам. Сені көрсем қуанам, Сен керексің қайда да.
6. Оқушы: Жүре берсем қасыңда Әйбат анам қуанам Ботам деген дауысыңнан Мен мәз болып оянам
7. Оқушы: Кір түсірмей жағама Шашымды да тарайсың Мектебіме барарда Мейірлене қарайсың.
8. Оқушы: Тау қопарып, тасты үгіп Тұрғыздың сен не қала Саған қандай жақсылық Жасай алам мен ана!
9. Оқушы: Мамам менің ақ мамам, Балын маған сақтаған, Әнін маған сақтаған Бәрін маған сақтаған.
10. Оқушы: Мамам менің ақ мамам Гүлді маған баптаған Жырды маған жаттаған Мен ұйықтамай жатпаған.
11. Оқушы: Шалқып тасып әніміз Жадырасын жанымыз Ана сені құттықтап Әндетеміз бәріміз.
12. Оқушы: Өмірге - ана бұлақ, ана - пана, Өмірді өркендетер ана ғана Өсірген талай шешен, талай көсем Талай ер, талай ақын, талай дана Ана! ол - біздің елге ардақты адам.
13. Оқушы: Ардақты анам, асылым Теңдігіңді жырлаймын. Жырымның ең асылын Мерекеңе сыйлаймын.
14. Оқушы: Келбетіңде ұлылық, Даладан кең пейілің Ана деген - жылылық, Ана деген - мейірім, Ақыл құйған санама Күннен де артық расында Күн алыста, ал анам, Ылғи менің қасымда.
15. Оқушы: Сағындым мамық қолыңды Күтемін сенің жолыңды. Сен үшін ана, өмірде Қоюға бармын жанымды.
16. Оқушы: Әлпештеген аялаған, Ақ сүт берген апатайым. Сәлем жаздым бүгін саған Мейрамыңмен құттықтаймын.
ІІ. Музыкалық сәлем. Аналарға арнап оқушылар «Анаға сәлем» әнін орындайды (хормен)

• Мұғалім сөзі: 8 - Наурыз - бүгінгі халықаралық әйелдер күні, жылдың басқа мезгілінде болуға қисыны келмейтіндей. Өйткені көктем секілді, әйелдерде адамзатқа өмір, жылылық пен әсемдік сыйлайды. Құрметті аналар бүгінгі мерекелеріңіз жақсы өтсін, уақыттарыңызды бөліп келгендеріңізге рахмет. Осымен «Ардақтайық ананы» атты ертеңгілігіміз аяқталды. Өздеріңіздің іштеріңізде қыздарға арнап тілек айтам деушілер болса рұқсат.
• Рахмет, сау болыңыздар!