Ашық сабақ БИС технологиясы бойынша Махамбет пен Жақия әдебиеттік оқу 3 - сынып

Сабақ тақырыбы: Махамбет пен Жақия.

Сабақ мақсаты: Мәтінді түсініп оқу.

Сабақ міндеттері:

Білімділік: Махамбет пен Исатай туралы түсінік беру.

Дамытушылық: Ел тарихын оқып, дүние танымын кеңейту.

Тәрбиелік: Батырлар-ел қорғаны екеніне көз жеткізу.

-Сәлеметсіздер ме оқушылар бүгін сабақта неше оқушы?

-Жақсы яғни біз 63 пайызға жетіп 13 баладан жауап алуымыз керек.

-Сабағымызды бастамай тұрып ортамызға сыныбымыздың көшбасшысын шақыруға рұқсат етіңіздер

1.Көшбасшы сөзі:

-Құрметті де ,білімді менің сыныптастарым.Бүгін біз сабақта,батыр бабаларымыздыңтапқырлығы,шыдамдылығы,білімділігі біздің бойымызға дарығанын дәлелдеп жетістіктерге жетеміз «Жетеміз,жетеміз,жетеміз!!!»

Біз тек бестік аламыз «Бестік,бестік,бестік!!!»

Біз әрқашанда болашақ Қазақстанымыздың мақтан тұтар ұрпағы боламыз «Боламыз,боламыз,боламыз!!!» яғни білімге деген құштарлыққа,күреске дайынбыз ба??? «Әрқашанда дайынбыз!!!»

-Жақсы ендеше тақтаға кезеңдерді іліп сол кезеңдер бойынша жұмыс жасаймыз

1-кезең:63 пайыз Уақыт жазу

Үй тапсырмасы:Ақжолтай Ағыбай батыр

1. Ресей патшалығы не ойластырды?

-Ресей патшылығы бүкіл Қазақстан аумағын бағындыруды ойластырды

2. Патша үкіметі қай жерлерге әкімшілігін жүргізді?

- Патша үкіметі Көкшетау және Қарқаралы жерлеріне әкімшілігін жүргізді.

3. Қандай жерлерден қазақтарды ығыстыра бастады?

-Ең құнарлы әрі шұрайлы деген жерлерден қазақтарды ығыстыра бастады.

4. Бағынғысы келмегендерге не істеді?

-Бағынғысы келмегендерге күш көрсетті

5. Кенесары кімнің ұрпақтары?

-Кенесары Қасымхан ұрпағы

6. Ол нені мойындағысы келмеді?

-Патша үкіметінің әмір жүргізгенін мойындағысы келмеді

7. Халықты не істеуге шақырды?

-Халықты өздерінің туған жерін басып алушылардан қорғап қалуға шақырды.

8. Кімдермен ақылдасып отырды?

-Ол төңірегіндегі кеңесшілермен,қолбасшыларымен үнемі ақылдасып отырды

9. Кенесарының бірінші кеңесшісі кім болды?

-Кенесарының бірінші әскери кеңесшісі Ағыбай болды

10. Ағыбай қайда дүниеге келген?

-Ағыбай Ұлытау өңірінде Қоңырбай батырдың отбасында дүниеге келген

11. Әкесінен неше жасында айрылды?

-Екі жасында әкесінен айрылды

12. Ағыбайдың анасы кім?

-Ағыбайдың шешесі Қойсана

13. Ол кімнің қызы болған?

-Қазақ батыры Байқозының қызы болған

14. Байқозы кімнің серігі болды?

-Абылай ханның сенімді серігі болды

15. Ағыбай нені көзімен көріп өсті?

-Ағыбай ес біліп,оң-солын танығаннан бастап-ақ бейбіт жатқан қазақ ауылдарына патша жасағы аяусыз жәбір көрсеткенін

16. Неше жасында атқа қонды?

-13 жасында атқа қонады

17. Ағыбайды халық неге жақсы көрді?

-Қолбасшылығы мен батырлығының арқасында халық сүйіспеншілігіне бөленді

18. Ағыбай батыр туралы нелер айтылды?

-Ағыбай батыр туралы халық арасында небір қызық хикаяттар,өлең-жырлар,қиса-дастандар туған

19. Батыр бастаған іс қалай бітіп отырған?

-Ағыбай бастаған жол жауды жеңбей қоймайтын болған

20. Халық оны қалай атап кетті?

