- Преподавателю
- Начальные классы
- Үү дыбысы және әрпі (сауат ашу)
Үү дыбысы және әрпі (сауат ашу)
Раздел | Начальные классы |
Класс | - |
Тип | Конспекты |
Автор | Кабдулданова Р.А. |
Дата | 19.01.2015 |
Формат | docx |
Изображения | Нет |
Кабдулданова Рыстай Айтмухаметовна
Семей қаласының №21 жалпы орта мектебінің мектепалды даярлық тобының тәрбиешісі.
Сауат ашу және жазуға үйретуге дайындық
Білім беру саласы: Қатынас Тақырыбы : Үү дыбысы және әрпі Мақсаты:Балаларды Үү дыбысы және әрпімен таныстыру. Осы дыбысқа арналған сөздер ойлату арқылы сөздік қорларын байыту.Сөзге дыбыстық талдау жасау дағдыларын қалыптастыру. Әдемі жазуға үйрету. Тапсырмалар орындату арқылы алған білімдерін қорыту.
Көрнекілік:Слайд: "Қоян мен түлкі" ертегісі, ү дыбысына байланысты суреттер
Қолданатын әдіс- тәсіл: Көрсету, түсіндіру, сұрақ- жауап, әңгімелеу, әңгімелесу, ойын, көрнекілік
р/с
Іс-әрекет кезеңдері
Жетекшінің әрекеті
Балалардың әрекеті
1
2
3
Мотивациялық-қозғаушы
Ұйымдастыру-ізденуші
Рефлексивті-түзетуші
Балалардың оқу құралдарын түгендеп, дайындықтарын тексеру.
Жетекші:
-Бүгінгі оқу әрекетінде барлығымызға сәттілік тілеймін!
-Балалар, сендерге ертегі тыңдаған ұнай ма?
Өткен оқу әрекетінің тапсырмасын сұрау.
-Сендер ертегі тыңдағыларың келсе, мына сөздерді оқып берулерің керек: Көл, өрік, көлік, көрпе, көрік, көз, өзен
Слайдтан "Түлкі мен қоян" ертегісін көрсетіп, балалардан қысқаша мазмұнын сұрау
-Түлкі әділетсіздік жасап, қоянды үйсіз қалдырды, бірақ біз түлкідей әділетсіз емеспіз. Біз түлкіге жаңа үй сыйласақ қайтеді?-Мынау не?-Үй.-Үй сөзі қай дыбыстан басталып тұр?-Ү дыбысынан. -Қалай ойлайсыңдар,Ү дыбысы дауысты ма, дауыссыз ба?
-Ү дауысты дыбыс екен. Ол сөздің басында және ортасында ғана кездеседі.Ү дыбысын айтқанда аузымызды үйректің аузына ұқсатып, алдыға қарай созамыз. Жіңішке айтамыз, өйткені Ү- жіңішке дыбыс.
Балалар тақтадағы суреттердің аттарын атайды.
Үтік, үш, үйрек, үй, үкі
Оқулықпен жұмыс
Оқулықтағы сөздерді оқыту.
Оқулықтағы Үү әрпін бастырып жазу: Үү әрпінің баспаша және жазбаша түрі бар, жазбаша түрімен 1- сыныпта танысасыңдар, бүгін баспаша түрін жазып үйренеміз, Үү әрпінің жазылуы үш элементтен тұрады.1- оңға қарай көлбеу сызықты төмен түсіреміз, 2- қолымызды үзбестен жоғары қарай көлбеу сызық жүргіземіз. 3-сызықтардың түйіскен жерінен түзу сызықты тура төмен түсіреміз
Сергіту сәті
Үй мен үйшік жасайық
Үзеңгіні басайық
Үрлеп үлкен шарларды
Үзілісте шашайық!
1- тапсырма
Түлкі орман ішінде келе жатып итке кездесті. Оны иттен құтқару үшін сөздерге сөйлем құрайық:
...үтік...
...үйрек...
...үкі...
...үш...
...үй...
2- тапсырма
-Ит түлкіге таяп қалды. Мына тапсырманы орындасақ, түлкі иттен құтылып кететін сияқты
Суреттердің ішінен Ү дыбысы бар суреттерді табу керек:
1.Қоян, үй, доп, үкі, қалам, алма, қуыршақ, аю, үйрек.
3- тапсырма
Жұмбақтар шешу
1.Баласын ертіп соңынан
Сүңгіп, жүзіп үйретті
Су жұқпайды тонына
Кім білмейді ...? (үйректі)
2.Көрмедім еш үйіңді
Қолданбас бұл бұйымды
Жазып қыртыс-тыртысын
Жаңалайды киімді (үтік)
3. Күндіз соқыр не деген?
Түнде сондай көреген (үкі)
4- тапсырма
-Түлкінің келе жатқан үйінде нелер тұрады деп ойласыңдар? -Иә, түлкі мен әтеш тұрады екен. Олардың негізгі мекендері орман ба?-Жоқ, адамдардың жаны, өйткені олар үй құстары. Сондықтан олардың үйге баруына көмектесейік
Логикалық тапсырмалар
1. Күшік пен мысықты өз үйшігіне апар
2. Алдыда 1 үйрек
Артта 1 үйрек
Ортада 1 үйрек
Барлығы неше үйрек? ( 3 )
-Бұл тапсырманы да дұрыс орындағандықтан, тауық пен әтеш аман- есен адамдардың жанына жетті. Ал түлкі болса, сендерге рахмет айтып тұр!
-Бүгін қандай дыбыспен таныстық?
-Үү дыбысы дауысты ма , дауыссыз ба?Қандай сөздерде Ү дыбысы бар екен?
-Болашақта сендердің де әдемі үйлерің болсын деген тілекпен сендерге мынандай үй сыйлағым келеді!
Оқу іс- әрекетіне белсенді қатысқан балаларды мақтап- мадақтап, бағалау.
Оқу құралдарын түгендеп, ұйымдастырылған оқу іс-әрекетіне дайындалады.
Ө дыбысына байланысты берілген сөздерді оқиды
Ертегіні қысқаша әңгімелеп береді
Үү дыбысының айтылуымен танысады
Ү дыбысы бар сөздерді айтып береді
Жаңа сөздерді оқып, Үү әрпін жазады
Жаттығу жасайды
Бұл тапсырма бойынша суретке қарап отырып сөйлем құрайды
Берілген сөздердің ішінен ү дыбысы кездесетін суреттерді атайды
Жұмбақтарды шешеді
Логикалық тапсырманы орындайды
Сұрақтарға жауап береді
Күтілетін нәтиже:
Білу керек: Үү дыбысы және әрпін, сөздерді дұрыс оқуды, әдемі, таза жазуды
Болу керек: Өтілген дыбыстар туралы білімдері
Істей білу керек: Тапсырмаларды дұрыс орындау, Ү дыбысы бар сөздер айту, сөздерді буынға бөлу және дыбыстық талдау жасау