Оқу техникасы 4 сынып

Оқу техникасы Ана тілінің баға жетпес құдіреті мен қуатының,баланы ерлікке баулуға,Отанын,туған халқын сүюге тәрбиелеудегі орны ерекше.Балалар ана тілі арқылы адамгершілікке,еңбекке патриоттық рухқа тәрбиеленеді.Сондықтан да «Ана тілі» мектептерде ең негізгі пән болып табылады. Ана тілінде оқуға дағдылану арқылы басқа пәндерді оқып үйренуге жол ашылады.Ана тілінде жақсы оқи алатын бала өзі оқыған мәтіндегі ойды дәл түсіне алатын болады. Осы мақсатты орындау үшін «Ана тілі» оқушыға мынадай міндеттерді жүктейді. -дұрыс,түсініп,мәнерлеп және шапшаң оқуын қалып тастыру және жетілдіру -көркем шығармаларды оқуға деген қызығушылығын арттыру -шығарманың түпкі мазмұнын түсініп,кейіпкерлердің көңіл күйіне ортақтасып эмоциялық қабылдауын қамтамасыз ету -мәтін мазмұнының логикалық жүйесін сақтай отырып мәнерлі оқу тәсілін игеру -өзіндік ой-пікірін айта білу Осы міндеттерді орындау үшін баланың оқу техникасына ерекше мән берген жөн.Оқу сапасы-дұрыс оқу,мәнерлеп оқу,түсініп оқу және шапшаң оқу болып бөлінеді. Бастауыш сыныптарда оқу түрлері мен оқыту технологиялары арқылы жаттықтыру жұмыстары жүргізіледі.Мәтін дауыстап және іштей оқылады.Оқудың екі түрінде де оқу техникасының талаптары қойылады.Бұл талаптар бір-бірімен тығыз байланысты.Өйткені түсінбей мәнерлеп оқи алмайды,ал дұрыс оқымаса түсінбейді. Мұғалім тарапынан оқу техникасын тексеруге дайындалу барысында нақты тапсырмалар беріледі. Дұрыс оқудың негізгі сауат ашу кезінде-ақ басталады.Осы кезде әрбір сөзді буындап оқуға жаттықтырған жөн.Оқығанда қиын тиген сөздерге талдау жасап отырудың дұрыс оқуға дағдылану үшін пайдасы зор. Шапшаң оқу-мәтіндегі сөздерді қалай болса солай,сөдердің аражігін айырмай тез оқу емес.Мәтінді баяу оқыған бала мәтіннің мазмұнын түсінбек түгіл,бір сөйлемнің өзінде не айтылғанын аңғармай қалуы мүмкін.Сондықтан,мәтінді түсінетіндей жылдамдықта оқу маңызды. Түсініп оқу-оқушының оқыған мәтіннің мазмұнын анық,терең ұғынуы болып табылады.Оқығанын толық түсінуін балалардың мәтіндегі негізгі ойды айыра алуларынан,оның мазмұнына өзінің көзқарасын білдіруінен байқауға болады. Мәнерлеп оқу-сөйлеу сазы арқылы автордың ойын білдіру,мазмұндық ой екпінін дұрыс қоя білу,кейіпкердің көңіл -күйін сезіне оқи білу. Мәнерлеп оқуда үш міндет орындалады -оқушылар шығарманың мазмұнын түсінеді -шығармадағы кейіпкерлер ққайта жасалады -шығармадағы көңіл күй көрсетіледі

4-сынып Оқу техникасы: Дауыс кідірісін,ырғағын дұрыс сақтап оқу,эмоциялық бояуларды байқау.Мәнерлеп,белгілі бір қарқынмен шапшаң оқу. Біліктерге қойылатын талаптар:Дұрыс,түсініп,мәнерлеп,белгілі қарқынмен минутына 75-95 сөз мүмкіндік деңгейі 120 сөз оқу. Мәнерлеп оқуға өз беттерімен дайындалу. Мәтіндерді бөлімдерге бөлу.Әр бөлімдегі негізгі ойды табу.Мәтіннің жоспарын жасау. Оқу барысында оқушының білігі мен дағдысын былайша бағалауға болады -баяу,дұрыс,түсініп,мәнерсіздеу оқиды -шапшаң,мәнерсіз,сөзді бұрмалап,түсінбей оқиды -өте баяу,бірқалыпты,дұрыс,түсініп,мәнерсіз оқиды -орташа қарқынмен,дұрыс,түсініп,мәнерлеп оқиды -шапшаң,дұрыс,түсініп,мәнерлеп оқиды Оқушылардың техникасын тексеру-сабақтан тыс жұмыс.Ол өздігінен орындалатын сабақтың түрі болып есептеледі.Оқу техникасын тексеруге арнайы сағат бөлінбеген.Дегенмен,оқушылардың оқу техникасы тексерусіз қалдырылмайды.Сол себептен,тексеру жолы мұғалімнің өз еркіне беріледі. Оқу техникасын тексеру барысында,мұғалім тарапынан оқушыға қысым жасау,оларды жеку,кемшілігін басып айту сияқты жағымсыз әрекеттер болмауы тиіс.Баланың жас ерекшеліктері мен денсаулығына,психикасына зияны тимесе,ой-өрісіне қатты күш салынбаса мұғалімнің шығармашылық ізденісіне мін тағылмайды. С.Рахметова «Қазақ тілін оқыту әдістемесі»атты еңбегінде оқу дағдысын қалыптастырудың әдіс-тәсілдеріне жан-жақты тоқталып,кеңінен сипаттама берген. «Оқу техникасы»жұмыс дәптерін қолдану барысында ғалымның еңбегін күнделікті тәжірибеде пайдалана отырып,жақсы нәтижелерге жетулеріңізге тілектеспіз.

Н.Островский атындағы №4 Күршім орта мектебі

Баяндама
Тақырыбы: Бастауыш сыныптарда оқу шапшаңдығын дамытудың өзектілігі
Баяндамашы: Бастауыш сынып мұғалімі Жолдыбекова Н.Б.

2015-2016 оқу жылы