-«Ақжолтай» батыр деп атап кеткен -«+» «-» санау
2-кезең: Уақыт жазу

Тірек сөздермен жұмыс

1. Исатай

2. Махамбет

3. Жақия

4. найзалы жау

5. айла

6. ұран

7. қалың қол

8. ақырған дауыс

-Жазып болсақ көршімізбен ауыстырып тексереміз.Кімде 9-10 сөз ол «+» болып есептеледі қалғандары «-»

-Бүгінгі біздің жаңа тақырыбымыз «Махамбет пен Жақия»Тақтаға көрнекіліктерді ілу.Кітаптарын ашып оқуларын ұсыну .Уақытты жазу

3-кезең:Уақыт жазу

Қарама-қарсы сұрақтар:

1. Исатай мен Махамбет не үшін күресті?

-Қайғылы қара заманда қазақ халқының азаттығы үшін күресті

2.Кімге қарсы күресті?

• Жәңгір ханның әскеріне қарсы күресті

3.Жақия деген кім?

-Исатайдың батыр баласы

4.Ол неше жаста?

-Ол 14 жас шамасында болған

5.Ол қандай болған?

-Ол ержүрек батыр,асқан қайратты,атқан оғын дәл тигізетін мерген болған

6.Жақияның соғысқа нешінші рет қатысуы еді?

-Жақияныш тұңғыш қатысуы еді

7.Жақияны жаулар немен қоршап алды?

-Найзалы жау әскері

8.Махамбет нені ұмытқан сияқты?

-Өзін қоғауды бүтіндей ұмытты

9.Ол кімді қорғады?

-Жақияны төнген найзадан қорғап жүр

10. Махамбетке қанша найза төнді?

-40- 50 найза төнді

11. Махамбет көпшікті жұлып алып, не істеді?

-Махамбет астындағы көпшікті жұлып алды да,жүнін бұрқыратып шашып кеп жіберді

12. Құстың жүнінің қандай пайдасы болды?

-Құстың жүні ық жақтағы жауға еш нәрсе көрсетпеді

13. Қандай ұран аспанды жаңғырықтырды?

-«Ағатайлаған» ұран аспанды жаңғырықтырды

14. Неден қара жер дүрсілдегендей болды?

-Шапқан аттардың дүрсілінен қара жер солқылдағандай болды

15. Топ аттылының алдында кімдер келе жатты?

-Халықтың қалаулысы Исатай мен оған ілесе келе жатқан бел баласы жалынды жас Жақия еді

16. Исатай қалай келе жатты?

-Исатай ақырып келе жатты

17. Оған ілесіп кім келе жатты?

-Оған ілесіп Жақия келе жатты

18. Жау неге қашты?

-Исатайдың ақырған даусы естіліп,ол бастаған қалың қол көрінгенде,жау қаша жөнелді.

19. Батыр не істеді?

-Батыр хан әскерін бастырмалата қуып бара жатты

-«+» «-» санау

4-кезең.Уақыт жазу

Сын тұрғысынан сұрақтар

1. Бұл әңгімеде Жәңгір ханның батырлығы суреттеледі. -

2. Исатайдың жан серігі Жақия. -

3. Исатай мен Махамбет халық азаттығы үшін күресті. +

4. Олар Жәңгір хан әскеріне қарсы күресті +

5. Жақия Махамбеттің баласы еді. -

6. Жақия 15 жаста екен -

7. Жақия мерген, ер жүрек батыр, қайратты еді +

8. Жақия тұңғыш рет соғысқа кірді.+

9. Махамбет өзін қорғады. -

10. Жақияға төнген найзаларды қағып жүр +

11. «Сен соғыспа, қайт» десе Жақия көнетін еді.-

12. Жақияны айламен қайтарып жіберді +

-Біздің арттағы әскерлер тез жетсін,ілестіріп кел деді

13. Жақия Махамбетті тыңдамады -

14. Махамбетпен бірге бірнеше адам жаумен айқасты. -

15. Махамбет көпшікті жұлып алып, жүнін бұрқыратып шашып жіберді.+

16. Бұл айланың пайдасы болған жоқ.-

17. «Ағатайлаған» ұран естілді. +

18. Ақтабанмен ойқастап Жақия келе жатты. -

19. Исатайдың қасында Жақия бар еді. +

20. Хан әскері жеңді. -

• «+» «-» санау жазу

5- кезең .Уақыт жазу

Тақырыптық сөздік қор.
-Кімде ең көп сөз қоры ,кімде ең аз оқыту «+» «-»

Матрицамен бағалау .Бүгінгі сабақта үлкен жетістікке жеткендері туралы айту